[مدمن نت]

اقتباس المشاركة الأساسية كتبها o x y g e n أمين بريدة صحيح أن الطاسة ضايعه ولاني ادافع عنهم .. إلا أني اتشره عليك وش مسكنك في الجنوب ياخي اسكن شمال اذا تبحث عن المميزات .. مشكلة حقين الجنوب يسكنك في مكان ويبعد عن الناس والخدمات بحجة أنه مايعجبه الشمال والزحمة / ويجلس يتذمر حطولي وسوولي .. أي مكان في العالم معروف أن الشمال أكثر مميزات من الجنوب بحكم أنه جديد .. فانا صراحة استبعد شي اسمه مقارنة ( ليش الشمال أحسن من الجنوب ) لأن هذي الحقيقة وراح تظل لسنوات طويلة قدام فجازلكم اهلا وسهلا ماجازلكم لاتطلبون المستحيل ، أصلا سببتو خلل في تطور المدينة .. لو تفتح بقالة شمال .. قلتو وحنا ؟؟ قضينا من عنيزة وبريدة جينا للشمال والجنوب .. أنا الي أكلمك كنت من سكان المطأ جنوب وسكنت شمال .. وريحنا أنفسنا وارتحنا ، وعلى فكرة يوم كنا جنوب كنا مانتذمر لأننا متعودين وعارفين بيئتنا ومكاننا ومو شي كنا متعودين عليه وفجأة تغير ، أنا عتبي الي يروح يحط له عمارة في جنوب بريدة في مكان مستحيل يكون فيه خدمات ويجلس يطالب في خدمات من وين نصنع لك برج جوال ونجيب لك مول جنب بيتك وبقالة ومغسلة ..

بداية اقول لك اخي الكريم بصراحه خطابك اوقفني بشأن ماذكرته ان الشمال افضل من الجنوب اقول لك


بعد ما انعم الله عليك ورزقك منزل بالشمال لا تسب الجنوب وتقول ان الشمال افضل واحسن من اي حي


لأن الناس درجات منهم الفقير ومنهم الغني ومنهم الوسط في المعيشه فلا تصب مدحك للشمال


وتهمش الجنوب لأن التطور ليس بالأحياء الجديده كما ذكرت والأمانه لم تخص حي عن حي آخر بالخدمات



لأن الأمانه مسؤوله أمام الله سبحانه وتعالى وأمام المسؤولين بعملها وإذا كان كلامك مثل ماذكرت


تقول اسكنو شمال وخلو عنكم الجنوب فهذا بحد ذاته هو التخلف وليس التطور ليش يعني اهل الشمال


بشر واحنا ماحنا بشر .


لكن اقول لك لا تتعالى على اهل الجنوب بالنقص وخلك عادل في نظرياتك وكتاباتك وشكرا لك يااخي الكريم