[ابوبدر2010]

.
.
.
الآن في جميع الدول الأوربية مافيه شئ اسمه مراجع ؟!!
كل القضايا والطلبات بالبريد .. تخيل حتى فسح البناء لا يحتاج
عندهم إلى مراجعة !! عموماً من المستحيل أن نصل إلى ماوصلوا إليه والأسباب
أظنها معروفة .. لكن خوذها مني إذا صارلك أي معاملة خلك نشبت حلق إذا ما سوى
لك شئ الموظف رح للمدير وإذا ما سوى شئ المدير رح للمدير اللي أرفع منه لأن
تعرفون وضعنا في الدوائر الحكومية المدراء أكثر من الموظفين !! أقولك لين تصل
حد آخر مدير بعدها سوف ينفضح الموظف بسبب تأخيره للمعاملة وبهذه الطريقة
لا أظن هناك حل آخر خاصة إن أكثر الموظفين ما ينفع معهم إلا العين الحمراء ولا
ماراح يمشي شغلك ..

[حساني الروماني]

زين والله

[سوق التمر]

انا ابوي عمره حوالي 60 له 5اشهر يبي من مصلحه
المياه يحطوون ماء لستراحه وإلى الحين ماصار شي وكل ماجاهم يقولون بعد شهر

[ابوبدر2010]

.
.
.

المشكلة إذا مات أبوك ولسى ما وصلت المويه !!
وبعد ما يموت يقولون لكم لا زم اللي قدم الطلب يجي يراجع بنفسه !!
فالأفضل يطلع لكم وكـالة أضمن .. الإحتياط واجب ..

[مهندس دايخ]

يا جماعه لا تنسون ان بعض المراجعين اغبياء بصراحه ما يفهم الا بهوش

[محمد & بريدة]

معه دبلوم حاسب على باله عالم ذرة

للحق ان بعض الاجانب اكثر تواضع وبشاشه مع انه مهندس او دكتور او صيدلي ... مو دبلوم

وانا هنا لا اعمم لكن الاغلب والمشاهد

[Leader.20]

لان حاجتك عنده . بيذلك . وانت ما تقوى تهرج .. بتسكت غصبن عليك .

[فارس الصوتيات]

اكسر خشمه خل مرة ثانية ينسى إن يشوف نفسه عطه العين الحمراء

[أبونادرالأجتماعي20]

مكتب العمل + التأمينات الأجتماعية

[سيار نجد]

والله لمست الجرح , والله فيه موظفين مايخافون الله ويهينون المراجع وكأنه يبي ياخذ من لحمه , وتلقى المراجع مايحتاج من الموظف الا ختم والا توقيع !!

اقتباس وبالمقابل يوجد موظفين قمة في الاخلاق والتعامل وانهاء العمل بكل سلاسة وعجالة فهل تريد ان تكون من الطرف الاول او الثاني ؟

انا اشهد والله ان به موظفين اني لاتكرتهم ادعي لهم من كل قلبي ..

[زرزور]

السلام عليكم ورحمة الله وبركاته

كلامك صحيح فيه موظفين شيفين انفسهم على غير سنع

ولاكن لاتنسى ان الموظف يوجه جمهور والجمهور نفسيات مختلفه

الله ياقد جان مراجع تسحته من المكتب داخل ينفخ ويلج تسني اشتغل عند ابوه والمشكله صارت اوراقه مالي دخل به

وبعض المراجعين يدخل مبتسم ويسلم يخليك وادك تخلص اوراقه باي وسيله وهو مرتاح لانه بشوش

احيانن يوجه الموظف ضغط عمل مايعلمه الا الله ويجيك مراجع يحسب مهنا الااوراقه ويبيك تخلصها بسرعه.

مثال

قد جا لمي مراجع على شان اخلص اوراق بنته قلتله انا موعدك يوم السبت تجي لمي على شان نخلص اوراقها قبل الاربعاء ونرفعها لم المدير طبعن هو جاي يوم الاثنين قال يبن الحلل اوريقات وشخط عليهن ونقضي قلت اول شي لازم بنتك توقع على النماذج والاقرار قال خلاص دقايق وانا عندك اخذ النماذج والاقرار وطلع اقل من ثانيتين ورجع قال وقعت قالت له بنك قرت الاوراق زين قال ايه مار اشققهن واحلتهن بزباله وقلت رح لم بنتك وخله توقع عليهن وجبهن لي يوم السبت لتقديم الثاني الحين ماقدر اخلصهن على الاقل يبيلهن يومين على شان يكملن زعل وزعق ولج .
مير اسفهه واكمل اوراقي ولا تنه به اخر شي طلع المدير وقاله وش السالفه قال هل موظف ماوده يشتغل وياجل امور خلق الله قلت يا طويل العمر المفروض نستدعي الشرطه لهاذا الشخص لانه زور توقيع بنته على اوراق رسميه مار يتلخبط قال خلاص خلاص يوم السبت وطلع ..

هذا مثال من عدة امثله

اخوكم ابوريماس