[24uc]

بسم الله الرحمن الرحيم

والصلاة والسلام على اشرف الانبياء والمرسلين

السلام عليكم ورحمة الله وبركاته

فيه اشياء في الحياة في اعتقادي انه لايجب علينا ان ندفع لها ويجب على الدولة توفيرها بالمجان

وتبريري لتوفيرها بالمجان انها ضروريات لايمكن الاستغناء عنها ومن واجب الدولة خاصة مثل دولتنا

التي انعم الله علينا بدخل عالي من موارد طبيعية

طبعا الاشياء اللي اشوف انها مفروض توفرها بالمجان كثيرة وكل واحد يمكن يطري على باله شي

يعتقد انه يستحق توفيره بالمجان ويكون تفسير السبب موجود لديه

انا من وجهة نظري اعتقد ان الكهرباء والماء والصرف الصحي تكرمون من اهم الاشياء اللي مفروض

توفيرها بالمجان دون دفع هلله واحده من قبل المواطنين

هل تتفقون معي في وجهة نظري ؟

هل هناك اشياء اخرى يجب ان لا ندفع مقابل لها ؟

ماهو رايك بماتم طرحه جملةً وتفصيلا ؟

والسلام عليكم ورحمة الله وبركاته

.

.

.

.

[غريب احساس]

اتفق معك

[24uc]

حياك الله اخوي


.............................

فيه دول شعوبها ماتدفع شي لكثير من الخدمات مثل قطر الكهرباء والماء ببلاش

وفيه دول تدفع شبه البلاش

وفيه دول لو تلتفت يمين دفعوك ولو تعدل راسك دفعوك ولو تفتح فمك دفعوك

اتذكر في بريطانيا كل شي تدفع عليه رسوم وضرايب حتى انك تتفرج على التلفزيون تدفع ضريبه

تسهر بالليل تدفع ضريبه ماتفرز زبالتك وانت بكرامه تدفع ضريبه

ماعدا الاكل الغير مطبوخ هو اللي ماتدفع مثل الخضره وماشابه

المهم تدفع ماتدفع هذا شي مالنا به حيله بس مجرد دردشه وابداء وجهة نظر

[الرساوي المميز]

الحمدلله وضعنا جيد بس لو تكون الاسعار رمزية

لانها لو كانت بالمجان كان اسرفوا الناس فيها

[m المنهل m]

أنا أتفق معاك في الكهرباء
لكن الماء لا ؛ لأن الماء لو خلوه مجاناً ماراح نحس بقيمته وراح نسرف فيه
الحمدلله عايشين بنعمة عظيمة لكن مانحس فيها إلا إذا فقدناها
لو تشوف معاناة الناس في أفريقيا الدول الفقيرة يشربون الماء من المستنقعات بتعرف نعمة الله علينا
مشكور , تقبل مروري

[نوسا]

انا لااتفق معك

اطلع وشوف
البلدان الاخرى العربية او غيرها
حالهم مزري الي ابعد الحدود
حنا بنعمة والحمد لله

وبعدين تبغى كل شي
ببلاش
والله شبابنا مو مقصر بالبطالة
لو صار كل شي ببلاش

مااحد اشتغل

ولاتنسى حنا بنعمة
قل الحمد لله

[24uc]

اقتباس المشاركة الأساسية كتبها الرساوي المميز الحمدلله وضعنا جيد بس لو تكون الاسعار رمزية لانها لو كانت بالمجان كان اسرفوا الناس فيها

الحمد لله والشكر له

رمزيه تصدق عاد انها رمزيه ومدعومه ومع ذلك تقص الظهر الكهرباء مدعومه والماء مدعوم
وغيره من بنزين وديزل ومدري وشلون فاهمين كلمة دعم لكن الشكوى لله

[24uc]

اقتباس المشاركة الأساسية كتبها m المنهل m أنا أتفق معاك في الكهرباء لكن الماء لا ؛ لأن الماء لو خلوه مجاناً ماراح نحس بقيمته وراح نسرف فيه الحمدلله عايشين بنعمة عظيمة لكن مانحس فيها إلا إذا فقدناها لو تشوف معاناة الناس في أفريقيا الدول الفقيرة يشربون الماء من المستنقعات بتعرف نعمة الله علينا مشكور , تقبل مروري

اييييييييييييييه ياحزم الضامي
المصيبه الكبرى واللي محد حس فيها للحين هي الماء
انا مدري عن وضع باقي المدن بس هنا بالرياض من شبكو شبكة الصرف الصحي وانتم بكرامه
صارت مهزله
تخيلي صارت الفاتورة دبل والسبب انهم يحسبون الماء اللي يدخل والتصريف اللي يطلع
بمعنى
يدخل بميه ريال يحسبون ميه للطالع ويطلع اجمالي الفاتورة ميتين
وعليك الحساب
اللي قاهرني فيه كميه ماء تدخل ولاتطلع للصرف الصحي مثل اللي يشرب ماء عندنا ويتقهوى ويروح بيته يصرفها ومع ذلك يحسبونها علينا خخخخخخخخخ والله مهزله

على كل حال الحمد لله بالاول والتالي وعلى كل حال حمدا يليق بجلال وجهه وعظيم سلطانه

[24uc]

اقتباس المشاركة الأساسية كتبها نوسا انا لااتفق معك اطلع وشوف البلدان الاخرى العربية او غيرها حالهم مزري الي ابعد الحدود حنا بنعمة والحمد لله وبعدين تبغى كل شي ببلاش والله شبابنا مو مقصر بالبطالة لو صار كل شي ببلاش مااحد اشتغل ولاتنسى حنا بنعمة قل الحمد لله

والله طلعت بلدان عربيه وغربيه واسيويه ومع ذلك وصدقيني فيما اقول مابه بلد بغلا الكهرباء والماء مثلنا هذا وهو مدعوم وعندهم مضاف له ضريبه هاتيلي بلد واحد فيه اسعار الكهرباء والماء ازود مننا

وبعدين انا ما قلت اننا نبي كل شي ببلاش بس الكهرباء والماء
وفيه اشياء مهمه ماقلت ابيها ببلاش مثل الغاز والبنزين والاعلاف اللي رفعت اسعار الذبايح لاسعار خياليه وشغلات كثيره تعتبر ضروريه ماقلت ابيها ببلاش بس اكتفيت باهم خدمتين لنا كشعب في بلد صحراوي صلخ ام امنا الحر ولعب في دين اهل اهلنا البرد بالحر مكيفات وبالصيف دفايات

انا ودي وبكل احترام لشخصك الكريم ودي انك تويقين عند باب بيتكم على عداد الكهرباء وتشوفين الفاتورة حقت الكهرب وحقت الماء اللي تتسد شهريا وكل ثلاث شهور واحسبي كم مره تغيرون اسطوانة الغاز بالشهر وبكم تكلفكم
شوفي فواتير التلفونات والنت والجوال وشوفي كم راتب الشغاله والا السواق بالسنه ولاتقولين لي الشغاله والسواق رفاهيه مالها داعي اذا اب كبير بالسن مايعرف يسوق اكيد بيحتاج سواق واذا ام كبيره بالسن ومريضه اكيد بتحتاج شغاله يعني حتى وهو ساكن ببيت ملك بيدفع مصاريف بس للفواتير مايعادل اجار فله دورين باغلى حي

على كل حال انا احترم وجهة نظرك وجميع الاخوه والاخوات

وندفع الفواتير وحنا مانشوف الدرب بس مايضر لو الواحد نسم شوي من قدر الضغط اللي جواه

والحمدلله اولا واخيرا

[. الأمــــل .]

مشكور ع الموضوع لكن الحمد لله على كل حال ..

[مافـﮯشـﮯءاسمہ محال]

اتفق معاك يحطون الماء والكهرباء مجانا..
وياليت يخفضون فاتورة التليفون ((لانه من باب صلة الرحم))

ولا تدري مانبي شيء غير انهم يوظفون الشباب والبنات ..وشكرا

[A N A S]

اقتباس هل تتفقون معي في وجهة نظري ؟

أنا لا أتفق معك
السبب [ كثرة الإسراف ]

اقتباس هل هناك اشياء اخرى يجب ان لا ندفع مقابل لها ؟

نعم ما يخص المرور [ لو كانت رمزية ]

اقتباس ماهو رايك بماتم طرحه جملةً وتفصيلا ؟

ذكرت ما جال في نفسي ..

[m المنهل m]

اقتباس المشاركة الأساسية كتبها 24uc اييييييييييييييه ياحزم الضامي المصيبه الكبرى واللي محد حس فيها للحين هي الماء انا مدري عن وضع باقي المدن بس هنا بالرياض من شبكو شبكة الصرف الصحي وانتم بكرامه صارت مهزله تخيلي صارت الفاتورة دبل والسبب انهم يحسبون الماء اللي يدخل والتصريف اللي يطلع بمعنى يدخل بميه ريال يحسبون ميه للطالع ويطلع اجمالي الفاتورة ميتين وعليك الحساب اللي قاهرني فيه كميه ماء تدخل ولاتطلع للصرف الصحي مثل اللي يشرب ماء عندنا ويتقهوى ويروح بيته يصرفها ومع ذلك يحسبونها علينا خخخخخخخخخ والله مهزله على كل حال الحمد لله بالاول والتالي وعلى كل حال حمدا يليق بجلال وجهه وعظيم سلطانه

معليش ياخوي اتحمل الدنيا شقا وتعب مافيه شي يجي بالسهولة مافيه راحة إلا بالآخرة
حنا بالدنيا عابرين سبيل يعني لاتهمك الدنيا ,الله يسقينا من أنهار الجنة وننعم بنعيمها آمين .

بعدين حتى حنا بالمدينة الماء يقطعونه يوم أويومين بس الشكوى لله صابرين
تخيل مرة قطعوه أسبوع تبهذلنا بس تذكرنا بالدول الفقيرة, الحمدلله على كل حال.

[ميديم]

الدولة ماهي فاضيتن لك..
مشغولة بالتبرع للبنان والمغرب..
الحمدلله والشكر على كل حال..