[خطاي اني تعلمت الوفا]

السلام عليكم ورحمة الله وبركاته:

موضوعي غالبا موجود بكل عايله من عوايلنا الا مارحم ربي وهو متعلق بالاخوان اللي قبل زواجهم كان كل شئ حرام على خواتهم حتى ابسط الحقوق يتدخل فيها

وبعد زواجه
آآآآآآآآآآآآآآه كل شئ انحرمنا منه صار حلال وهذا اللي يكون المشاكل حتى انه احيانا توصل لدرجه يكرهون الزوجه من غيرتهم منها يعني انا مااتكلم من من فراغ لا هذا شئ من واقع تجربه مااقول كل الاخوان بالعكس بعضهم لخواته على قولتهم (لو هن دهنه ما ماعت)يطلعهم ويمشيهم ويسفرهم _يعني انا مااقول لايطلع زوجته ويمشيها لحالها لكن موكل شئ بيوم وليله صار عادي وحلال
مثل
التلفزيون(المجد) ......كانت حرام وصارت حلال
الجوال بكاميرا .......كان حرام وصار حلال
اللابتوب بكاميرا ......كان حرام وصار حلال
العشاء من برى ......كان حرام وصار حلال(والمشكله انه موب هو اللي بيدفع يقول اسراف اسراف الناس مالقت تاكل وانتم تبطرون ع النعمه)والحين ماهنا من مطعم الا يطايرون له.
النقاب ..........كان حرام مع اننا مانفتحه ...بقدرة قادر صار حلال قال ايش(ياحول ماتشوف زين)

الله يرحمنا ادري انه يحب زوجته اكثر مننا لكن لايجي يتيفيخر
شرينا وحطينا ورحنا وجينا(الله يساعدكم وش نسوي لكم يعني)

المووووهيم يمكن الي يقرأالحين خوات أخوانهم فاقعين مرارتهم ,ويمكن أخوان غاثين خواتهم يعني انا بس ودي ادري الاخوان ليه يتدخلون دام الابو عايش وبكامل قواه العقليه (قالوا ايش قالو ااخوانكم يغارون عليكم
والله الحمد لله ماسوينا شئ يغضب الله)
وانتم يالخوات شعوركم من اخوانكم وزوجاتهم هل تصل الى حد المشاكل والكره ام انكم تصفحون وتبلعون قهر من اجل خاطر الوالده لاتزعل انكم تقولون شئ عن( حبيب القلب)وهو ماكف شره عنكم حتى بعد زواجه
والله ضيم انك تشوفين الشئ محرومه منه وهوعند زوجة اخوك حلال .

ادري طولت عليكم بس يالله عاد انتظر آراءكم وردودكم وتعليقاتكم حتى من الناس اللي مامروا بهالشئ ممكن ييفيدوننا باسباب وحلول مقنعة .

ودمتم بحفظ الباري.