 |
|
|
|
|
14-04-2009, 12:22 AM
|
#1 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
جدتي موضي .. ومكينة الزئبق الأحمر .. سي يو ..
.
 لاإله الا الله .. سبحان الله العظيم ياهيلة المحمد .. من ياعي لتس .. مبطيه عنتس يادافع البلا من يوم اخذتي رجلتس هالتالي ماشفناتس .. يوم هاك الحبيب الأول .. وانتي كل يوم نشوفتس .. وهاللحين لي سنتين ماشفتس .. زاد يوم قالت لي بنتي نوال .. هذي هيلة المحمد ماصدقته .. بس يوم سمعت هالخنة اللي بتس عرفتس  ..ايه وشلونتس بشري عسى الله رزقك بعيال .. اقول ياخاله .. انا طالبتس طلب .. وتكفين لاتردينن .. ايه .. وماشاء الله .. وش الطلب اللي تبينه من .. ابي المكينه اللي عندتس مجدوعة من سنين .. خابرتس ماتبينه .. ايه .. ايه .. ايه .. <<((== وجدتي موضي تقول ايه وهي تقشقش بيده عودان وقشور فصفص من الفرشة .. تبين المكينة حقـتي .. واثرتس زاهمة تبين بس المكينة .. وانا احسبتس ولهتن علي .. اقول هــه مير .. والمكينة خربااااااانه ولاتنفع .. ولا ابيع شي بوه ريحة ( بعلي ) ابو سليمان .. مهوب بغلي .. ياجعلتس البغل اللي يتودس بطنتس .. اقول بعلي بعلي يعني زوجي ابو عيالي يامال الجنة .. روحي بس يالله ماعندي شي للبيع .. مع السلاااااامة .. **************** وراتس يمه .. وش بتس اليوم تهوشين وتلجلجين .. ياوليدي من اليوم وهالتليفون .. كل شوي داقتن علي وحدة تنشدن عن هالمكينة .. مادري وش جايهم عليه .. ياوليدي حتى السودانية حقت الحناء زاهمة تقول ( دايرة المكينة ) قلت له لا المكينة منقطع سيرة .. ومهيب تدور عساتس الدورة .. مير اغديك تروح لبيت الدرج وتجيب هالمكينة اشوفه .. شفه اللي عليه صورة ( كلب ) لوه شوشة .. مبطيتن عنه لاتصير بعد جادعته هالشغالة .. بس وشلون تبي تدخل مع الباب يالدربية اخاف تنشب ياهالبرميل همن من يطلعك فرقعين جدي .. لا يمه انا ادخل وأجيبه .. الباب مقلوع .. بعدين هذا ( اسد ) مهوب كلب لوه شوشة .. إيه .. هاته بهذا بس .. الله المستعان .. تذكرت سراويل جدك سليمان .. عاااااد تصدق اني من يوم اخذت جدك وأنا حافظتن الشعار حق جدك .. دايم يقول .. ( تعددت السراويل .. والربقة واحدة )اذا انقطع السروال فكيت هالربقة هالمغاط .. وخيطته بهالمكينة على سروال ثاني .. الين مات .. عقبه جدعنا السروال .. والربقة ربطة به مفتاح البسطه .. **************** اقول يمه .. عااااااااد تدرين وشواله هالحريم يدقن عليتس .. يبون هالمكينة .. يقولون ( الزئبق الأحمر ) اللي به .. علشان يآخذونه منه .. وشو الزئبق الأحمر ياوليدي .. الزئبق الأحمر .. هذا مثل اللي يجي بمقياس الحرارة .. بس هذاك ابيض واللي بالمكينة احمر .. ايه عرفته اللي بمقاس الحرارة .. .. هاك اللي تقول ( سعبول ) ماغير يرقى وينزل ..انا كل ماشفته حامت تسبدي .. اتذكر سعابيلك اللي كل ماوصلن الأرض تشفطهن همن يرقن ..طيب يمه ماأحد قالتس شغليه وحطي الجوال عنده .. ايه الا الا .. انا اقول ورى مزنة البراهيم تقولي .. شغليه وحومي عليه وانتي مشغلتن الجوال .. اذا راحت الأبراج فتراي ابيه .. واذا ماراحت فخليه عندتس .. قلت له اها بس اقطعي وأخسي .. وش احوم عليه .. ماتبين البس حرامي بعد .. والله عااااااااد لو هي الكعبة علشان احوم عليه .. **************** ياميمتي .. يابعد معاليق ركبتي .. هذولا نااااااااااااس الله يخلف مير .. من زود الفراااااااااااااغ صارو يدورون أي شي يشغلون أنفسهم فيه .. ياميمتي حطي عقلتس براستس واتركيهم .. واتركي هالخرابيط .. اجل نااااااااااااس لك سنين ماسمعت اصواتهم .. يوم جاء طاري هالمكينة قعدوا يدورن بعض .. ناسين بعض .. ويحركهم سبب تافه ضحك العالم علينا .. اقول يمه .. الظاهر إن حنا شعب ( بدون مكينة  ) ..ابدخل هالمكينة لبيت الدرج .. وروحي نامي باقي ساعتين على الفجر .. سي يو .. .
__________________
. . .  .. قلب البحطلة ينبض ..ينبض ينبض ينبض .. . آخر من قام بالتعديل مدحت شوقي بريده; بتاريخ 14-04-2009 الساعة 12:33 AM. |
|
|
|
14-04-2009, 12:26 AM
|
#2 |
|
Registered User
تاريخ التسجيل: Jun 2008
البلد: بريدة
المشاركات: 1,200
|
اللهم لك الحمد ..!
|
|
|
|
|
14-04-2009, 12:31 AM
|
#3 |
|
هوية صامتة
تاريخ التسجيل: May 2003
البلد: Buraydah City
المشاركات: 12,458
|
أنا جوالي فيه زئبق أحمر ومسيوم بعشرين ألف تشتري يابوإبراهيم؟؟
__________________
|
|
|
|
|
14-04-2009, 12:32 AM
|
#4 |
|
عـضـو
تاريخ التسجيل: Aug 2004
البلد: جزيره العرب
المشاركات: 2,443
|
ههههههههه
أضحك الله سنك يامدحت موضوع شيق وجميل ..
__________________
|
|
|
|
|
14-04-2009, 12:32 AM
|
#5 |
|
Guest
تاريخ التسجيل: Mar 2009
البلد: قريب ممن يسال عني
المشاركات: 523
|
الصراحه الوضع صار يبي له وقفه جاده من الجميع زين اليوم قريت انهم راح يشددون الرقابه على هالمرض الجديد
|
|
|
|
|
14-04-2009, 12:33 AM
|
#6 |
|
عـضـو
تاريخ التسجيل: Jul 2007
البلد: ـ
المشاركات: 2,099
|
.
.
__________________
. أرى آثارهم فأذوب شوقاً وأسكبُ في مواطئهم دموعي وأسألُ من بفُرقتِهِم رماني يمُنُّ عليَّ يوماً بالرجوعِ . |
|
|
|
|
14-04-2009, 12:44 AM
|
#7 |
|
عـضـو
تاريخ التسجيل: Dec 2008
البلد: بريده
المشاركات: 546
|
ههههههههههههههههههههههههه
الله يسعدك دنيا واخرة على الموظوع الرائع والذي اخذ اكثر من حقه حتى في الاعلام تسلم اناملك على الطرح الرائع الف شكر وتقبل طلتي
__________________
[]  [/IMG]
|
|
|
|
|
14-04-2009, 12:46 AM
|
#8 |
|
عـضـو
تاريخ التسجيل: Dec 2008
البلد: buraidah"
المشاركات: 483
|
اجل جدتك موضي اها ...........
والله يالمكاين ماادري وش قصتهن ناس يقولون كذب وناس يقولون االمكيتة مسيومة 30000 ثلايين الف فقط كثر منها انا بصراحة توي اعلم ان الشعب السعودي م ت خ ل ف ....... وشكرالك .... |
|
|
|
|
14-04-2009, 01:15 AM
|
#9 | |||||||||||||||||||
|
عـضـو
تاريخ التسجيل: Apr 2009
البلد: بُـريده
المشاركات: 116
|
ههههههههههههههههههههه اضحك الله سنك ,,, الله يخليه لكم (جدك موضي)
وه بص ياملح العجز الله يخليهن لنآآ يآآرب
ههههههههههههههههههه حلووه سبرنق الدعوى هععع
__________________
سيفتح الله بآب كنتُ تحسبهُ من شدة اليأسِ لم يخلق بمفتآحي .. |
|||||||||||||||||||
|
|
|
|
14-04-2009, 01:32 AM
|
#10 |
|
عـضـو
تاريخ التسجيل: Nov 2008
البلد: ثلاثة يأتون بلا موعد مسبق (( الحب .. الحظ .. الموت ))
المشاركات: 1,093
|
هههههههههه اضحك الله سعابيلك الي تقل سبرنك ماتقصر والله يابو ابراهيم الصراحه كنا منتظرينك تنزل هيك وماضيع متشوقيت لجدتك من عيد الحب يسلمو علي هيك مواضيع
الاعلي فكره تبيعون مكينتكم بي 40000الف
__________________
أبسط الأشيآء . . قد تُثير فينآ حنيناً لأيآم مضت
.gif) |
|
|
|
|
14-04-2009, 01:34 AM
|
#11 |
|
مُــدَانْ
![صورة [ لــمّــآح ] الرمزية](image.php?u=32293&dateline=1315514942)
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,624
|
أجل روحي نامي .. .!
وهو رايحٍ ياخذه يبيعه بالسوق ... ! شكراً أبو إبراهيم .. !
__________________
|
|
|
|
|
14-04-2009, 01:40 AM
|
#12 |
|
عـضـو
تاريخ التسجيل: Apr 2009
البلد: فوق هاام السحب
المشاركات: 105
|
الله يباركـ بالمكينه خلت الناس يتواصلون
>>الي طلع الاشاعه يحب الصله  ههههههه
|
|
|
|
|
14-04-2009, 01:48 AM
|
#13 |
|
عـضـو
تاريخ التسجيل: Dec 2008
البلد: في دوحة الايمان والخوف من الرحمن
المشاركات: 2,222
|
ههههههههههههههههههههههههههههههههههههههه
هههههههههههههههههههههههههههههه والله تضحك جدتك الله يسعدها مشكور على الموضوع اللي وسع صدورنا |
|
|
|
|
14-04-2009, 02:07 AM
|
#14 | |||||||||||||||||||||||
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
الصباخ .. يابعدي انت .. اجل جواااالك فيه زئبق أحمر .. طيب وش يدرينا إن جوالك بوه زئبق .. بس يالبي الحل عندي .. نجيب مكينة سنجر ونشغله عند الجوال .. اذا اشتغلت المكينة يعني الجوال بوه زئبق .. اقول دن هنااااك بس .. تحسبن جحة ابصدق إن الجوال بوه زئبق أحمر .. ياعنبة اذا صار بوه زئبق أحمر يصيراستقبال بس ومايرسل .. سي يو ..
__________________
. . . .. قلب البحطلة ينبض ..ينبض ينبض ينبض .. . |
|||||||||||||||||||||||
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
