[عاشق الفايزية]

مساكم الله بالخير

الليلة راح أخبركم بأحسن الطرق لأصطياد الهاكر.. وطبعاً هالطرق أنا ماستنتجتها الا بعد أن تم أغلاق إيميلين لي من قبل بعض المتطفلين , عن طريق مايسمى بالقنابل البريدية بحيث يتم أرسال فوق الألفين رسالة بوقت واحد عن طريق برنامج فيتم أغلاق الأيميل بعد ضغطه أوتاماتيكياً .. المهم ماأطول عليكم وعندكم خمس طرق حلوة وسهلة ..



1- قبل كل حاجة .....حط الخلفية كتم(سوداء) ..

يعني الأيقونات والمستندات والبرامج كل أبوها سوداء...

ودس شريط المهام والإختصار...

(مخفي يعني).......ليش ..؟؟

عشان لو متطفل خش على كمبيوترك راح يشوف

الشاشة سوداء ........يحسبه مقفل...!!

بس لو حرك الماوس في جهة شريط المهام راح تنكشف الطبخة.....وتخربت الدعوة.....إيش تسوي؟؟



2- تسوي مستند جديد اسمه(سري) وتحطه في

(My Documents)

لأنه منطقة تجسس المخترقين(لأنها خصوصية) والملقوف (الهاكر) هو صدق شاف كلمة سري..راح يخش عليه وأنت بدورك تجي من وراه و تقوم تقفل الملف عليه..كخخخخ.. وبكذا حجزت واحد..وبتشوف الملف يناقز ..وإذا حسيت إنه بيطلع منه....وش تسوي؟؟



3- تأخذ البطانيه وتغطي الشاشة .......وإذا دغدغك.. دخل كل أبو الشاشة في خيشة وأخذ ( شطة تباسكو )مع (الريد الإصفر)أبو خط أحمر لأنه أحسن مافي السوق ويستحسن يكون بودره .....وبخها به ومع الشطة (أحلى طبخه) وأحزم عليها وراح يخنتق ويموت ....

وإذا ماهجد (لأنه هاكر ماهو حشرة)........إيش تسوي؟؟





4- أخذ الخيشه وروح الحمام وغطسها بالمغطص .....وطلعه ودخله..وطلعه ودخله..وطلعه ودخله..(عذبه يعني)......وإذا مانفع.........هذاآخر حل؟؟



5- امسك الخيشه واسحبها لتحت ودخلها بدرام الشارع ...مع حبل مربوط بالونيت ....واسحبه وشره به بالشوارع وهاذي عاقبة المخترقين.......