[زاويه حادة]

الله يرزقنا الوظيفه ونمر اقرب بنك للبيت وناخذ قرض للزواج

[مايصح إلا الصحيح]

اقتباس المشاركة الأساسية كتبها فيزيائية مايصح الا الصحيح يعني الحين تختلف العروض بناء على ايش ؟؟؟ والله ماأدري ، بس فيه تنافس بين البنوك على جذب العملاء ومتى ينزلون عروض تقريبا مالهم وقت محدد ، عشان كذا نصحتك تمرين البنوك تشوفين عروضهم بالذات نسبة الفائدة وكذلك الرسوم الإدارية ومن اللي دايم ينزل عروض حلوه ازعجتك بكثرة اسئلتي الله يجزاك الجنه

اللي دايم ينزلون عروض حلوة

الجزيرة أذكر عندهم عرض إذا كان ماخلص الفائدة 2.75

وعلى فكرة إذا كانت زميلتك معلمة يعطونها عروض البنوك أفضل من الموظفة العادية

[فيزيائية]

اقتباس المشاركة الأساسية كتبها الصباخ وخلي صديقتك تنتبه لمسألة النسبه ومدة القرض ومن هالأمور، يعني لا تآخذ القرض كذا على عماها.

ياليت توضح النقطه اكثر


زاوية حاده


الله يرزقك من واسع فضله

مايصح الا الصحيح


سوري وش الفرق بين المعلمه والموظفه

هي موظفه على المرتبه السابعه

الله يجزاك الجنه

[$مكتف النملة$]

أفضل البنوك :
1-بنك الجزيرة
2-بنك الإنماء
3-البنك الفرنسي
وغيره نصابييين وتعاملهم سيء

[الصباخ]

اقتباس المشاركة الأساسية كتبها فيزيائية ياليت توضح النقطه اكثر الله يجزاك الجنه

النقطه والمقصد فيها بعض البنوك تتلاعب في مدة القرض لأن القرض لو افترضنا سنوياً نسبته 3.5 % ومدة السداد أربع سنوات، البنك يتلاعب فيها ويضع أربع سنوات وشهرين حتى يستفيد من الزيادة.
بمعنى أوضح كل سنة البنك يآخذ عليها نسبة 3.5% ويعتبر أربع سناوت وشهرين هي بالنسبه للبنك 5 سنوات، لكن بالنسبه للعميل تعتبر أربع سنوات وشهرين وهي مدة السداد، العميل قد لا ينتبه لهذه النقطة حيث أن البنك يوهمه بأن الزياده تريحه في السداد ومن هالكلام.

أما الفرق بين المعلمه والإدارية فلا يوجد فرق، المهم تأخذ تعريف بالراتب من إدارتها، ثم تعطيه للبنك بشرط أن البنك لن يعطيها القرض إلا بتحويل الراتب عليه.

[sari11221]

اقتباس المشاركة الأساسية كتبها infinity أعتقد ان الجزيرة والأنماء اقل البنوك بنسبة الفائدة حوالي 2.9%

فعلاً صحيح

[فيزيائية]

مكتف النمله - ساري

الله يجزاكم الجنه

الصباخ

كفيت ووفيت الله يجزاك كل خير


سؤال أخير

هل الجزيره - الأنماء - الفرنسي

ربويات ام لا؟؟؟؟؟

[Abu hmid]

اقتباس المشاركة الأساسية كتبها فيزيائية الزين يفرض نفسه _ أبو غسان _ مصفق عيال الحاره _أبو حميد _ مايصح الا الصحيح الله يجزاكم الف خير ويرزقكم من حيث لاتحتسبون مصفق عيال الحاره ماهي البنوك الربويه هل الجزيره والأنماء منهن وماهي البنوك الغير ربويه اكيد بنبتعد عن الربا بكل اشكاله لأنه ذنب عظيم أبو حميد وش دخل القطاع بالشئ هذا ياليت توضح اكثر مايصح الا الصحيح يعني الحين تختلف العروض بناء على ايش ؟؟؟ ومتى ينزلون عروض تقريبا ومن اللي دايم ينزل عروض حلوه ازعجتك بكثرة اسئلتي الله يجزاك الجنه

كل البنوك ربويه بأستثناء الراجحي والاهلي ( طبعا الاهلي حسب كلام الناس انه الحين اسلامي )
اما البلاد والانماء مدري عنهم

القطاع الخاص هو غير الحكومي مثل الشركات والمؤسسات بمعنى انه اذا كان طالب القرض غير موظف حكومي تكون النسبه اعلى اما الحكومي تكون اقل

[Abu hmid]

الجزيرة والفرنسي بنوك ربويه حسب مااسمع اما الانماء ماادري

[المبتسم1000]

تقدرين تفتحين حساب بالراجحي ويكون السدادعن طريقه ... وترتاحين من ناحية الخدمات

[فيزيائية]

جزاكم الله خيرا

ورزقكم من حيث لاتحتسبون

[صمت النار]

للتوضيح فقط

الجزيرة إسلامي .. إسلامي .. إسلامي ..

وحسب ماسمعت من المحيطين بي أنه الافضل من ناحية القروض

[فيزيائية]

صمت النار >>>>>>>>>متأكد؟؟؟

لأن كلن يقول ربوي

[الارجواان]

اقتباس المشاركة الأساسية كتبها مصفق عيال الحارهـ افضل بنك على الإطلاق مصرف الإنماء نسبة الفائدة حوالي 2% بالمرتبة الثانية بنك الجزيرة نسبة الفائدة 2.75% وأنصحك بالإبتعاد عن البنوك الربوية وإن كانت أقل فمن ترك شيئاً لله عوضه الله خيراً منه

وين مصرف الانماء ببريدة