 |
|
|
|
|
|
|
14-04-2009, 10:32 PM
|
#1 |
|
عضو اللجنة الإعلامية مشرف أخبار بريدة 
تاريخ التسجيل: Nov 2006
البلد: buraydahcity
المشاركات: 9,558
|
.
متآبعين لك يآبعد آلبي .. كمل كمل ! : )
__________________
. لتصوير الزواجات والحفلات / 0569499222 حسابي بالإنستقرام | @Dhoom06 تويتر | http://twitter.com/abdulrahman_06 . ، |
|
|
14-04-2009, 10:47 PM
|
#2 |
|
عـضـو
تاريخ التسجيل: Dec 2007
المشاركات: 1,779
|
،،
تقرير رائع سلمت يمينك وشمالك ... وكلتا قدميك ( عصاقيلك)... وفقك الله وأعادك لبلاد التوحيد سالماً غانماً ... |
|
|
|
14-04-2009, 11:40 PM
|
#3 |
|
عـضـو
تاريخ التسجيل: Apr 2009
البلد: في العاصمة
المشاركات: 60
|
الله يعطيك العافيه
على التقرير المتميز الصراحة كفيت وفيت الله يوفقكم جميعا وتراي متابع بشغف |
|
|
|
14-04-2009, 11:59 PM
|
#4 | |||||||||||||||||||
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
ههههههههههههههههههههههههههههههه اجتمعوا المهبّل
 ياخي أتوقع يأثم اللي جمعكم أستغفر الله العظيم من كل ذنبٍ عظيم  !أفضـــل تقرير مرعلي الله يوفقكم ويحفظكم ياحلوين .. على فكرة .. لا تنتظرون من أبو حسين شيء .. تراوه ماوراوه إلا الدجة
يآحبيلك بس .. عطن عنوانك خل أشحنه وناسة تاخذه وتشري له ذاكره 4 قيقا << أنا اشتقت لك يالعصل .. !
__________________
 من التقاطاتي التي أفتخر بها لمدينة بريدة .. |
|||||||||||||||||||
|
|
|
15-04-2009, 12:57 AM
|
#5 | |||||||||||||||||||
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
..عاشق سراااب؟
شكراً ليك ولمتابعتك YUOSSEF عاد لاتغلط على عصاقيلي لا اطلق واحدن عليك الحين جفنشي عرفنا الحين من وين يجيبون الصور اللي مثل توقيعك عرفنا مكانهم  نجديــــة شكراً لك اخيتي مـــــاريـــــا ثانكيو ماي سستر عراوي ماسوينا شي عاد لاتغلط تسلملي @جرّوح@ يانت قديم مادري وراه هاه وشلون سيارتي ؟ وش اخباره أبوعبدالملك بدينا بالغلط بالعصاقيل مهندس بريده هلا بالألماني شكراً لمرورك ومتابعتك يالبي فارس الفرات لا وتقولون لاتغطي الوجيه اعنبوبليسكم تفصفصون الصورة فصفصه وتنخلونه نخل وتقولون لاتغطي الصور الله والعالم اني مانب منزلن صور ابد بالنسبة للكنادر الرسميات نسيتهن عند لينا الله يخلف مع الذاكرة والشله الفـــارس ههههههههههههه هلا بيك اجل انت آثم اشونك مانتب معنا انا وابو حسين تفصيل الأمور مدوبره .. مابش مكينه ابو حسين ياجماعه ترا ابو حسين طاقه مخفية والله اصقلوها كلكم هههههههههههههه ابو حسين ذا رمز لحاله لكن جحود مهب مثلي اعجز اغبي شي ابو فارس .. ايه والله ياليت تشحنه والله ياهي عيشة اعلمك ماشاء الله تبارك الله واشريلك 20 قيقا بس غالية عندنا
خل الأمور مستورة احسن ولا ترا ابعلم انك ماكملت حق صلالة واعلم عن ذاك وذاك
__________________
آخر من قام بالتعديل المنخرش; بتاريخ 15-04-2009 الساعة 01:25 AM. |
|||||||||||||||||||
|
|
|
15-04-2009, 01:00 AM
|
#6 |
|
عـضـو
تاريخ التسجيل: Aug 2008
البلد: الـــــريـــاض خـــيرهـا الفيـــاض
المشاركات: 1,751
|
،،
تغطـــيه رائعــه حفظــك المــولــى ،، |
|
|
|
15-04-2009, 01:25 AM
|
#7 |
|
عـضـو
تاريخ التسجيل: Apr 2009
المشاركات: 13
|
تسلملي والله على هالتقرير الحلو
وتسلم هالصعقيل اجل مسكت الباب ودخل ابو حسين الله يقلع ابليسك على هالتنسيممتـــــــــــــــــــــــــــــــــابـــــــــــــ ــــــــع  |
|
|
|
15-04-2009, 02:10 AM
|
#8 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
ابو حسين
هلا بيك وهلا بالطلة اجل عندكم حفلة يابو حسين علينا هالأمور لاتخلين اعلمهم عن ذاك وذاك ههههههههه امزح عاد همن تكب فضايي كله بذا الستر زين وانا اخوك وعليكم بالتمسك بالستر وعليك بالأخلاق البريطانية وعليك بضبط النفس يعجبني تقريرك لكن مايبرد التسبد تكفا نزل تقرير كبير من اليوم الثاني وانا انزل شي ماشفتووه خلا بو فارس يقعد به ننتظر تقريرك لليوم الثاني
__________________
|
|
|
|
15-04-2009, 03:38 AM
|
#9 |
|
عـضـو
تاريخ التسجيل: Mar 2005
البلد: الـريـآن
المشاركات: 1,612
|
المنخرش الله لايهينك امسك الباب ...
 شف الناس اللي تعرف تحط تقارير .. صورك لاتنزلهن انت يالمنخرش عطهن زحل وازهله ... بس يبي يجييك قرناس طيرااان مغلق الموضوع بالشمع الأحمر ! اما صورة ام شعر اللي عند دورة المياه .. ليتك لاقطه لنا من الواجهية ... |
|
|
|
17-04-2009, 06:08 PM
|
#10 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
حي الله الزقرت واللي مهب زقرت
حي الله الأعضاء والزوار .. جتن كذا رسالة على الايميل .. بخصوص بعض الصور اللي نزلتها انا او نزلها ابو حسين وبعض الكلام فيا أحباب أنا انزل 50 او 60 صورة مهب معقولة مانب غلط ولا وحده قدروا يعني شوي انا مابي أحد يرسلي ويقولي .. الصورة هذي فيها مرة الكلام هذا مايليق إذا فيه شي ما أعجبك بالموضوع .. عندك خيارين الأول/ عندنا بالقسم هذا مشرفين عزيزين على قلبي ولهم الميانه الكاملة في موضوعي (قرناس والمستشار) لو اي شخص حس ان فيه غلط يكلم قرناس او المستشار ويقوله الصورة هذي فيها غلط والكلام هذا فيه خطأ إذا تفهمها المشرف الحمد لله يسوي اي شي ماراح ارده له الخيار وهو مشرف له صلاحياته لكن انا لي فقط نصف ساعه ثم يقفل التعديل ماعندي استعداد كل حلقة اروح اكلم مشرف عساي أفضي للموضوع الحل الثاني / لاتدخل الموضوع وريح راسك  رجااااااء مابي اي رسالة عن هذا الموضوع جزاكم الله الف خير ويمكن انا اشوف ان الصورة مافيها شي شخص اخر يشوف ان فيها شي عاد رقع وش الحل ---------- ماعلينا امر أخر لاحظت ان كبار الشخصيات بالنسبة لي VIP يتابعون موضوعي هذا  وأعتقد اني أبضرب بريك ببعض الكلمات والصور ماله داعي أرجع لبريدة كل يوم ببيت واحد من الشباب ماسكن على جنب خلونا حبيبين كذا وحلوين ههههههه --------- تبون نبدأ ؟ عاد الحلقة الجاية .. تدور حول حديقة الحيوانات (والهبال) و قصة (خط البلدة) ===>> أشك اني أبنزل هالقصة حديقة الهايد بارك (اكبر حديقة بالعالم) كذبة حديقة (السناجب) ركن الهايد بارك (مناظرات) ركن الحرية في الكلام تفطر الأقدام من المشي الصور كثيرة أيضاً هذه المرة .. والمعلومات غنية عساكم على القوة الليلة بتوقيت قرينتش شييييوووووو بوووم تلالالااانانااااا ===>>> حقت الأخبار (اهم الأنباء من العربية) يالله نشوفكم على خير سؤال على الطاير للشباب غير (أبو حسين) وسوف نتقبل الإجابات قبل نزول الحلقة في هذا الموضوع السؤال يقول (ماهو خط البلدة في بلاد الحرية )؟؟؟ بدون مشاركة VIPانتظر إجاباتكم
__________________
آخر من قام بالتعديل المنخرش; بتاريخ 17-04-2009 الساعة 06:55 PM. |
|
|
|
17-04-2009, 09:41 PM
|
#11 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
السلام عليكم ورحمة الله عدنا إليكم مجدداً وبالتقرير للرحلة الأخير وهو اليوم الثالث والتقرير دسم إن شاء الله كما عودناكم وإن شاءا لله يبي يشبعكم كل اجوبتكم غلط ليش هذا المقصود في بريطانيا عن خط البلدة خلونا نبدأ وتعرفون بالطريق  باسم الله نبدأ .. أولاً / سأشرح لكم خط البلدة في لندن ولماذا يتواجد بكثرة (الله يستر من ) VIP تعريف خط البلدة / خبركم تعرفون هالبريطانيون يلبسون بناطيل والبنطلون عادة يكون محكم الإغلاق لكن عندهم لا فبمجرد أنه يطنبس الشخص أو يبوبز (يظهر خط البلدة) الظاهر مايحتاج نخوض بمثل هذه المواضيع من أطلق عليه خط البلدة ؟ في يوم إجازة الأيستر الأول من كانون الثاني هههههههه حلوه كانونتحس اننا بالأخبار اول يوم لنا في لندن ابو حسين اطلق الأسم هذا واشتهر بين اوساط مجتمع لندن الشاهد والمناسبة / المشاهد كثيرة وايضاً المناسبات لهذ االخط العريق كنت احسبه خط قرينتش اول ماوصلنا لكن علمن ابو حسين اشوى نبدأ وكالعاده كان الجو غائماً وممطراً خفيف  نزلنا تحت ننتظر الباص واشوف المقبرة حقتهم خضراااء بس ودك تموت ستغفر الله  والمعبد مقبرة ومعبد واليوم الأثنين والعجيز رايحه تصلي الحين اللهم لك الحمد  قلنا بسرعه نمتسن القطار قبل يمشي  قلت لأبو حسين ابي الدورة قال القطار فيه بسرعه بس والله ونركب وفعلاً يجنن حمامهم يجنن تراه مهب انا اللي اقوله تراه اختي منى هذا زر السيفون  إذا بغيت تقفل الباب  الحمام وهو مفتوح الباب  وأنا بالجوال  وصلنا وقالت ابو حسين دقايق بس كلنا نصور هالكتكوته الحلوة   ياحنيزه مربطة ومبسوطه وينه عن بزاريننا ان يطير عصافير قلبك  تعيش الضحكة غمضوا عااااد  والله من قولة حفظ الصورة باسم طلعنا برا .. وانا متحمس وعرفت للخرايط حقاتهم ودوشتهم وتحمست مع ابو حسين  وين نبي ؟ حديقة الحيوانات ZOO كلمة (ZOO) تعني حديقة الحيوانات عرفنا الطريق بسرعه هالمرة وركبنا بااااص طويل اللي بالوسط كأنه فيه فقرات ربل عشان ينعفط إذا لف زي باصات دبي  نبر قيني  كانت بجنبنا عشائلة تبي تروح لم الحديقة وحنا ماندل بالحيل ايقالنا ندل ابطينا نمشي شوي قامت مرة وسألت السواق نبي نروح لم زو ؟ قال نعم قلت لأبو حسين خلك وراااه هذا خيطنا للوصول اشوى وصلنا بالسلامه  مدخل رائع  نهر فيه سفن للتمشي  لعيونكم  اها  ماقدر اقول شي بكل جخر ابو حسين  كل مكان فيه خريطة شغل عدل you are here  الدعوا زحمه (لكن وناسه)  تذكرت حديقة الحيوانات حقت عنيزة كنت طفل وادخل مع الحريم وكانت زحمه الحديقة والوناسه آنا ذاك والحين تكررت مع فارق التوقيت واقالوا لنا للعوائل فقط ولا ممنوع دخول الكبارين ولا جيبوا اهلكم معكم هات باوندك وادخل  يعيش الإنتاج  يعيش الترزز  دخلنا الحديقة وعطونا خريطة للحديقة ومواقيت العروض والحركات ولكن لازم ابو حسين يسأل يحب العجز سبحان الله  كانت حديقة الحيوانات كبيرة جداً وفيها جميع الأصناف من الطيور والحيوانات وأعتقد ان أغلب الدول .. لديهم هذه الطاقة إلا .. ربعنا  والغريب . مثل ماشفتوا في تقرير أخوي (مهندس بريدة ) في تقريره لألمانيا ومن حديقة الحيوانات .. جاب صور عن (إطعام القردة والحيوانات) أكل أحسن من أكل البشر وهذا بالفعل مايجعل الحيوانات تعيش فالأكل وافر ومناسب لهم طبعاً بعض الحيوانات ما اعرفهم ابو حسين يعلمن ويكلك علي وانا ابكتب لكم وش هو قال عاد (خذ وخل تراي ازوده دايم) هذا قراض النمل  ابو حسين يويق بالمجهر وهو مخصص (للمعوقين اللي يجلسون بكراسي والأطفال) ادري ان ابو حسين يبي ينزلي فضيحه  وحيد المعنى أقصد وحيد القرن  وصلنا لمفرق طريق رائع  قال ابو حسين ابصورك  تلزم خاطرة هذي  انا وزحل شفنا حيوانات صغيرة تلعب قلنا لهم عيب  اشوى تأدبوا يدورون اللي يصوت  دخلنا إلى مكان غريب رطوبه عالية وكأن الجو ممطر وهم مسوين الحركة للحيوانات هذه لتواكب طبيعتها هذا الكسلان  والكثير من الحيوانات لكن الكاميرا يجيها بخار او رطوبه فماصورنا واجد طلعنا لأحد المحلات عشان ناكل شي على الطاير هذا السكوير  المطعم .. ابو حسين بلع لاعبن علي يعيش الإنتاج التفخ  الآن وصلنا إلى المكان الذي يتكاثر فيه (خط البلدة) سناجب صغار مادري وش اسمهن حاطين لهن بيوت ومسوين حركات حلوة عشان تعيش مثلهن كان المكان مخصص للأطفال يزحفون ويدخلون ويلعبون لكني قلت لأبو حسين اليوم ولا بعده خلنا بزارين اليوم اهم شي الوناسة انا  جاري الحبيان بدون خط البلدة ابشركم  هذا احد منافذ الجخورة عشان تشاهد الحيوانات عن قرب  ماش حاولت بأبو حسين الدخول وأخيراً اقتنع  منعطف الطريق  العالم تحبي  جاك الوحش  تنسيم العالم مفرق طرق ورايح جاي  اخيراً طلعنا بعد الأستمتاع والوناسة وبعض الصورة المشفرة تتكاثر في هذه المواطن بنوته صغينونه مستغربة من الماء وشلون ياقف ويطلع  اهرب  وصلنا للساحه حقتنا مصرفينهم ينظفون  خرفان وتيوس ووناسة تيس بريطاني  شي غريب الخروف بعد ماتلمسه حاطين لك صابون وتعقيم وماء اما الخنزير والكلب ماحطو شي إذا لمستهم ؟ وش هالنكسه ؟  الخنازير اعزكم الله  إهداء لكل أعضاء بريدة ستي  ساحة الغورلا (اللي ماعمره شافه ابو حسين)  اغلب صور أبو حسين (غورلا والجسر الكبير)  فسقان  قروده وحركات شريت حلاو احسبي بالزاجل هههههههه وبديت اعطي القروده يوم بدت العالم تتجمع علي صار عندي عدد سكاني مهول مستغربين وانا رايح فيها كلن يناظرن ابو حسين نغر ولا صورن شوي جت لمنا الموضفه تمشي مليون قالت منفضلك لاتعطي الحيوانات شي لأنهن شبعانات ونخاف يمرضن قلت اوووووووووووووووووووووووووووووووووووووووكي امسك الباب  القرد البهلواااان هو يلهوا دائماً ساحت البطاريق انواع التدليع لكن مابه احد  هذا ملك الغاب..اوووااا الأسد المهاب .. لالااااااا مفترس ورهيب..اووواااا وقوي الأسنان..لالااااا انظروا هناك انه فتاك  بس بريطاني  إهداء مني إلى متابعين موضوعي  هذي الصورة لأبو حسين يهديها من يشاء  والله من نسخ الصورة الله يعين على الشرشحه  لتؤم روحي  ابو حسين يبيع تفيخات صفقوله هههههههههههههه  انا والدب  ابو حسين  وحنا طالعين شفنا كلب محجور بسيارة ابو حسين ماصدق خبر يطلع حرته بالكلب  قلتله خل افتح الباب اوريك اخذت منا الحديقة 5 ساعات دون توقف إلا لعشر دقائق للأكل فقط ولم نحس بالوقت من الوناسه بعد ماتغدينا منه مهبولنا صب واي دخلنا محل يبيع أقمشة غريبة الصور والرسومات ثم ذهبنا .. حديقة الهايد بارك الكبيرة وفيها مكان يسمى الركن  فيه مناظرات عن الدينات سب من تشاء اشتم يعني اغلبها خرابيط وتضييع وقت لكن شدني في الحقيقة مشهدين الأول مناظرية بين الإسلام والنصرانية وكان المتناظرين فوق المنصة وكان المسلم يمد له (ترجمه للمصحف الشريف) يريده ان يجد تعارض او خلل وفرقه عن الكتب الأخرى السماوية ولكنه لم يقبل وصاح الناس  هنا للأسف اعلنت كاميرتي إفلاس البطارية  المشهد الآخر سياسي على ما أضن وكان طفل صغير . يتكلم ويعارض الكبار واعتقد ان ابو حسين لديه الكثير في جعبته تجاه الطفل فهو لم يبتعد عنه ابداً المهم دخلنا الحديقة  اليوم كل مشي في مشي ولم نستطع دوران ولا جزء من الحديقة ولكن رحنا لأشهر اللألعاب في القارب  هااي  كانت الحديقة مليئة (بالعرب) بشكل ملحوظ مثل العبايات والنقابات (وايضاً رمي الحجاب لدينا) واضحات اشكالهن الشين شين لو حط كل ماله والزين زين لو قام من مامه  زلاجات .. حركات وهذولا من ربعنا عند الحمام   القارب الأزرق للرومنسيين واللي معهم وشسمه  وهذا القراب لأشكالنا  اوجعتن ايدين من التجديف ولاعبن علي ابو حسين  يقول جدف ابصور  شفنا بط ورحنا نخرب عليهم  رحنا وصلينا بالحديقة بعد ما استانسنا وجلسنا نخطط للحديقة الكذبية حديقة السناجب  المظاهرات في هذا المكان كثيرة ولكنهم حاجرينهم بمكان ضيق ويجلسون مايقومون والشرطة كثارين .. والباصات جاهزة للي يبي يحارشون فقط اسم حرية الرأي  تماثيل مادري وش معناته   حركتات  تقليد اعمى يزمر  بعدها رحنا لم ساحت الإعلانات الكبيرة إشارة الإعلانات كأنه بالنهار من الأنوار  انا يوم صورة جيت ابجلس على جال النافورة اللي وراي  لكني ارجعت قوة وطعت بالساقي حق النافورة وبغا ينكسر عصي والحمد لله مافيه ماء ولا كان علوووووووووووووووم اخياراً انتهت رحلتنا لهذا اليوم على أمل اللقاء بكم غداً إن شاء الله والسلام عليكم ورحمة الله باي احبابي قبل انسى هذي اخذ الصورة ابو حسين للمكينة في محطة القطارات  آآآآآهــ ياقلبي فلاش مورمري تباع بمكاين ببس  محبكم/أبو فهد أبو حسين
__________________
آخر من قام بالتعديل المستشار; بتاريخ 18-04-2009 الساعة 09:43 AM. السبب: صور نساء .. |
|
|
|
17-04-2009, 10:48 PM
|
#12 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
الظابط
تراااا الدعوا مزح انت وشكلك هه والله الموضوع كله اقلاع لاتاخذ شي بمحمل الجد يالبي شيكرن خلك ميانه هع
__________________
|
|
|
|
18-04-2009, 08:42 PM
|
#13 |
|
هوية صامتة
تاريخ التسجيل: May 2003
البلد: Buraydah City
المشاركات: 12,458
|
 هههههههههههههه يالعصل كل ماشفت صورة هالبنت بتلت أضحك.. قسم بالله إنه أطلق صورة بالموضوع كله.. وكل ماشفت توقيعك تذكرت هالخشة ..ياحرامية وش أنتم مسوين له علشان تسوي كذا ..إقلاااااااااااع هالصورة وما أتوقع تجي صورة أحسن منه  ..
__________________
|
|
|
|
15-04-2009, 01:32 AM
|
#14 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
ابو فارس غيّر توقيعك لاتجيك الرسايل تقولك
يمكن مسلم ماتحبه ادعله ههههههه اكيد جتك كب رسايل هع
__________________
آخر من قام بالتعديل المنخرش; بتاريخ 15-04-2009 الساعة 02:14 AM. |
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتشعب
