[ما تَهَاب]

السلام عليكم ورحمة الله وبركاته ..

بيني انا والمقدمات عداوة فلذلك ببدأ مباشرة ..

قررت أترك الجامعة وأترك الدنيا وأعتزل الأماكن النسائية
والسبب جوال الكاميرا
بنات انا اليوم حالتي والله ماأقدر أوصف الضيقة اللي فيني تخيلوا بنت بقاعتي مصورة وتهدد حسبي الله عليها الله يجيب لها الهم اللي ينسيها اسمها ..
لاتلوموني بس السالفة موهيّنة
أحنا مادرينا عن شي الا لمّا جت وكيلة المركز الله يقويها وكانت معصبة وحالتها حالة دخلت وسألت من معها جوال كاميرا؟ <-- قولي من اللي مامعها ..
المهم مااحد جاوبها قالت وين فلانة الفلان " حسبي الله عليها والله لو تشوفوها ماتصدقون "
قالوا انها طالعة قالت تراها مصورة وتهدد وجت وحدة بلغت عنها ..
ساعتها ماادري وش جاني مااقدر اوصف شعوري البنات انجنن , قامت وحدة من البنات بصوت عالي تهاوش وكانت معصبة وماالومها وربي قالت استاذة تدرين انه منتشر مقطع عشر دقايق مصورين فيه بنات الجامعة ومنتشر بالنت وامس شايفته ..

ياناس وش السوات والله شي مقلق ومتعب يعني كيف نداوم وحنا هذا وضعنا كل يوم منتشر مقطع وصور وروايات فيها قذف وظلم لبنات الناس ومايهمهن ينشرنهن بالنت حسبي الله عليهن ,, ليه الناس صارت ماعد تهمهم الفضايح .. ليه صاروا يستمتعون بهالشي ليه ..!!
حرااااااام عليكم والله حرام يعني انا مثلاً لو اكون طالعة في هالمقاطع "الله لايقوله" وطاح بيد واحد من اخواني وش بيصير أكيد بيكون آخر أيامي بالجامعة هذا غير الهم اللي بيجينا ..

بنات تكفون تكفون اي صورة بنت عندكن او مقطع فيديو لاتنشرونه واحذفوه ورب البيت ماقد فكرت في هالشي صحيح اني ماأحب انقلها لجهازي بس كنت اطالعها بأجهزة البنات وماكنت أنصحهن ولا شي بس لمّا صارت هالمشكلة اليوم وفكرت بالأوضاع ووش بيصير حسيت بهالبنات اللي اكثرهن مثل حالة بنات جامعتي ..

.

وبعدين انا اشوف انه مهم انهم يحطون بكل الجامعات والكليات جهاز كاشف الكاميرا حتى لو شغلوه يوم وسكروه عشرة بس علشان البنات يخافون ويلزمون حدودهم وكمآن كاميرات المراقبة أحس مهمة بالجامعات وتكون المسؤولة عنها إنسانة موثوقة وملتزمة والله لو يسوون كذا ان نحس بالراحة ..<-- ادري انكن مثلي مابيديكن شي بس علشان تقولن "يارب يطبقونه يااااارب .."

الله يستر علينا فوق الأرض وتحت الأرض ويوم العرض ..
وحسبي الله على كل من هوى الفضايح ونشرها
الله يفضحهم ويجعل سيرتهم على كل لسان ..


مجرد فضفضة حتى ماأنفجر من الضيقة ..

كلام طالع من القلب فلا تدققون بالأخطاء : ( ..

..