.. [ موقف مُحرج .. لبقت فيه سيارتي ] ! ..

الــنــهــيــم · 20-07-2007, 09:22 PM

سُلام عليكم .. !

الحقيقة البطن خاوي ويقرقر من قبل ساعتين .. ومحتاج لبعضات الأطعمة !

فتصدقوا الله يخليكم ..

!

وإذا منتب متصدقين .. فبلا منتكم .. ذا اللحين تجيب أميمتي القهيوة والتميرات .. يالله من فضلك !
والحقيقة ما فيه أطعم من قهوة أمي .. إلا قهوة واحد من الشباب .. زرته قبل أيّام .. !

والله ياعليه قهوة مهب صاحيه .. تصفي الراس تصفيه ما راحت ولا جت .. بتلت أدردب ..

!
قلت الله يعينك علي .. كل يوم أبسيّر عليك .. !

اللي يبي يروح يجرّب القهوة هذي ، يلقاها في محل [ ××××
] اللي ×××× .. :D <- - فضحه

محل حاسب يحبه قلبك .. وراعيه عسل .. أصلي .. جايبينه من اليمن ..

العسل .. هو الي من اليمن .. مهب راعيه :D .. لا يجي يدبغن اللحين .. ولا يعيي يقهوين ! :D

لعقة واحدة من هالعسل .. تخليك صاحي مثل الحمار .. لو تناهق من اليوم إلى باتسر ما تعبت

!
طبعاً .. لحد يقول إحترم نفسك لا تشبهني بالحمار .. أنا أشبهك بصحوة الحمار ونشاطة .. مهب بالحمار كله .. حاشاك يا سيد المماليح حاشاك .. < - - بيت شعر !

الظاهر إني أبنجلد بعد هالموضوع .. مير الله يستر .. !

إستروا على ما واجهتم .. إخوكم جوعان باللحيل ..

!

وبعــد :

< - - والله ياهو مبتسر باللحيل :D !

دقيت على أحد الأحبة قبل أيّام اسمه [ سويلم ] طبعاً أسم مستعار .. وش رايكم فيه بس

.. ودي أطلع أتقهوى أنا واياه .. في أحد الأماكن الخضراء الفسيحة .. !

الله يفسّح على الجميع ..

أدق على رفيقنا سويلم .. ما يرد علي .. !

دقيت أكثر من مرّة .. الرجال ماش .. ما يبين

!

وكمان دقيت مرّة .. < - - أوالله النشبه !

أمر يرد علي [ بــزر ] .. !

قلت : بالخير يابوالشباب .. عطن أخوك الله لا يهينك .. < - - قمة الثقة

قال : فلان .. سويلم مهب موجود .. وهو معطين جواله ورايح .. !

قلت : بلا توليف .. الله يصلحك .. أدري إنه معطيك الجوال علشان تصرفن ..
مير عطن اخوك بس ..

طبعاً مهب عادتي أسوي هالسواة .. بس إني ودي أسولف مع البزر .. شوي وأنتم خابرينن أحب الرضاعين

!

قلت أبهبل فيه شوي وأشوف وش يقول ... ! المهم شوفوا وش صار !

قالي : أنا [ أم سويلم ] .. وسويلم رايح .. ومعطين جواله ..

وأنا اللي تطير عيوني ..

قلت : إحم .. هاه .. وشو .. وقمت أتخلبص وأتلخبط .. ووجهي بدأ يتلوّن .. !

إحم ... إحم .. الله يعطيتس العافية .. آسف على الإزعاج ..

قالت : سويلم بالبيت إذا تبيه .. قلت لا لا الله يجزاتس خير ما أبيه .. <- - أمحق ما بييه

لكن الإحراج .. وما يسوي ... !

الحقيقة .. إني إنحرجت باللحيل من هالرجّال وأمّه .. !
وما أدري وش أسوي .. لا عادت على هاك الطلعة .. :D

وما عاد .. أدق على واحدن ما يرد علي نوبة ثانيه .. نهي نهي ..

بس صدز والله إن صوتها صوت بزر

20-07-2007, 09:22 PM	#1
الــنــهــيــم عـضـو تاريخ التسجيل: Sep 2003 البلد: بين دفات الكتب ! المشاركات: 11,880	.. [ موقف مُحرج .. لبقت فيه سيارتي ] ! .. سُلام عليكم .. ! الحقيقة البطن خاوي ويقرقر من قبل ساعتين .. ومحتاج لبعضات الأطعمة ! فتصدقوا الله يخليكم .. ! وإذا منتب متصدقين .. فبلا منتكم .. ذا اللحين تجيب أميمتي القهيوة والتميرات .. يالله من فضلك ! والحقيقة ما فيه أطعم من قهوة أمي .. إلا قهوة واحد من الشباب .. زرته قبل أيّام .. ! والله ياعليه قهوة مهب صاحيه .. تصفي الراس تصفيه ما راحت ولا جت .. بتلت أدردب .. ! قلت الله يعينك علي .. كل يوم أبسيّر عليك .. ! اللي يبي يروح يجرّب القهوة هذي ، يلقاها في محل [ ×××× ] اللي ×××× .. :D <- - فضحه محل حاسب يحبه قلبك .. وراعيه عسل .. أصلي .. جايبينه من اليمن .. العسل .. هو الي من اليمن .. مهب راعيه :D .. لا يجي يدبغن اللحين .. ولا يعيي يقهوين ! :D لعقة واحدة من هالعسل .. تخليك صاحي مثل الحمار .. لو تناهق من اليوم إلى باتسر ما تعبت ! طبعاً .. لحد يقول إحترم نفسك لا تشبهني بالحمار .. أنا أشبهك بصحوة الحمار ونشاطة .. مهب بالحمار كله .. حاشاك يا سيد المماليح حاشاك .. < - - بيت شعر ! الظاهر إني أبنجلد بعد هالموضوع .. مير الله يستر .. ! إستروا على ما واجهتم .. إخوكم جوعان باللحيل .. ! وبعــد : < - - والله ياهو مبتسر باللحيل :D ! دقيت على أحد الأحبة قبل أيّام اسمه [ سويلم ] طبعاً أسم مستعار .. وش رايكم فيه بس .. ودي أطلع أتقهوى أنا واياه .. في أحد الأماكن الخضراء الفسيحة .. ! الله يفسّح على الجميع .. أدق على رفيقنا سويلم .. ما يرد علي .. ! دقيت أكثر من مرّة .. الرجال ماش .. ما يبين ! وكمان دقيت مرّة .. < - - أوالله النشبه ! أمر يرد علي [ بــزر ] .. ! قلت : بالخير يابوالشباب .. عطن أخوك الله لا يهينك .. < - - قمة الثقة قال : فلان .. سويلم مهب موجود .. وهو معطين جواله ورايح .. ! قلت : بلا توليف .. الله يصلحك .. أدري إنه معطيك الجوال علشان تصرفن .. مير عطن اخوك بس .. طبعاً مهب عادتي أسوي هالسواة .. بس إني ودي أسولف مع البزر .. شوي وأنتم خابرينن أحب الرضاعين ! قلت أبهبل فيه شوي وأشوف وش يقول ... ! المهم شوفوا وش صار ! قالي : أنا [ أم سويلم ] .. وسويلم رايح .. ومعطين جواله .. وأنا اللي تطير عيوني .. قلت : إحم .. هاه .. وشو .. وقمت أتخلبص وأتلخبط .. ووجهي بدأ يتلوّن .. ! إحم ... إحم .. الله يعطيتس العافية .. آسف على الإزعاج .. قالت : سويلم بالبيت إذا تبيه .. قلت لا لا الله يجزاتس خير ما أبيه .. <- - أمحق ما بييه لكن الإحراج .. وما يسوي ... ! الحقيقة .. إني إنحرجت باللحيل من هالرجّال وأمّه .. ! وما أدري وش أسوي .. لا عادت على هاك الطلعة .. :D وما عاد .. أدق على واحدن ما يرد علي نوبة ثانيه .. نهي نهي .. بس صدز والله إن صوتها صوت بزر __________________ [POEM="type=0 color=#000000 font="bold medium 'Simplified Arabic', Arial, Helvetica, sans-serif""]لمتابعتي عبر التويتر أو الانستغرام: @ibradob[/POEM] آخر من قام بالتعديل خوي السرور; بتاريخ 21-07-2007 الساعة 07:59 PM. السبب: بناء على طلب الكاتب..