|
سلام عليكم
هذي اخوي قصيده من محفوظاتي الشعريه للغزل العفيف ارجو ان تنال اعجابك
يقول :
نشدني صديق قال حبك ورا ما بان .... ورا بالغزل مالك بيوت مسويها
ولا لك غزل يالقرم بسم الله الرحمن .... وراك ان ما تذكر هنوف مصافيها
وانا اقول اللي ما يحب الهوى غلطان .... وابشرك والله من هنوف مهاويها
وابعلمك وانت تتعوذ من الشيطان .... دام النشاما تستمعني باذانيها
انا احب لي حب تولع به العربان .... عيال النشاما اللي طوال يمانيها
احب الرجوله والرجوله لها سيسان .... ترا ساسها لا طاب يرسي ويرسيها
واحب الكرم واهل الكرم والكريم معان .... كريم ونفسه للمواجيب مصخيها
واحب اشتري لي عود ازرق من الدكان .... واطيب رجال سيرت لي واقهويها
واحب الدلال الصفر من صنعة الرسلان .... اليا دارت المجلس وماجوبها فيها
واحب الحرار اللي بالعشا برهان .... تقضض على جول الحبالي وتشفيها
واحب الحصان اللي سبق والحصان حصان .... واحب الذلول اللي تقدم براعيها
حسينة حلا مالها بالحلا اثمان .... اخطاة الاصيل اليا افرحت وجه قانيها
واحب البيوت اللي تظلل بها البدوان .... عيال الجزيرة ساكنين باراضيها
واحب الجيوش اليا ارزمت داخل الميدان .... اليا قادها القايد وهرول يباريها
واحب الجيوب اللي ترمهد مع الخليان ... تعانق طيور الجو وتمشي مماشيها
لها تكملة ولم احفظ غير ما ذكرت ...
ارجو ان تنال اعجابك
|