[خبيرة مطبخ]

اقتباس المشاركة الأساسية كتبها نونة ممكن بنات طريقة الجريش تعبت منه مو راضي يضبط معي.. هو الوحيد اللي مو راضي يضبط معي.. وابي طريقة الكشنه اللي فوق بصل وليمون اسود .. ابي الطريقه بالشرح الممل.. عشان افهم ..

الجريش الله يسلمكم تجيبين الجريش النوع لقيمي تركي وانا أستخدم نوع ألحين مكتوب عليه نورة

المهم أول شيئ أغسل الجريش ومعه شوية رز مصري لو حبيتي

يعني مد جريش والمد تراه يساوي علبة الكويكر بالتمام اللي ماتعرف المد كم هو
نقول مد جريش و ربع مد رز مصري أو صنوايت نغسله وننقعه

ثم نشوح شوية بصل في شوي زيت لحد ما يطلع لونه أصفر وتفوح ريحته وأضيف له كم عود قرفة للي يحب
ثم نصب عليه ماء وافر وأحط دجاجة مغسولة ومنضفة ومنزوع جلدها
وأخليها تطبخ مع الماء واضيف الجريش والرز المصري وأخليهم يطبخون على النار وإذا مرت ساعة

إلا ربع طلعت الدجاجة وسحبت عظامها ورجعت لحمها مع الجريش مرة ثانية
وأخليهم يطبخون وأخفف النار على الأخر وبعد ساعة أضيف جبنة مالحة أو لبن أو زبادي إللي تفضلينه
وأخليه على نارهادية وأحط تحته الصاجة
وقبل لا أطفيه بنصف ساعة أحط علبة قشطة وملعقة جبن سائل هذي الحركة تخليه جنان

ورشة ملح الليمون

ثم أبدأ أحركه وأضيف عليه كمون مطحون جديد أفضل

ثم أغرفه وأحط عليه الكشنة المفضلة
بالصلصة الحمراء
أو بالليمون الأسود لحاله

أو بالبهارات المنوعة حسب الرغبة
ملاحظات -------------------

الجريش عشان يضبط لازم الماء يكون كافي يعني فوق الجريش بأربع أصابع

وحطي في بالك إذا أنتي بتضيفين لبن أو زبادي إنو هذولي سوائل
وإذا كان جبنة يختلف الوضع

إذا تبين تضيفين فلفل حار أحمر وأخضر حطي بس خليه لحد ما يستوي وبعدين شيليه عشان ما ينهري
في الجريش
الجريش يحتاج أقل شيء 3ساعات و حسب الكمية بعدإذا كبيرة يحتاج إلى أربع ساعات إلى خمس

من يوم يبدأ الجريش يطبخ ((يبقبق )) يغلي يعني لازم تخفيفين النار عليه تكون نار هادية على الآخر

وميزة الجريش لو نشف عادي تقدرين تزيدين من مويته بسهوله

وإذا طلع جريشك سائل أول ما تنزلينه من على النار لا تحركينه أول شيء أغرفي الماء أو السائل المتجمع على وجه الجريش وهذا يخفف عليكي المشكلة
ولو إحتجتي زيادة من السائل إللي شلتيه أضيفي منه

ان شاء الله تكوني فهمتي
وبالعافية

[دلوعت زوجه]

الله يسلمك والله
عادي احط حلبيب كذا انا سمعت
قالو ان الجريش التركي ما يحتاج دق هل كلمهم صحيح او لا
قالو نقطع البصل وزيت وبهرات ومالح وحلبيب والجريش وقفلي عليهم حت ساعتين بعدين خالص
صدق او لا
انا ودي اصلحه صراحه

[عُباب]

الله لا يحرمكِ الأجر
ممم ابي الرز الطبقات عجزت يضبط معي

[كتكوته]

ابغى حشوات ساندوتش خفيفة..

[ـالتُفاحة الورديّة]

اقتباس المشاركة الأساسية كتبها كتكوته ابغى حشوات ساندوتش خفيفة..

عن أذنك مرة أخرى خبيرة

قطعي خضار باذنجان وبطاطس وكوسة بس الكوسة لاتكثرينه
وأقليهن بالزيت وسوي كشنة طماطم وبصل وبهارات وملح وفلفل أخضر مقطع
وحطي عليهن الخضار يطلع جناااان طعمة

,,,

جبن أبيض + زعتر

،،،
بيض ( أحمسيه ) مع ملح وزيت فقط وإذا خلصت أخلطيه بالملعقة حتى يصير ناعم أو بالخلاط
وقطعي معه بقدونس
،،،

بصل قطعيه مستطيلات وحمسيه بزيت حتى يذوب وبعدين حطي صفار وحبرحر أحمر
وبعدين أسلقي بيض واذا خلص قشري البيض وقطعية وحطيه معه << مرة سويته فيه خواتي وانهبلوا عليه

وبالعافية على قلوبكم

[كَـارِيـزْمَـا ©]

يا لله عدْ عَنَه
..
المعجنات وجبة شعبية . < قولوا إيه
أبي طريقة عجينة تهبل العقل ..
كانت عجينتي منول اللي ياكله ياكل آصابعه معاها
والحين مدري وش بلآه ..!؟
خل أقولكم طريقتي :
أحط الدقيق وباكنج بزبدية
وأحط بالخلاط بيضة + بيالة زيت + كاس لبن دافئ + موية دافئة + خميرة +ملح + فنجان سكر
إذا خلطتهم حطيتهم على الطحين وعجنت ...وعاد الباقي معروف
+
بس مدري وش البلا صارت موب (تهفش ) على قولت أمي
+

اقتباس ابي طريقة الجريشش اللي يجنن

ههه يا حبي له دوره عاد

[بنت عبد الخالق]

بارك الله في جهدك ونفع بك

[شريط الذكريات]

مراااااحب عزيزتي خبيرة مطبخ

تكفين الله يوفقك ابي طريقة الجريشش اللي يجنن
لانه يطلع معي غير مضبوط واللبن يصير متعقد

طلبه اكتبي طريقته الله يعطيك العافيه

[اكوسـ بنتـ]

اقتباس المشاركة الأساسية كتبها شريط الذكريات مراااااحب عزيزتي خبيرة مطبخ تكفين الله يوفقك ابي طريقة الجريشش اللي يجنن لانه يطلع معي غير مضبوط واللبن يصير متعقد طلبه اكتبي طريقته الله يعطيك العافيه

اقتباس الجريش الله يسلمكم تجيبين الجريش النوع لقيمي تركي وانا أستخدم نوع ألحين مكتوب عليه نورة المهم أول شيئ أغسل الجريش ومعه شوية رز مصري لو حبيتي يعني مد جريش والمد تراه يساوي علبة الكويكر بالتمام اللي ماتعرف المد كم هو نقول مد جريش و ربع مد رز مصري أو صنوايت نغسله وننقعه ثم نشوح شوية بصل في شوي زيت لحد ما يطلع لونه أصفر وتفوح ريحته وأضيف له كم عود قرفة للي يحب ثم نصب عليه ماء وافر وأحط دجاجة مغسولة ومنضفة ومنزوع جلدها وأخليها تطبخ مع الماء واضيف الجريش والرز المصري وأخليهم يطبخون على النار وإذا مرت ساعة إلا ربع طلعت الدجاجة وسحبت عظامها ورجعت لحمها مع الجريش مرة ثانية وأخليهم يطبخون وأخفف النار على الأخر وبعد ساعة أضيف جبنة مالحة أو لبن أو زبادي إللي تفضلينه وأخليه على نارهادية وأحط تحته الصاجة وقبل لا أطفيه بنصف ساعة أحط علبة قشطة وملعقة جبن سائل هذي الحركة تخليه جنان ورشة ملح الليمون ثم أبدأ أحركه وأضيف عليه كمون مطحون جديد أفضل ثم أغرفه وأحط عليه الكشنة المفضلة بالصلصة الحمراء أو بالليمون الأسود لحاله أو بالبهارات المنوعة حسب الرغبة ملاحظات ------------------- الجريش عشان يضبط لازم الماء يكون كافي يعني فوق الجريش بأربع أصابع وحطي في بالك إذا أنتي بتضيفين لبن أو زبادي إنو هذولي سوائل وإذا كان جبنة يختلف الوضع إذا تبين تضيفين فلفل حار أحمر وأخضر حطي بس خليه لحد ما يستوي وبعدين شيليه عشان ما ينهري في الجريش الجريش يحتاج أقل شيء 3ساعات و حسب الكمية بعدإذا كبيرة يحتاج إلى أربع ساعات إلى خمس من يوم يبدأ الجريش يطبخ ((يبقبق )) يغلي يعني لازم تخفيفين النار عليه تكون نار هادية على الآخر وميزة الجريش لو نشف عادي تقدرين تزيدين من مويته بسهوله وإذا طلع جريشك سائل أول ما تنزلينه من على النار لا تحركينه أول شيء أغرفي الماء أو السائل المتجمع على وجه الجريش وهذا يخفف عليكي المشكلة ولو إحتجتي زيادة من السائل إللي شلتيه أضيفي منه ان شاء الله تكوني فهمتي وبالعافية

هذا رد الاخت جزاها الله خير

[دبدوبه ستي]

علشان اللبن مايتعقد معك في الجريش حطي معه نشاء قبل ان يوضع على الجريش

[دلوعت زوجه]

صباح الخير
ابي طريقت المرقوق بس ابيه سهله وبتفصيل
مشكوره يا عمري

[خمائل مختاله]

طريقة العجينه والعهده على اختي ...رائعه جدا..

المقادير..

2 كأس طحين

نص كأس لبن (عادي يصير بارد بس بشرط يصير الماء دافئ)+نص كأس ماء دافئ

3 ملاعق حليب بودره

فنجال سكر

ربع كأس زيت

ملعقة بكنج بودر

ملعقة خميره

الطريقه



تحطين (-اللبن +السكر+الحليب +الماء +الزيت) =بالخلاط لمدة خمس دقائق



ثم تحضرين زبديه ..وتحطين فيها .. (( الطحين+البكنج بودر+خميره =تحرك جيدا بملعقه لين يذهب اثر الخميره والبكنج)))

ثم تسكبين السوائل على الطحين ..وتبدين تعجنين بيدك..لين توصلين لعجينه متماسكه ..لو لينه زودي شوي طحين ..

ملاحظاتي ..

المائ الدافئ يخلي العجينه منتفشه



والله اعلم

دعواتك ..

[وطنُ الأماني]

جزاكِ اللـه خيراً