|
__ أختك أو بنتك تدرس بمدارس أهلية تفضلـ/ـي هُــنـا __
السلام عليكم ورحمته وبركاته
اسمحولي ماعندي مقدمة أبدخل بالموضوع علطول .. علمًا هالموضوع في بالي ومقلقني من سنوات
طبعًا أنا ما راح أتكلّم عن الطلاب اللي يدرسون بمدارس أهلية لأني ماعندي أي خلفية عن أخلاقهم وتصرفاتهم ..
موضوعي يتكلّم عن الطالبات في جميع المراحل!
للأسف 70% من الطالبات قليلات أدب ومع إحترامي لأهلهن ماربوهن على الأدب والإحترام ..!!
وللمعلومية هذي الإحصائية ماجبتها من مخيلتي .. ولا معلمة ولا طالبة أعرفها جرّبت المدارس الأهلية إلا وتذم تصرفاتهن بجميع المراحل
حتى فكرت أدرّس بمدرسة أهلية الكل قالي ننصحك ماتقربين الأهليات!
بصراحة ماأدري وش أقول عن تصرفاتهن الغير مؤدبه وقلّة أدبهن وعدم إحترامهن للكبير
والرسول عليه السلام أمرنا بإحترام الكبير وقال: ( ليس منّا من لم يوقّر كبيرنا )
عدم إحترام المعلمة بوقت الشرح اللي تاكل واللي تسولف واللي مشغولة بأناقتها واللي .. واللي ....الخ
وخل المعلمة تقول انتبهي أو تهاوشها .. يتلفظن عليها ألفاظ غير لائِقة أقلّها نعم .. وش تبين !
ومن سوء التربية تقول للمعلمة بلوزتك اللي أنتي لابستها من فلوسنا والثانية تقول عطيني نص فلوسي وأحترمك .!!!!
ياالله .. الإحترام صفة من صفات المسلم الطيّب
والطامة الكبرى تجي أم الطالبة وتهاوش المعلمة ليش تقولين لبنتي وليش وليش .. يعني المعلمة قامت من النوم
ولبست علشان تهاوش بنتك ؟؟!! لو بنتك جالسة بفصلها ومحترمة نفسها وغيرها محد يقدر يقولها كلمة وحده
وكأنها تعزز لبنتها قلّة الأدب وعدم الإحترام ..!!!
وربي إنه شي يقهر اللي يصير .. ليش كذا يسوون ؟! ليش ياطالبات الأهلية تسون كذا ؟!!! مب حرام عليكن !
ليش يأهل ماربيتوا بناتكم على الأدب والإحترام والأخلاق الحسنة ؟؟؟!
أنا آسفه أدري كلامي قاسي لكن وربي ماكتبته إلا من القهر اللي فيني والخطأ اللي يصير كل يوم !!
وأبي الأهل يربون بناتهم زين ويسألون عنهن بالمدارس فالرسول الكريم يقول: ( كلكم راع وكلكم مسئول عن رعيته )
الله يهديهن ويصلحهن ..
+ تنويه/
اللي بيرد رد غير محترم .. أعتذر مقدمًا مب راده عليه
وماكتبت التنويه إلا لأني عارفه فيه بعض النفوس تكره قول كلمة الحق للأسف!
ورقـة خـريـف
__________________
لا يتوقف الناس عن اللعب لأنهم كبروا ، بل يكبرون لأنهم توقفوا عن اللعب . أوليفر
|
22-03-2011, 03:36 AM
النمط الأحادي