 |
|
|
|
|
06-05-2009, 12:47 AM
|
#11 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
السلام عليكم
زينتي اني عجل  طيب تبونا نبدأ بالرحلة .. رحلتي إلى برايتون .. إلى برايتون الشقيقة الساعه 10 الصباح رحلتي قمت مبكر وافطرت ورحت تقضيت من ASDA وتكّيت عند الباص نصف ساعه عشان مايفوتن لأن ابو حسين سبحان الله نحس إذا كلمت عليه صارت مصيبه هالمرة قلت مانب مكلم لين اوصل عشان اضمن وعسا الله يستر بعد ههههههه المهم وهذا باصي .. انا اخر واحد بعد لأني خليتهم يركبون كلهم ايقالي ماهمن ونسيت اخذ محل زين   شوفو الباص فل وجلست بجانب شخص وش اسوي هم قعدون يقولون زحمه وانا اخر واحد فل الباص  الطريق ساعتين حتى (مطار هيثرو) من ثم إلى برايتون لازم نغير الباص  وصلنا المحطة  هذا سابتكوا حقهم  والله واتّكي مارحت ابد قلت عشان اركب الأول واختار مكان على كيف كيفي والله جلست واقف نصف ساعه ===>> تعال تعال وشلون (جلست واقف) فهمنا ياخي يعني جالس ومتركي وانا واقف إلين قالوا يالله اركبو انا قدامي 5 تقريباً وكلهم معهم شناط يعني يبي يبطي دوري خطمت على طول وقلتله: نو لقج مي (مامعي شناط) قال: اوريت قو (لابأس هيا) والله واتنّدح اول واحد وادور لي مكان حلو قبل ماحد يركب وياخذه احسبهم مثل ربعنا والله واتمعن بالأماكن واتمعن وادرس المكان شوي قلت بس اخر مكان حلو اللي هو هذا  اولاً / فيه ثلاث كراسي عشان لابغيت انام ثانياً / بجانب الحمام ثالثاً /المسافه بعيده بينك وبين الكرسي اللي قدامك .. تقدر تمدد على كيفك .. رابعاً / فيه ستارتين .. تختار معين تويق  فعلاً..اخترت المكان وحطيت شنطتي بجنبي عشان ماحد يقعد بجنبي والله وادق على ابو حسين (طبعاً بما انه نحس .. دقيت عليه الحين لأني ضمنت المكان والباص الحمد لله)زاد ياربي ماخبرت ان الباصات تروح عن وتفوتن إلا يوم عرفت ابو حسين راح عن قطارين وباص لكن الحين يوم ضمنت المكان قلت ادق على ابو حسين ابلغه ما امداو يرد .. إلا جان واحد دقري كبر راس ابو مهند مرتين كبيرررر قالي .. فيه احد هنا (يقصد الكرسي الثالث) قلت :لا تفضل اعرف اني ماقدر احط عيني بعينه يخوووف لو يحجرن ماحد دري يوم جلس شوي يوم ناظرت وجهه امر ادوخ من الروعه بديت ما اشعر لو يقولي بوووووو كان اهج مع القزازه قلت هذا من تكليمي لأبو حسين الله يقلع بليسه المشكلة وشي ؟ هم ثلاث دقر اشكالهم زي حقين اللي يلعبون سله كبارين واحد جالس بجنبي واحد جالس قدامي يمين والثالث قدامي يسار بعيدين وتكلمون هم يبونن اوخر .. لأن المكان هذا ياخذ ثلاث اشخاص وحاول بي يلمح قلت بقلبي (وانا اخاف يسمعن بعد) معصي انا اللي جاي الأول اشوى يوم مشينا ويروح قدام الدقري واخذت له صورة من بعيد وعساي اسلم شوفوه اللي يمين حاط راسه على القزازه  هذا هوتيل المطار فخم بشكل خيااااااااااااااالي  من ضمن الأشياء اللي اشتريته جلكسي وفيشار وماء كنت عجل يوم اشتري يوم شفت الماء واثر فيه صورة(فراوله) وانا اكره شي الله يكرم النعمه (الفراوله) يكوش جلدي لاشفت احد ياكل فراوله شي نفسي هو مادري كيف فالماء صار فيه دعاية للفراوله والله ماشربته ماشربت ماء إلا بمغسلة ابو حسين  مزارع خيول الله يخلف عندنا يالله تلقاهن وهم يرعونهن   من العجيب ايضاً تراي اي شي اشوفه اسجله بالمفكرة عشان اذكره واكتبه لكم هماي بالباص والباص رفيع .. اشوف السيارات الصغار .. انواع الفضايحهذي سيارة كشف .. لأن اليوم شمس وفيها مجموعه من الشبيبة احد يخاويهن ناقصهم واحد بس  شفت بالسيارات اشياء ماتنقال خاصة لاصار رجل ومرة شلق بصل ماعندهم وقت والله المشهد يتكرر بكثير وانا لفت انتباه كثرته تقل ماعندهم بيوت يتسترون امر أخر واعجبني طريقة تربيطهم لأولادهم لازم كل بزر اقل من 4 سنوات له جالسة خاصة بالخلف او الأمام يجلس فيها ويربط بحزام الأمان ولا يقول شي البزر مسكت ودك تحطه عند بزاريننا المشكلة ان بزاريننا ودهم يمسكون الطاره مهب عاد تربطهم الحمد لله وصلنا وانا اتجهت لأبو حسين الآن  لقطة حلوة  ايضاً مدلعينهم يجيبله نقطة البيع عند كرسيه  كان الزحاااام شديد جداً في السكوير كأنك بلندن  تصدقون .. ماباقي إلا الاحرام ويصير المسعى  ياكل موزه طحت به ههههههههههههههههه ههههههههههههههههههههههههه والله ياهو مايعرف ياكل  الصورة ماوضحت   وقفت ونزلت وجاكم ابو حسين يمشي تلريون شوفوه هو اللي يركض جاي  بدا يويق  سيكل ثلاثي من يبيه  جلسة رومنسية  الجو برد وامطرت شوي لكن الشي الغريب مافيه عندهم (لابرق ولا رعد ) ليش؟ 8 8 8 برق ورعد شكلهم حراس كابتن ماجد المهم هاج البحر وبدا يقرب مع اننا تبي تضلم العين بدا البحر يقرب قوة قلت ابكشف البحر واشغل مخي ويكتر مخي قلت انا اراويك يالبحر واخذ حصاته شلافيه عشان اخليه علامه  عشان اشوف الماء هل ياصل الحصاته ولا لا  تصدقون ضيعت الحصاته ههههههههههههه  رحنا لم المحلات المؤقته وشميت ريحة كأنه ريحة كرشة شايب برمضان مدوده ومروحه واشوف واثره قطع جبن   كباب خنزير اللهم لك الحمد  ابو حسين وحنا نمشي شهق شهقه قوية واثره ياحول شاف زمزمية لأنه ماعنده زمزمية  والله ويشتغل الرجال ويروح يسألهم متحمس وده يشري زمزمية بس مالقا الصانع عندهم  اظلمت العين وقلت لأبو حسين وش رايك نلعب بلياردو قال قداااااااااااااااام يلعن ابو ورا ياشيخ صورة ابو حسين وهو يضرب  صدوا ياجماعه مادريت ان هذي صورتي نزيت  هذي لعبة الرقص نسأل الله السلامه والعافية  بعض العاب المرح لعبة الوشسمه  انتهاء هذا اليوم وهو يوم السبت على خير ولله الحمد وموعدنا معكم غداً مع تقرير دسم ليوم الأحد بإذن الله جزاكم الله خير ولاتنسونا من دعواتكم محبكم/أبو فهد
__________________
آخر من قام بالتعديل المنخرش; بتاريخ 06-05-2009 الساعة 01:10 AM. |
|
| الإشارات المرجعية |
|
|
النمط الأحادي