[حفيد اعقيل]

اقتباس المشاركة الأساسية كتبها قائد المجد صدق ضرسك اخي _ تخبرون لي فكسار 2012 ب 30 الف

.
.

الأخ الفاضل / قــائد المجـــد ..

صح كلّك ..

تشرفت بحضورك ..

شـــكراً لك ..

.
.

[مخاوي الصمت]

الله يعينك على سرقة القصيدة مثله مثل غيرهــ
.
.

أجل لعبة يا أبو سليمان
واحد الشباب يقول الأكسنت أخاف أخذ به مطب بسرعة يطيحن الحجرات من تحت السيارة

[حفيد اعقيل]

اقتباس المشاركة الأساسية كتبها مخاوي الصمت الله يعينك على سرقة القصيدة مثله مثل غيرهــ . . أجل لعبة يا أبو سليمان واحد الشباب يقول الأكسنت أخاف أخذ به مطب بسرعة يطيحن الحجرات من تحت السيارة

.
.

هلا والله ... هلا وغـلا ..

هلا بالشــمالي مؤقتاً ..

صدقت والله .. تسرق لي قصيدة وتوضع في ديوان

ويكتب عليه اسـم السـارق ..

.
.

[درع القصيم]

^^^^^^^^^^^^^^^
يا مخاوي إلا وراك ما تقول أحسن أن فيها خيط من الخلف تسحبه بقوه تمشي قدام بسرعة وحده ،،

حرام عليكم ولله أنكم ظلمتوها المسيكينه ،، ..

أنا قبل عدة سنوات بعت سيارتي في العطلة الصيفية
<<<<< وما يبيع سيارته في العطلة الصيفية إلا المستخف .. إذا صار يبي سيارة مستعملة مو جديدة
أيه عاد بلشت ما لقيت سيارة ، الطلب أكثر من المعروض ..
العالم تروح وتجي وأنا بلش بدون سيارة ،، حتى أني اتصلت على ألي شراء سيارتي وقلت له تبيعها بمكسب 500 قال لا .. قلت بمكسب 1000 قال لا أقول وخر بس .
<< أيه وتجيكم السالفة
عاد وأنا طالع من المعارض حزين طافيات شموعي وضايق صدري أيه وأمر من عند معرض العودة ، والله وأشوفهم ينزلون من التريلة اكسنتات () جدد ،، قلت أشوف كم أسعارهم وأنزل ..
أيه يوم فكرت ولا الدعوة صعبه ويمكن ما ألاقي سيارة أيه وشفت السيارة رخيصه قمت وشريتها قلت أتعبر بها حتى أحصل سيارة ومن بكرى مستلمها هي ولوحاتها ..
بالبداية كنت مستحقرها قلت يكفيني أني أمشي عليها 50 ألف ثم أبيعها ،،
شريت الحمد لله سيارة بعد 8 شهور بس خليت هذي الأكسنت عندي جازتلي ودي أخليها للمشاوير ..
ولله وأمشي عليها إلى 150 ألف وجلست معي 3 سنوات وما في مكان ما طبيته عليه حتى البر أطلع عليها وأصيد عليها وبعض الشعبان الي في البطين أنزل عليها ،، إلى صلالة في عمان رحت عليها ، ومير أبها ركبت فوق التنده شبك مصريين وحطيت العزبه بالشبك وحتى الرواق ومنقل شوي والله اني جايب معي حطب إرطا طول القش مترين فوق التندة تقل موجه لطنطه ،، ومكة يمكن ثمان مرات رحت لها ، وقطر ، والكويت ، ..
بتلت أطاير فيها ،، والبنزين ما تصرف أبد قسم دايم أنساه وأقطع بنزين ،،
ولله ما شاء الله بعته بعد ثلاث سنين ماشي عليها 150 ألف ما حطيت فيها إلا فحمات وكفرات ودزق وكلتش وسير مكينة داخلي بس ..
ويوم أبيعها والله ما ينقص من زيت المكينة ملي واحد وأنا أمشي بالزيت إلى 11 ألف ما أغيرة ،، وتاخذ ثلاث علب زيت بس والسويفون بالوكالة قيمته 13 ريال ،، ..

أيه وأبيعها حبيبت القلب بخسارة 8500 بعد استعمال ثلاث سنين أنواع التوفير ..

لكن فيه عيب واحد وهو أنك إذا ركبتها يستحقرونك الناس وبالذات الشباب الصغارين أي واحد يطلع عليك من تقاطع ما يراك شي والي يحدك ولي يطنب لك ويهوش عليك وأنت ما زينت شي قسم بالله وعاد التفتيشات ياساتر أنواع الحقران يوقفك ويرصك ساعة ثم يقول يالله أمش ..


تنبيه /

اقتباس طول القش مترين فوق التندة

لا عاد متر واحد مو مترين شكلي بالغت أشوي .

[روائع المميز]

الله الله. .
بس عاد إلا الإكسنت ، عيب الإكسنت إنه جيب بر وديرة ومطر وثلج ، وبنزينها رخيص ، وهي رخيصه ، وكل حاجة. .
مبطين عنك حفيدوو. .

[حفيد اعقيل]

اقتباس المشاركة الأساسية كتبها روائع المميز الله الله. . بس عاد إلا الإكسنت ، عيب الإكسنت إنه جيب بر وديرة ومطر وثلج ، وبنزينها رخيص ، وهي رخيصه ، وكل حاجة. . مبطين عنك حفيدوو. .

.
.

روائـــــع الممــــيز ..

أين أنت يارجــل ..

شــكراً للكورولا يوم أن جعلتك تأتي إلى هنا ..

سـعيد بوجودك فأل شــكرٍ لك ..

.
.

[الرواد الأهلية]

الجيب جيب والكرولا كرولا

[حفيد اعقيل]

اقتباس المشاركة الأساسية كتبها الرواد الأهلية الجيب جيب والكرولا كرولا

.
.

الرواد الأهلية ..

والكابريس كابريس والهايلوكس هايلوكس

.
.

[درع القصيم]

^^^^^^^^^^^^^^^^^

اقتباس أما الديوان فمحدثك لايعتبر نفسه شـاعراً

ليه بالعكس ولله ما شاء الله عليك ،، قصيدك تنبني عن شاعر محترف قد ضبطها ونظمها ..
أرجوك لا تحتقر نفسك أبداً ..
وحاول أن تجد طريقة تحفظ بها قصائدك ،، أي عليك أن تباشر بإخراج ديوان لك ،،

وأسمح لي أن أطلب منك وضع عدد من القصائد هنا التي تحظرك حالياً ..
بأمل تلبية طلبي يالغالي .

[حفيد اعقيل]

اقتباس المشاركة الأساسية كتبها درع القصيم ^^^^^^^^^^^^^^^^^ ليه بالعكس ولله ما شاء الله عليك ،، قصيدك تنبني عن شاعر محترف قد ضبطها ونظمها .. أرجوك لا تحتقر نفسك أبداً .. وحاول أن تجد طريقة تحفظ بها قصائدك ،، أي عليك أن تباشر بإخراج ديوان لك ،، وأسمح لي أن أطلب منك وضع عدد من القصائد هنا التي تحظرك حالياً .. بأمل تلبية طلبي يالغالي .

.
.

أعتذر ممن سبقوا بالردود لكني هنا أردت أن أجيب على أخي

درع القصيم وسأرد على كل واحد منكم ..

أخي درع القصيم

ماعليك إلا أن تكتب في قوقل قصيدة حفيد اعقيل واستعرض

كل صفحات البحث لترى ..

.
.

[درع القصيم]

^^^^^^^^^^^^^^^^^^
كذا يعني ..
طيب سوف أستعرضها وأطرحها هنا .. أسمح لي .
من حقنا أن نراها ونُعلق عليها

[درع القصيم]

اقتباس السيل جانا وأشوف النفس مسرورة .......... يالله عسى ماطره يصبح ويمسينا يسقي بلادي من طريفٍ إلى شـروره .......... ومن البحر غربها للشرق يروينا سحاب بأمر الولي تمشي ومامورة .......... يصب وبله على الدار وبوادينا تربّع الأرض تنبت عشب وزهوره .......... والسيل يلطم على فياضة ويسقينا الطير غنى على الأغصان مجرورة .......... بألحان عذبه تسلينا وتشجينا راع الولع زهّب العزبة ودافورة .......... وأقفى على موترٍ يه رشة المينا جيب جديد به (الجابان) ممهورة .......... موديل توّه جديدٍ تسع وألفينا مع رفقة تشترى راي معه شورة ..........المرجلة ساسهم ومجمله دينا وأضحوا على فيضة بالليل ممطورة .......... طقوا بها خيامهم بشمال ويمينا ثم أشعلو نارهم بالرمث مخشورة .......... وصفوا عليها من البغداد ثنتينا ودارت سوالفهم على نيران معمورة ..........سوالف تذكر علومٍ من سنينا ماهي علوم عن الأسهم ولا الكورة .......... ولا الذي سجل أهدافه بنادينا هذي مناتي على الأبيات مسطورة .......... البر عشقي ماهو بجنيف وآثينا ما أمل من طلعتي لو دامت شهورة .......... يضيق صدري إلى من حرّك وجينا . حفيد اعقيل 29/10/1429هـ ..

جداً رائعة والله من غير مجاملة بس ناقصها شيلة بس ،،
على فكره قصايدك المثل هذي هل سبق وقُلتها بشيله ..

[حفيد اعقيل]

^^^^^^

طبعاً القصيدة هذي منشدة

وقد أنشدها المنشد / ياسر العقاب

وهناك الكثير منهم تم إنشادهن

أشكر لك اهتمامك ..



.
.

[lonely22]

دنيآ رديه وش جاب الجيب للكرولا

هالكرولا كود تزمّه لاجاك مطب مهيب شي

الله يرزقك بجيب يملى عينك

لاتحرمنآ من طرحك