[الـدعساوي]

السلام عليكم ورحمة الله وبركاته

انا كتبت هذا الموضوع بما اني من شباب بريدة ومن محبين بريدة وياويل اللي يسب بريدة

واتوقع ان كل شباب بريدة يحسون بنفس هذا الشعور
وهو

شوارع بريدة لمن لها

هالحين لما تمشي في احد شوارع بريدة اوفي حي من الاحياء تجد العجب العجاب من مطبات ومن حفر في غير محله اما التحويلات والحفر فحدث ولاحرج اقول الى متى وحنا ساكتين ولانتكلم ولانقدر رفع ولاحس ولارس في يوم من الايام كنت شاري جنوط مرسدس جديدة وطبعا مثلي اكيد اني ابتحرز من هالحفر والمطبات وغيرها لاكن مالبيد حيلة الجنوط جديدةو وتمويراشهن بوية وفي نفس الليلة خرجت اجيب عشاء لاهلي من الكوخ((ادري تقولون مر))
ولما رجعت وكنت مستعجل وطبعا اتحرز من الحفر اللي بالشوارع لاكن دون فايدة وقعت في مصيدتهم وانا كنت امشي لفيت عن حفرة واثري بحفرة ثانية هذا بحي مشعل وياويل الجنوط راحن فيها وجلست اخربط بالكلام وادعي لاشعوري من القهر
هذا موقف من المواقف واللي بالقلب اكثر بس ابي حل للمشكلة تكفون
اماالجامعة اذا طلعتله تجد خمس تحويلات اواكثر على طرقك يعني بدال ماتمشي قبل المحاضرة بـثلث ساعة امش بعد الصلاة ويالله تاصل بالسلامة
ولما تشوف شارع زين ومافيه اي شي لاتحويلة ولاشي لاتستغرب لانك اذا استغربت بكرة حاطين فيه تحويله او مطب اوي ا شي ينكد عليك
وشوفوا عنيزة انا قلت عنيزة لانها اقرب شي لبريدة بشوارعها الفخمة وبالتطور والتحويلة عندهم ماتستغرق شي ماشاء الله..
معليش على الاطالة وعندي كلام كثير اتمنى اني وفيت وابي منكم انكم تبدون الراي والتفاعل والمشاركة
علشان نتمنى ان يكون لها مجيب