[اليراع الأبيض]

بسم الله الرحمن الرحيم ..

السلام عليكم و رحمة الله و بركاته ..

أخواني و أخواتي أردت أن أنقل لكم معاناة تسجيلي و بعض إخواني في هذه الجامعة ونحن في اليوم الأول في التسجيل ..

فعند مجيئنا إلى الجامعة في الساعة العاشرة تقريبا حيث إني في الفترة الثانية وتبدا من الساعة ((11:30)) فعند دخولي إلى الجامعة طبعا نبدأ بتجهيز الأوراق و شراء الملفات طبعا ملفات خاصة من عندهم فعندما اشترينا و انتظرنا نجد مكان نجلس فيه ننتظرهم يقومون بتوزيع الأرقام ( حيث لا يمكن لأي طالب التسجيل إلا برقم ) فإذا بنا ننتظر و يبدأون بتوزيع الأوراق ثم يوزعون .. و قالوا لن نوزع إلا على الجالسين حيث إنا استلمنا أنا ومن معي آخر الكراسي حيث إنها انتهت ثم يبدأ بالتوزيع فيأتون إليه الناس من فوق و يعطيهم و انتهت الأرقام و يأتوا بأرقام أخرى و تنتهي و كان هناك كلن جاي (( علمي و شرعي وطلاب و طالبات و الطالبات كل وحده جاي عنها أحد أقربائها )) و الرجال يهوشون على اللي يوزع الأوراق (( تعااااااال وزع عندنا لنا سنتين جالسين )) عاد و يطلع حضرت الأخ اللي معه الأوراق و يتجمعون عليه الناس من كل مكان ومما زاد الطين بله إن الجريدة مخطئة و قايله (( اللي فوق 87التسجيل في أول يوم )) و يجي حضرت العميد و
وقال أنتم يالطلاب إصبروا إلى أن نخلص أولياء أمور الطالبات و كذلك ..
يقول اللي يبي أوراق يجي برا الصالة الرياضية (( مكان التسجيل )) و عاااااد و يرصنا في الشمس في الساعة الحادي عشر و الرجال يهوشون عليه وتحطيم إلى أن دخلهم و يكملون عليه الهواش وبعد الهواش و لا بوه أرقام رحنا للمكان اللي يتم فيها إجرائات القبول وكان حاطين جداار من خشب و نجي عند حارس الأمن و نقوله يا أخي دخلنا من مبطي و حنا جايين و يصير تدافع وإلا شوي و يطيح جدارهم اللي حاطينوه و هواش على الرجال ((الناس ملت و فيه كبار سن )) وكان في الوقت ذا انقطعت الأرقام و نروح للي يسجل نقوله نبي نسجل ثم يقول معكم أرقام و نقول لا ثم يقول جيبوا أرقام أقوله من أين ؟؟ يقول (( ما أدري )) و نجلس و نصلي الظهر في مكان التسجيل و نقوم و يجيبون أرقام مكتوبه بخط يد (( يعني تسكيته )) يوم قضت الأرقام جااء حضرت الوكيل حق الجامعة و قال (( خلاص بدون أرقام سجلوا )) و يبدأ الطلاب يمسكون طابور و يالله يالله سجلنا طبعا بعد هواش على العميد و كل العاملين هناك و واحد قابلته ألفاظة مثل وجهه .... ولا خرجنا إلا بعد الساعة 3

عاد سألت أحد اللي جايين مبكرين (( الساعة 8 )) يقول ما عطون إلا استمارة .. ولا طلع إلا الساعة ثلاث و كذلك واحد جاي الساعة سبع و نفس الطريقة ..

هالحين الجامعات كله تطورت ووبدؤ يسجلون عن طريق الإنترنت و هم إلى هالحين بهالطريقة و الله يا حنا تعبنا في التسجيل و حنا هالحين في اليوم الأول (( اللي من 90 و فوق )) فكيف باللي نسبته (( في الثمانين )) ..طبعا فيه ناس أشد مني معاناه..

فماااااااا رأيكم في هذا الأسلوب ؟؟؟

[ولد العقيلات]

و الله مساكين الطلاب ، الجامعة من جهة و القبول قبل ذلك و غيره كثير
ما أقول إلا الله يعين الجميع

و الجامعة عالم غريب تحتاج إلى إعادة غربلة الهيئة الرقابية على الجميع
من حارس الأمن إلى العميد و مدير الجامعة
و هذا موب أتهام لهم بقدر ما هو البحث عن الأساليب الصحيحة في التعامل مع الطالب الجامعي و إحترامه

[اليراع الأبيض]

اقتباس المشاركة الأساسية كتبها ولد العقيلات و الله مساكين الطلاب ، الجامعة من جهة و القبول قبل ذلك و غيره كثير ما أقول إلا الله يعين الجميع و الجامعة عالم غريب تحتاج إلى إعادة غربلة الهيئة الرقابية على الجميع من حارس الأمن إلى العميد و مدير الجامعة و هذا موب أتهام لهم بقدر ما هو البحث عن الأساليب الصحيحة في التعامل مع الطالب الجامعي و إحترامه

ايه و الله ..

الكل متأذين و الله ... و السمعة صارت وسط من يوم حطوا السنة التحضيرية

جزاك الله خير على المرور

[azooz / 2005]

لا بعد ماشفت شي
اصبر إلى ما تجي الدراسة وتشوف الموت الحمر من الدكاترة


أخوك/ azooz/ 2005

[أبو أميرة]

هذا عند التسجيل ... ماشفت شي يجيك تعديل الجداول وتشوف المغثه على أصوله !!!!!!! بعد ماتقبل يعني ,,,,

[اليراع الأبيض]

اقتباس المشاركة الأساسية كتبها أبو أميرة هذا عند التسجيل ... ماشفت شي يجيك تعديل الجداول وتشوف المغثه على أصوله !!!!!!! بعد ماتقبل يعني ,,,,

هههههه

الله يعين عليهم ... يبي من يغير نظامهم

و الله يجزاك خير أخوي على المرور

[التويجري]

وإن غدا ً لناظره قريبُ ..

.
.
.

سترى مالم يفعله جنكيز خان بالرغم من عنجهيته المقيتة ..

.
.
.

إلا ماقلت لنا بأي قسم سجلت .. ؟ :D

[اليراع الأبيض]

اقتباس المشاركة الأساسية كتبها التويجري وإن غدا ً لناظره قريبُ .. . . . سترى مالم يفعله جنكيز خان بالرغم من عنجهيته المقيتة .. . . . إلا ماقلت لنا بأي قسم سجلت .. ؟ :D

الله يعين عليهم ... وأنا مسجل في السنة التحضيرية

جزاك الله خيرا على المرور

[الفارس الملثم]

لم أسمع أحدا مدح تلك الجامعة البئيسة .. !!
لا أدري ماذا يستفيدون من هذا التعقيد ..

أعانكم الله ..

[اليراع الأبيض]

اقتباس المشاركة الأساسية كتبها قناص الروس لم أسمع أحدا مدح تلك الجامعة البئيسة .. !!

اقتباس المشاركة الأساسية كتبها قناص الروس لا أدري ماذا يستفيدون من هذا التعقيد .. أعانكم الله ..

أكيد ما راح تسمع لدامهم مستمرين هكذا .. و الجامعات الثانية الكل يمدحها ..

هي و الله أعلم تحاول تخترع نظام جديد ..

جزاك الله خير على المرور أخوي قناص

[محمد المزيني]

أبقول شي

بس سبقني أخي أبو أميرة

ألا وهو تعديل الجداول والجداول نفسها بدون تعديل

أنا شخصياً استلمت جدولي بالأسبوع الخامس من الدراسة

[اليراع الأبيض]

اقتباس المشاركة الأساسية كتبها أبو دعفس أبقول شي

اقتباس المشاركة الأساسية كتبها أبو دعفس بس سبقني أخي أبو أميرة ألا وهو تعديل الجداول والجداول نفسها بدون تعديل أنا شخصياً استلمت جدولي بالأسبوع الخامس من الدراسة

لا حول لا قوة إلا بالله ..

و الله مشكلة حتى بالجداول ما سلمنا ..

جزاك الله خيرا على مرورك أخي

[محمد المزيني]

لكن لاخاف ياعزيزي الفاضل

الحل جداً سهل

ابحث لك عن فيتامين (و)

ثم النظام يكون تحت أمرك ، حتى لو أردت طباعة الوثيقة الآن ...

[اليراع الأبيض]

اقتباس المشاركة الأساسية كتبها أبو دعفس لكن لاخاف ياعزيزي الفاضل الحل جداً سهل ابحث لك عن فيتامين (و) ثم النظام يكون تحت أمرك ، حتى لو أردت طباعة الوثيقة الآن ...

ههههههههههه

هذي المشكلة و الله .. يجيك واحد نسبته بالبعينات (( الهم لك الحمد و الشكر )) ثم يدبر له فيتامين (و) ثم يقدم على من أعلى منه نسبه و قس على هذا الكثير .. المفروض يلغى هذى الفيتامين المضر ..
جزاك الله خيرا أخي على تفاعلك مع الموضوع ..