[أوركيدا عيون الجواء]

السلام عليكم حبيباتي الطباخات خخخخ

شخباركم؟؟ هذي أول مشاركة لي في قسم المطبخ يا حلوات.. و لكن أظن إن الوصفة راح تفوز بأحسن طبق لليوم خخخخ .. أتغشمر.. اليوم بسويلكم جيز كيك بارد (يعني ماله داعلي للطبخ ولا لزفر البيض) ما راح تلقون وصفته لا بكتاب طبخ ولا عند أحد.. لأنها وصفتي الخاصه .. و بعد بالصور .. ههه لازم اليوم تشترون المقادير..

بسم الله نبدأ..

قبل كل شي أنا ذاكرة كل مقدار بالنوع و الكم.. يعني نصيحه لو غيرتوا شي ما راح يطلع الطعم مثل ما تبون..

المقادير:








ا قيمر KDD الكبير 250 ملل بااارد
8 قطع جبن كيري (بحرارة الغرف)
2 كيس دريم ويب
125 ملل حليب سائل باااارد
علبة جيلي فوستر كلاركس ليمون صغيره ( التزموا بالماركه هذي لان غيرها ما راح يعطيكم مثل الطعم )
نصف كأس من الماء المغلي
علبة كيك سارالي (باوند كيك أبيض)
علبة صلصة بلاك بيري (توت اسود) و يفضل من نفس الماركة اللي بالصورة.
الخطوات:
1- نضع القيمر مع قطع الكيري في خلاط الكيك و نخليه يخلط لييين يتجانس حيل مثل الكريم.



2- في هذه الأثناء نجهز نصف كأس ماء مغلي و نذوب الجيلي فيه و نتركه على جنب.







3- نقطع الكيك و نصفه في ماعون خاص بالجيز كيك، و انا احيانا أسوويه في قلاصات و اقطع الكيك قطع صغيره احلى للتقديم خاصه لما يصيرون صغار..






4- راح يتجانس القيمر و الكيري في هالفتره، اقوم احط أكياس الدريم ويب و الحليب البارد فوقهم بالخلاط.. و اخليه فتره لما يرتفع شوي.. (هني تبين اهميه بروده الحليب و القيمر علشان الكريمه (دريم ويب) تنتفش و كذلك اهميه خلاط الكيك, لو استخدمتي خلاط العصير ما راح تنفش معاج)




5- بعدين حطي قلاص الجيلي بعد ما يفتر شوي علشان ما ينزل الخليط.. و وزعيه فوق الكيك و دخليه الثلاجه يفضل اكثر من 6 ساعات.. انا اسويه قبل ليله..








6- بعد ما يبرد و يصك راح يكون بهالشكل.. شيليه و حطيه في ماعون التقديم
يفضل استخدام ماعون جيز كيك قاعدته بارزه علشان يسهل عليج نقلها.. متوفر بكل مكان مو مثل الماعون التقليدي اللي لازم تحطين القاعده معاه
شوفي الصوره




بعد النقل




تقدرين تشيلين الاطراف الغامجه للكيك علشان ما يبين مرقع مثلي.. خخخ نسيت لا اشيلهم
7- أخيرا رجعي الحاجز مال الماعون و حطي صلصه البلاك بيري و رجعيها الثلاجه لي وقت التقديم






8- و هذا الشكل النهائي للجيز كيك العجييييب..





تقدرين تقدمينه بعد الفطور او العصر في ايام الفطر مع الشاي.. واو طعم لا يقاوم..

.×××. و بالهنا و الشفا.×××.

[==nn==hh==]

ما شاااااااااااء الله

تبارك الله

[الشسمه]

والله يا انا تقاااااااااااااااااااااااطرت سعاااااااااااااااابيلي ..

ماشاء الله لا فض فوك أأأ قصدي لا عدمنااااااك ماشاء الله تبارك الرحمن ولا فض فوك ولا فقدك محبوك اللي انا وحدة منهم ..

[تريله]

يمممممممممممممممممم
وقسم انه تبي تشنتر سعبولاتي
>>ماتلاحظون سعابيلي يتهددن؟؟كل شئ يجيبهن المشكلة اني توي متسحرة

[زهرة بريدة]

امممممممممممممممممممممممم
وراه كل كلامتس كويتي
( قلاصات_هني_معاج_الغامجه-مال الماعون ....)
مشكوره على الوصفه خيتو

[مجنونة قيس]

شهيتنا...

[عود اللبان]

حللللللللللللللوة بس من وين نجيب كيس الجلاتين ؟؟؟؟

[أوركيدا عيون الجواء]

ياهلا بكل اللي هلو علينا
>>شفتوا أنتم زي القمر تهلون

اي و الله حكيي كويتي نجرب أشكالنا كويتيين موب قصمنجنقا

والله تبين الصراحة ان السالفة و ما فيها اني لاطشتن هالموضوع صوره مع حتسيه
عشان تسذا صارت الدعوى ملاقيسه؟؟؟؟؟؟؟؟؟؟؟؟؟

لا تدققين بالحيل رعاكِ الله
خخخخخ ترى اللي يردون و يمدحون و يطلعون شاطرين
و اللي ينقثون شيء منا و الا منا هذولاء ابوريهم العين الحمراء

[.ღ> سـنـــكـرس <ღ.]

للرفع

[~][][ريـــمـيه][][~]

اممممممممممم حلى راقي مرره وكمان رايق

[مجموعة مشاعر]

[IMG][/IMG]

[القرمه]

اممممممممممممم شكله طعمممممممممممممم