[قـــصـــيـــة]

السلام عليكم ورحمته وبركاته

اسمحولي ماعندي مقدمة أبدخل بالموضوع علطول .. علمًا هالموضوع في بالي ومقلقني من سنوات

طبعًا أنا ما راح أتكلّم عن الطلاب اللي يدرسون بمدارس أهلية لأني ماعندي أي خلفية عن أخلاقهم وتصرفاتهم ..

موضوعي يتكلّم عن الطالبات في جميع المراحل!
للأسف 70% من الطالبات قليلات أدب ومع إحترامي لأهلهن ماربوهن على الأدب والإحترام ..!!
وللمعلومية هذي الإحصائية ماجبتها من مخيلتي .. ولا معلمة ولا طالبة أعرفها جرّبت المدارس الأهلية إلا وتذم تصرفاتهن بجميع المراحل
حتى فكرت أدرّس بمدرسة أهلية الكل قالي ننصحك ماتقربين الأهليات!

بصراحة ماأدري وش أقول عن تصرفاتهن الغير مؤدبه وقلّة أدبهن وعدم إحترامهن للكبير
والرسول عليه السلام أمرنا بإحترام الكبير وقال: ( ليس منّا من لم يوقّر كبيرنا )

عدم إحترام المعلمة بوقت الشرح اللي تاكل واللي تسولف واللي مشغولة بأناقتها واللي .. واللي ....الخ
وخل المعلمة تقول انتبهي أو تهاوشها .. يتلفظن عليها ألفاظ غير لائِقة أقلّها نعم .. وش تبين !
ومن سوء التربية تقول للمعلمة بلوزتك اللي أنتي لابستها من فلوسنا والثانية تقول عطيني نص فلوسي وأحترمك .!!!!
ياالله .. الإحترام صفة من صفات المسلم الطيّب
والطامة الكبرى تجي أم الطالبة وتهاوش المعلمة ليش تقولين لبنتي وليش وليش .. يعني المعلمة قامت من النوم
ولبست علشان تهاوش بنتك ؟؟!! لو بنتك جالسة بفصلها ومحترمة نفسها وغيرها محد يقدر يقولها كلمة وحده
وكأنها تعزز لبنتها قلّة الأدب وعدم الإحترام ..!!!

وربي إنه شي يقهر اللي يصير .. ليش كذا يسوون ؟! ليش ياطالبات الأهلية تسون كذا ؟!!! مب حرام عليكن !
ليش يأهل ماربيتوا بناتكم على الأدب والإحترام والأخلاق الحسنة ؟؟؟!




أنا آسفه أدري كلامي قاسي لكن وربي ماكتبته إلا من القهر اللي فيني والخطأ اللي يصير كل يوم !!
وأبي الأهل يربون بناتهم زين ويسألون عنهن بالمدارس فالرسول الكريم يقول: ( كلكم راع وكلكم مسئول عن رعيته )


الله يهديهن ويصلحهن ..




+ تنويه/
اللي بيرد رد غير محترم .. أعتذر مقدمًا مب راده عليه
وماكتبت التنويه إلا لأني عارفه فيه بعض النفوس تكره قول كلمة الحق للأسف!

ورقـة خـريـف

[California]

نعم احسنتي في كلامك

فـ وآلله كلامك عيـن الصواب
للاسف بنات هآلوقت انزاح منهم الحيآء وقليل منهم تجدين فيها ذره من الاستحيآء

نسأل الله الهدايه لهم ولجميع المسلمين
موضوعك جيد للغايه ويآليت الجميع يستحسن الرد لـكي نخرج بحوار هادئ مميز يدلنا على خير

[قـــصـــيـــة]

اقتباس المشاركة الأساسية كتبها California نعم احسنتي في كلامك فـ وآلله كلامك عيـن الصواب للاسف بنات هآلوقت انزاح منهم الحيآء وقليل منهم تجدين فيها ذره من الاستحيآء نسأل الله الهدايه لهم ولجميع المسلمين موضوعك جيد للغايه ويآليت الجميع يستحسن الرد لـكي نخرج بحوار هادئ مميز يدلنا على خير

آمين هداهنْ الله .. بارك الله فيك أخي الفاضل وأشكرك على المرور

اقتباس المشاركة الأساسية كتبها كنافه موضوع رائع صراحه كل اللي قلتي صحيح وفيه اشد منه انا درست في كذا اهليه وشفت اشياء توحش ما عني مااروح الاباالاختبارات ويكون في علمك اكثر البنات مايدرون اهلهم عنهم وصراحه ارحم المعلمات يتعبن ولايشوفن احترام نهائيا صراحه انصح اللي تبي تدرس لاتطب الاهليات نهائيا المشكله اذا نصحتي الطالبات وش يقولن يقولن وشوله دافعين فلوس نبي نستانس المصيبة إنهن فاهمات الوناسة غلط !! ونصيحه لتس<<لاتقدمين على اهليه شاكرة لكِ نصيحتكِ اشكرك على طرح الموضوع

العفو عزيزتي كُنافه والشكر لكِ على المرور

اقتباس المشاركة الأساسية كتبها خمائل مختاله السبب الحقيقي.. هو اذا ضاع الراعي ..ضاعت الرعيه.. يعني الاداره..لو هي فعلا تعاقب ..الطالبه مثل المدارس الحكوميه.. ماشفت الوضع المتدهور الحاصل الان.. بنات الاهليات..مثل حوش فيه غنم ومتروكات يرعن على هواهن.. مافي راعي..يوجههن..او يوقفهن عند حدهن.. عيني عينك..اشوف البنت تغش..والمعلمه..تشوفها..ومابيدها حيله.. وبعض المعلمات تقعد تبكي قدام الطالبه...لانها موقادره..توقفها عند حدها.. روحي شوفي اهليات الرياض..تعليم على مستوى..وانضباط اشد من الحكوميات عندنا..

صحيح لو كان فيه عقاب لصلح الحال .. لكن .. الأساس هيَ التربية يالغالية
فيه بنات بمدارس أهلية تبارك الله بقمّة الأدب والأخلاق وهذا راجع لمنشأها وتربيتها



خمائل مختاله سعدتُ بمروركِ

اقتباس المشاركة الأساسية كتبها | خطوآت ملك | اشكرك جزيل الشكر على موضوع اللي بالقوه روعه .. مثل ماقالو الاخوان لو فيه عقاب كان ماشفتي اللي شفتيه ,, 1: العقاب المفروض يجي من الاهل ,, 2: العقاب الثاني يجي من ادراه المدرسه ..

العفو اخي الكريم والشكر لك على المرور

صدقت لكن قبل العقاب على الأهل توجيه بناتهم عن فعل أي خطأ يتعلّق بأخلاقهن وتعاملهن من الآخرين

[بنت أبو خالد]

ذاك أول !

الحين غير .. وغير مره !

[قـــصـــيـــة]

اقتباس المشاركة الأساسية كتبها بنت أبو خالد ذاك أول ! الحين غير .. وغير مره !

ياليت ..!!


مقدرة حضوركِ بنت أبو خالد

[جيهان]

موضوع رائع

صراحه كل اللي قلتي صحيح وفيه اشد منه
انا درست في كذا اهليه وشفت اشياء توحش ما عني مااروح الاباالاختبارات
ويكون في علمك اكثر البنات مايدرون اهلهم عنهم
وصراحه ارحم المعلمات يتعبن ولايشوفن احترام نهائيا
صراحه انصح اللي تبي تدرس لاتطب الاهليات نهائيا

المشكله اذا نصحتي الطالبات وش يقولن يقولن وشوله دافعين فلوس نبي نستانس

ونصيحه لتس<<لاتقدمين على اهليه

اشكرك على طرح الموضوع

[خمائل مختاله]

السبب الحقيقي..

هو اذا ضاع الراعي ..ضاعت الرعيه..

يعني الاداره..لو هي فعلا تعاقب ..الطالبه مثل المدارس الحكوميه..

ماشفت الوضع المتدهور الحاصل الان..

بنات الاهليات..مثل حوش فيه غنم ومتروكات يرعن على هواهن..

مافي راعي..يوجههن..او يوقفهن عند حدهن..

عيني عينك..اشوف البنت تغش..والمعلمه..تشوفها..ومابيدها حيله..

وبعض المعلمات تقعد تبكي قدام الطالبه...لانها موقادره..توقفها عند حدها..

روحي شوفي اهليات الرياض..تعليم على مستوى..وانضباط اشد من الحكوميات عندنا..

[| خطوآت ملك |]

اشكرك جزيل الشكر على موضوع اللي بالقوه روعه ..

مثل ماقالو الاخوان لو فيه عقاب كان ماشفتي اللي شفتيه ,,

1: العقاب المفروض يجي من الاهل ,,
2: العقاب الثاني يجي من ادراه المدرسه ..

اقتباس المشاركة الأساسية كتبها خمائل مختاله روحي شوفي اهليات الرياض..تعليم على مستوى..وانضباط اشد من الحكوميات عندنا..

راح اجوب عليك يـ ( خمائل مختاله ) ؛ بعد اذن صاحبه الموضوع ..!

وحده من قريباتي كانت ادرس بمدارس اهليه بالرياض مو بالقصيم

كل يوم تشتكي من الطالبات اللي ترفع صوتها واللي ابد احترام ماعندها , والخ ..!

طبعا جاء وقت الاختبارات اللي ادرس اعرفها وحده تخاف ربها وماتبي تاخذ الفلوس حرام تبي تاخذها حلال ,,

طبعا فيه بنت ماكانت تحضر الايام العاديه بس بوقت الاختبارات ,,

البنت جت للاختبار واختبرت وكل شي .. يوم جاء وقت الشهادات حصلت الطالبه نفسها راسبه بالماده ..

البنت جت واشتكت للاداره ان المدرسه مرسبتها وسوت قلق شوي ,,

المديره لما عرفت السالفه ادخلت على المدرسه اللي تقرب لي بالفصل وهزهتها قدام الطلبه ..

والله هذا اللي حاصل .. بعدها مسكت المدرسه اللي تقرب لي ..

قالت لها اذا تبين تبقين معانا ماابغا اي طالبه ترسب معانا لو هي مادرست السنه كلها ..!

بعد تركت المدرسه ولا تنهان كرامتها عشان 3000 ريـال ..

اتمنا اني افدتك بردي هذا .. واكرر لك شكري ورقه الخريف على موضوعك الرائع ..

[متصفحة]

أغلب المدارس تشتكي من قلة إنضباط الطالبات سوء الأهلي أو الحكومي

الأمر عائد لإدارة المدرسة و أسلوب المدرسة مع الطالبات

لو زرعت الإحترام و الأدب ستجني ذلك و أكثر

فرق قلة الأدب ( كما وصفتها ) بين الطالبات هنا وهناك هو دفع الجزية > أقصد المال للتعليم الحر
وهذا للأسف واقع التعليم الأهلي لدينا

*وصفك للطالبات ببعض الكلمات لم أستسيغه منك كان هناك مفردات تخدمنا أكثر بلغتنا الحبيبة

اقتباس للأسف 70% من الطالبات قليلات أدب ومع إحترامي لأهلهن ماربوهن على الأدب والإحترام ..!!

التربية تختلف مستوياتها .. فهناك عوائل حتى أخذ الحق بـ أدب ممنوع لديهم و العكس

اقتباس + تنويه/ اللي بيرد رد غير محترم .. أعتذر مقدمًا مب راده عليه وماكتبت التنويه إلا لأني عارفه فيه بعض النفوس تكره قول كلمة الحق للأسف!

وموضوعك ياغالية فيه إساءة للطالبات إلا 30% منهن

[قـــصـــيـــة]

اقتباس المشاركة الأساسية كتبها متصفحة أغلب المدارس تشتكي من قلة إنضباط الطالبات سوء الأهلي أو الحكومي الأمر عائد لإدارة المدرسة و أسلوب المدرسة مع الطالبات لو زرعت الإحترام و الأدب ستجني ذلك و أكثر

أنا معك ان تصرفات الطالبات الخاطئة تكون بمدارس أهلية أو حكومية
لكن أسألك بالله أيهما أكثر مذمّه تسمعين من طالبات المدارس الحكومية أو طالبات المدارس الأهلية ؟؟
وأُخالفكِ عزيزتي ليس الأمر عائد لإدارة المدرسة واسلوبها مع الطالبات إلا بنسبة قليلة جدًّا
فهناك طالبات يستفزنْ المعلمة وهنْ من يبدءن بالمشكلة ..!

اقتباس المشاركة الأساسية كتبها متصفحة فرق قلة الأدب ( كما وصفتها ) بين الطالبات هنا وهناك هو دفع الجزية > أقصد المال للتعليم الحر وهذا للأسف واقع التعليم الأهلي لدينا

على حد علمي أن المدارس الأهلية فُتحت لعدة أسباب أهمها الربح المادي
وأيضًا للتسهيل على الطلاب والطالبات من ناحية التدريس ومراعاة ظروفهم من عدم سرعة الفهم والإستيعاب
أو قد تعدت السن المناسب لمرحلة معينة أو متزوجة أو .. أو .....الخ من الظروف المتنوّعة

لكن المشكلة مثل ماقالت الأخت كُنافه

اقتباس يقولن وشوله دافعين فلوس نبي نستانس

مافيه مشكلة تستانس على المساعدة في تبسيط الكتب والتسهيل في الإختبارات وفي الترفيه
لكن المصيبة إنهن يعتبرن قلّة الأدب وعدم إحترام المعلمة والتلفّظ بألفاظ غير لائِقة هذي الوناسة ..!!!

اقتباس المشاركة الأساسية كتبها متصفحة *وصفك للطالبات ببعض الكلمات لم أستسيغه منك كان هناك مفردات تخدمنا أكثر بلغتنا الحبيبة وموضوعك ياغالية فيه إساءة للطالبات إلا 30% منهن

أنا اعتذرت وأعتذر للمرة الثانية على كلامي لكن وربي يااختي اللي يصير شي يقهر وخطأ كبير مايرضي الله ولا خلقه
وأنا ماقلته إلا ناصحة للبنت وأهلها فالأمر بالمعروف و النهي عن المنكر مطلوب من كل مسلم بقدر ما يستطيع
والدليل قول رسول الله صلى الله عليه وسلم: ( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )

اقتباس المشاركة الأساسية كتبها ثلاثينيه رايقه عندي تعقيب بسيط لما ذكرتيه يالغاليه والعفو لا اقصد تقصيرك قله الادب الان في المدرستين الاهليه والحكوميه والسبب لا اقول الاهل مئه بالمئه لا والله فيه امهات يحطون على الجرح ويبرى لكن التعاميم والقرارات الجديده اصبحت مع الطالب ضد المعلم فقل الخوف عند الطالب وقله هيبه المعلم لانه امن العقاب اهم هذه القرارات : الضرب ممنوع واول كنا نخاف خاصه المسطره الخشبيه التشهير ممنوع واول كنا مجرد يقال بنقول الاسم في الطابور يغمى علينا الطرد ممنوع واول كله ولا اوقف برى الفصل وتشوفن اختي وبنت عمي واللي يعرفن ويقولون لاهلي اعتقد هذي من اهم الاسباب لقله الادب ناهيك عن التقليد الاعمى لبعضهم والتاثر بالقنوات وغيرها ختاما اشكرك حبيبتي على موضوعك الاكثر من رائع

إضافة رائعة منكِ أستاذتي الفاضلة لكن المنشأ والبيئة التي عاشت بها الفتاة تؤثر على سلوكها وتعاملها مع الآخرين
فكم من أم ماتتعدى سجادتها وبنتها ماتتعدى القنوات الفضائية الهابطة!

مقدرة لكِ مروركِ

اقتباس المشاركة الأساسية كتبها الحنوونه لا تجمعيين كل البنات البنااا مو نفس بعض والله فيه بنــآآآت بالاهلييه قمــة الاخــلآق وفيه لا والحكوميه نفس الكــلآم لا تحكمييين ع كل البنـآآآآت

أنا معكِ ياغالية لكن في المدارس الأهلية قليل تجدين بنات قمّة بالأخلاق أما في المدارس الحكومية تجدين الأغلب قمّة بالأخلاق

برأيكِ ماسبب ذلك ؟؟

اقتباس المشاركة الأساسية كتبها جذاب لكن مشكوره اختي على هذا الموضوع المميز الكثير وليس القليل يغفل عن هذا الموضوع عدم التربيه تأتي من البيت نفسها بحجة هذي حقوقنا (ولم يعلم الطالب او الطالبه انهم سيتخرجون ويعرفون ذلك حينما يقفون للتعليم

صدقت بارك الله فيك وزادك عقلًا .. أشكرك على المرور أخي الفاضل

[ثلاثينيه رايقه]

عندي تعقيب بسيط لما ذكرتيه يالغاليه والعفو لا اقصد تقصيرك
قله الادب الان في المدرستين الاهليه والحكوميه
والسبب لا اقول الاهل مئه بالمئه لا والله فيه امهات يحطون على الجرح ويبرى
لكن التعاميم والقرارات الجديده اصبحت مع الطالب ضد المعلم فقل الخوف عند الطالب
وقله هيبه المعلم لانه امن العقاب
اهم هذه القرارات :
الضرب ممنوع واول كنا نخاف خاصه المسطره الخشبيه
التشهير ممنوع واول كنا مجرد يقال بنقول الاسم في الطابور يغمى علينا
الطرد ممنوع واول كله ولا اوقف برى الفصل وتشوفن اختي وبنت عمي واللي يعرفن ويقولون لاهلي
اعتقد هذي من اهم الاسباب لقله الادب ناهيك عن التقليد الاعمى لبعضهم والتاثر بالقنوات وغيرها
ختاما اشكرك حبيبتي على موضوعك الاكثر من رائع

[ـالتُفاحة الورديّة]

هلا ورقة خريف << مدلعتك وريقه

فعلا طالبات الاهليه بعضهن قليلات ادب بس آقف معك بالنقطه هاذي ان السبب مو تربية الاهل

السبب تأثر بعضهن ببعض نعم كل وحده تشوف الثانيه ترد على مدرسته وترد مثلها

والسبب ما يرجع للاهل ابداً

واسأل مجرب انا كان صديقاتي نصف لفه بالثانوي بس الحمدلله تخرجنا وافترقنا والا كان حصل مالا يحمد عقباه الفضل الاول لله عصمن من هالحركات ثم الفراق والا كان علوم والحمدلله بالجامعه صديقاتي قمة بالاخلاق وهكذا سرنا

اشكرك ياورقة خريف الموضوع الجميل ..

لبنى سابقاً

[بندر 1430]

أحسنتِ أختي بالفعل هي مشكلة قد لا تكون لها نهاية إن إستمر الهدف من إنشاء تلك المدارس الربح المادي ..

كم تمنيت أن يتم إنشاء نظام لتقييم المدارس الأهلية بواسطة الطلبة و الطالبات و المعلمين والمعلمات ويكون بواسطة الإنترنت عبر موقع وزارة التعليم بحيث يمنح كل من ينتمي لأي مؤسسة تعليمية رقم خاص به للدخول إلى النظام و من ثم يقيّم أداء المدرسة و إدارتها و لا ينظر لتلك التقييمات سوى المسئولين في الوزارة ..

شكراً لكِ

[قـــصـــيـــة]

اقتباس المشاركة الأساسية كتبها قلب من ألماس هلا ورقة خريف << مدلعتك وريقه فعلا طالبات الاهليه بعضهن قليلات ادب بس آقف معك بالنقطه هاذي ان السبب مو تربية الاهل السبب تأثر بعضهن ببعض نعم كل وحده تشوف الثانيه ترد على مدرسته وترد مثلها والسبب ما يرجع للاهل ابداً واسأل مجرب انا كان صديقاتي نصف لفه بالثانوي بس الحمدلله تخرجنا وافترقنا والا كان حصل مالا يحمد عقباه الفضل الاول لله عصمن من هالحركات ثم الفراق والا كان علوم والحمدلله بالجامعه صديقاتي قمة بالاخلاق وهكذا سرنا اشكرك ياورقة خريف الموضوع الجميل .. لبنى سابقاً

أهلًا بالغالية لبنى

غاليتي صحيح كما ذكرتي أن البنات يتأثرن ببعض لأن الصاحب ساحب!
لكن وين دور الأهل ليش مايسئلون عن بنتهم .. طيّب نقول يمكن واثقين من أخلاق بنتهم
ليش الإدارة مايخبرون الأهل عن تصرفات بنتهم وإنها تجلس مع طالبات كذا كذا ؟؟!


سُررتُ بحضوركِ

اقتباس المشاركة الأساسية كتبها بندر 1430 أحسنتِ أختي بالفعل هي مشكلة قد لا تكون لها نهاية إن إستمر الهدف من إنشاء تلك المدارس الربح المادي .. كم تمنيت أن يتم إنشاء نظام لتقييم المدارس الأهلية بواسطة الطلبة و الطالبات و المعلمين والمعلمات ويكون بواسطة الإنترنت عبر موقع وزارة التعليم بحيث يمنح كل من ينتمي لأي مؤسسة تعليمية رقم خاص به للدخول إلى النظام و من ثم يقيّم أداء المدرسة و إدارتها و لا ينظر لتلك التقييمات سوى المسئولين في الوزارة .. شكراً لكِ

بل أحسنت أنت أخي بندر بهذه الأُمنية الرائعة التي لن تتوانا وزارة التربية والتعليم عن تطبيقها لو أنكَ إقترحتها عليهم


العفو والشكر لك بارك الله فيك

اقتباس المشاركة الأساسية كتبها france صدقتي مع اني ماشفت بس سمعت كثييييييييير والمسؤول عن هذا هم ادارة المدارس بالشكل الرئيسي لأنهم لو حطوا خط احمر وتعليمات جادة كان ما شفنا هالمهزلة بنات هالوقت مايعطن وجه للأسف اسمحوا لي بهالكلمة "نحن شعب متخلف"

أحسنتِ عزيزتي فعلًا لابد من وضع تعليمات جادة وقوانين حازمة حتى تنتهي تلك المهزلة!

أُخالفكِ ياغالية ليس جميع الشعب متخلّف


مقدرة لكِ مروركِ

اقتباس المشاركة الأساسية كتبها كتكوتة صدقتي والله صدقتي والله قليلات ادب ويخربن على غيرهن والعدوى سريعه الانتشار .. يارب لاتحدن ادرس بنتيي باهليه

شكرًا جزيلًا لحضوركِ وحفظ الله إبنتكِ وأنبتها نباتًا حسنًا