[شيخ بريدة]

اخس اي والله انهم جنّ على هجن
تسذا اكا المرة وقفن واحد وانا بالشرقية وقال الاخ من اهل الديرة؟ قلت لا ومير يشكي لي الحال ويقول انا من الحجاز وداجٍّ هاج وخربانن موتري ويعطين من هالكلكات الطيبه ومير ادعي له واتحمد ربي على العافيه
وهم تسذا ماعندهم علثتن الا يقول(انا من عايلة محترمة ومحتاج ) وحتى بعد اكا المرة وانا رايحن للقصيم اعبي ديزل ومير يجي واحد معه بقرة 2006 ويقول ابي عشرين ريال قروش تعباة الديزل وانا محتاج والغريب انه من نجد لكن ربك يعيننا عليهم اشغلونا وهقونا

[حفيد اعقيل]

اقتباس المشاركة الأساسية كتبها خالد بن محمد ابتكار يتلوه ابتكار ! وتستمر المعاناة في ظل غياب الرقيب .. شكراً أستاذي حفيد اعقيل ..

ا

الأخ الحبيب / خالد بن محمد ,,

وماقرأته هنا إمتداد لهذه الإبتكارات

هناك رقيب لكن نشــاطه وجهده لايوازي تلك الألوف 0

أتشرف بمرورك دائماً ,,

,,

[اخو دريحم]

الاخ العزيز حفيد اعقيل
هذي قصه حصلت لقريبتي تقول ذهبت الى سوق الحريم بالكبره تقول جت ذيك المراه وقالت شوفي ولدي مربط بالصندوق السياره فيه مس من الجان نحن سوف نذهب فيه الى المدينه يقراء عليه الشيخ الان لكن مامعنى فلوس قريبتي صدقتهااعطتها جميع مافي البوك مع خواتم ذهب كانت لابستهن.
وبعد مضي اسبوع جت الشحاذه صدفه تقول مره ثانيه لقريبتي نفس الكلام الاول ان ولادها مربط في الصندوق. قالت قريبتي الى ذا الوقت ماوديتوه له اسبوع بلصندوق السياره مربطينه ثم هربت الشحاذه بسرعه حتى لاينكشف امرها.

[ما أجمل الاخلاق]

انا اذكر مره واقفين عند احد المحلات ومر من عندنا شخص وقال ان زوجته تعبانه وانه يبي يوديها للمستشفى وراح ووقف عند اخوي وطلب منه يوم راح سألنا اخوي وش قالك قال يقول ان زوجته ماتت ويبي قروش حتى يسافر به لاهلها ....
يا اخوه كثير من الناس امسك عن المساعدة والتبرع بسبب ( وين اللي صادق ) ولكن ما مثل ان الواحد يدور المحتاج المتعفف ترى بالبلد ناس كثيرين وناس محتاجين مره والا اشر مواد وعطهن المستودع الخيري او الشماس بس اهم شي لا تترك عمل الخير
ولكم تحياتي

[حبر الألم]

عاد أنا تراي أبساعده إذا قال وقال عن نفسه


علينا هالحركات


مشكور يا معلمنا حفيد اعقيل


وفقدناك كثيراً