 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
14-08-2006, 01:18 AM
|
#1 |
|
عـضـو
تاريخ التسجيل: Jul 2006
المشاركات: 288
|
لعموم أعضاء المُنتدى : جوّالي استقبال .. وان شفتوا ( دحيّم ) فبلغوه هالرساله !
سلام علاكم الفراغ يسوّي هوايل ... ! يجيب الواحد على ( وجهه ) ويسحبه سحب .. مثل مايسحبون المظبي على الحجر الخشن !  في خلال ثلاثة أيام تقريباً ( لزخت ) لي تقريباً ثلاثة مواضيع ... وهذي ماهي من عوايدي .. ولكنها من عوايد ( الفراغ ) اللي لعب في راسي الأيام هذي !  ولأني صاحب إقتصاد في دراهمي وكمان في خلاقيني .. فالكتابه في عالم النت من باب وشبّاك ( أولى ) ! ولإلتزامي الأيام القادمه بموعِدٍ للسفر خارج المملكه .. كرشناكم بكم موضوع خفيف على البطن والمَعِده ! :o = = = خلونا نعطيكم العلم من آخر .. ! ( دحيّم الأحول ) تزوّج .. وسواها فيني وخذ بنت بن رويسان الأجرب سافر هو واياها للشرقيه .. وجلسوا على ( الهاف مون ) جعله يهفهم في رقابهم ويقعدون في بيتهم منكّسه روسهم والفتاق لاعب فيها اليوم قعدت أدوّره .. ومالقيته !  رحت لبيته " العشّه " طقيت عليه الباب وردت علي مرته << والله ياصوتها ناعم ! سألتها عن ( دحيّم ) قالت أنه طلع - جعل الطلع مايتعدى شارون - .. قلت وين راح (( عاد أنا أبغى أطوّل في السوالف )) ! ... قالت أنه راح للمخبز يشتري خبز ! زرقت للمخبز .. والقى صفّ طويل .. قعدت أطل فيه وجه كل واحد - لعل وعسى - أني أشوفه ! مالقيته !  رحت عند ( النخل ) في مزرعة ( بن نويصر ) أدوره .. إلا واشوف العامل ( حبيب الرحمن ) واسأله عن دحيّم .. قال أنه مرّ عليهم العصر وخذ له ( ثلاثه وعشرين كرتون موز فاضيه ) بيروح يعبيها بكره ترنج عشان يبيعها في السوق ! ماخليت مكان إلا ورحت له سألت راشد وسالم وصالح وماهر السوداني .. كلهم يقولون أنهم ماشافوه ! عاد أنا الأيام هذي أشغلتني رسايل الإتصالات : أنتَ على وشك استهالك حدّك الإئتماني .. نرجوا منك سداد الفاتوره .. والا ترى بنمصع اذنك وبنقطع سرّك وجوّالك ! صار جوّالي استقبال .. واللي يدق علي .. كني مهبول .. على طول أرد عليه ! دقيت على دحيّم اليوم من تلفون ولد ( بن سبيت ) بعد الظهر .. ومارد علي ... ! شكله داري أني أنا اللي متصل عليه ... والا وش هالأخوّه اللي ماتخليه حتى يسأل عني ! = = = عالعموم ياشباب المنتدى .. وياشبابات المنتدى << حلوه شبابات ! .. على وزن طقّاقات ! اذا شفتوا واحد دخل المُنتدى ( راسه صغير ) و ( أذانيه كبار ) و ( عيونه حمر ومخططه بزهري ) و ( رموشه تقول مكنسه ) فهذا هو (( دحيّم )) ! امصعوه باذنيه ... وقولوا له ... ترى ( الُمدمن ) ينتظرك .. دق عليه جوّال .. ترا ( جوّاله استقبال ) ! أراكم على خير .. بعد عودتي ( الطَاوليه ) واللي أتمنى أن لاتطول ! سلام علاكم أخوكم المُحب : مُدمن شاهي !
آخر من قام بالتعديل مدمن شاهي; بتاريخ 14-08-2006 الساعة 01:22 AM. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي