[مدحت شوقي بريده]

اقتباس المشاركة الأساسية كتبها . الأمــــل . الله يخلي لكم جدتكم موضي ويازين اسمها والله ان سواليفك توسع الصدر الله يوسع صدرك بالايمان وطاعة الرحمن ما نلقى عندكم علك ستيف وبالعود ملون وحلاو طحينيه اذا عندكم وصلوا ونرسل الفلوس مع ابو اذان هههههههههههههههه

الأمل ..

منهوا ابو إذان فرقعين جدي ..
او قصدك هذا اللي حاطن ايديه بإذانه يبي يأذن ..


اما اسم موضي زيييييييييييييييييين .. يبلغ إن شاءالله ..


وشكراً على مرورك الكريم ..

سي يو ..

اقتباس المشاركة الأساسية كتبها v.i.p مدحت شوقي بريدة والله ابداع وشغل ............... لي طلب وقل تم ..؟.؟.؟. أبغاكـ تكتب قصة عن النوادي الصيفية .؟.؟.. تكفى لا ترد طلبي .؟.؟..؟.؟.؟.؟.؟.؟.؟

[/CENTER]

في آي بي ..

ياحبيلك انت يابعد معاليق حواجب جدتي موضي المتدودلاات ..

ابشر يالبي .. من عيوني تآمر آمر ..

بس بشرط .. يخلون جدتي موضي تزورهم ..
ويسكرون المقصف .. ويحطون له ركن لبسطته ..

ومشكور يالبي ..

سي يو ..

.

[اخو دريحم]

مدحت شوقي بريدة

اقتباس التواجر .. عيال نورة السليمان حمولة هيلة بنتي .. اربعين وسبعة همن خمسطعش ..

يكفي هذا التقييد ...!!

ماشاء الله عليك اسلوب رائع وشيق

لا يبي بعد يسوي رجيم . أولا اغلاق البسطه

[مدحت شوقي بريده]

اقتباس المشاركة الأساسية كتبها اخو دريحم مدحت شوقي بريدة يكفي هذا التقييد ...!! ماشاء الله عليك اسلوب رائع وشيق لا يبي بعد يسوي رجيم . أولا اغلاق البسطه

هلا بالبي اخو دريحم ..

يالبي احمد ربك انه ماتقيد عليك ..
كان اذا حسبتهن انت يطلعن اربع ملاااايين ..
وهن كلهن خمس طعش على حد قولها ..
اربعة وثلاثة وستة وخمسة وثلاثـطعش .. 436518

ومشكور يالبي .. ويابعد معاليق شعر إبط نملة جدتي موضي ..

سي يو ..

[السمو]

أبو إبراهيم سلملي على جدتك موضي سلام كثير

السطرين الأخيرين ليس لهما لازمة فالمقال واضح جداً ، شكراً لك .

[مدحت شوقي بريده]

اقتباس المشاركة الأساسية كتبها السمو أبو إبراهيم سلملي على جدتك موضي سلام كثير السطرين الأخيرين ليس لهما لازمة فالمقال واضح جداً ، شكراً لك .

السمو ..

سم يالبي .. ابقوله السمو يسلم عليتس ..
بس يالبي تبي تحسبك سليمان ولد عمتي هيا ..
لإن عمتي تدلعوه ( السمو ) والسلمي .. واذا زعلت قالت يالسلم ..



تصدق عاد يالبي مابغيت اكتب السطرين اللي حدر ..
بس تعرف يالبي .. بعض الناس كود تشرح لوه شرح ..
ويمكن تجيب سبورة معك .. ويالله يالله يفهم ..

تحسب الناس مثلك .. تف ماشاء الله لااله الا الله ..
مخ وشوية آدمي ..
<<((== والله ويلحطوه بعين ..
ماعليك يالبي اذا شفتن اشرب بيالتي .. وتلذذ بسعابيلي علشان تروح العين ..


سلااااااام يالبي ..


سي يو ..

[الـدعساوي]

هههههههههههههههههه

هذا وانا اقرأ الموضوع

اما النسبة للموضوع ابوابراهيم منب قايلك انك منتب سهل

ياليت اصير مثلك تسان اقصص قصص بجدتي حصة لكن العجز حووول بعض اللي تقوله به منة جدتي حصة

بس بعض الناس مب يحقر مسمينه جيان موضي

لايسمعونك جيان ويضمونه محاسبة لهم تسان تشوف جدتك ماحد يمر عليه من الصجه واللجه

بس ياحول ياجدتك موضي محسنه وتبي الخير وتبي ترفع نفسه بس الناس ماتعطي من خيره

الا اقووووول حب راس جدتك موضي لي لانه تستاهل خلتنا نظحك ونستانس

وقله ان تشان عندتس علك ستيف تسان اجي للرياض سيدا علشانه

ياروحي ياعلك ستيف

[مدحت شوقي بريده]

اقتباس المشاركة الأساسية كتبها الدعساوي608 هههههههههههههههههه هذا وانا اقرأ الموضوع اما النسبة للموضوع ابوابراهيم منب قايلك انك منتب سهل ياليت اصير مثلك تسان اقصص قصص بجدتي حصة لكن العجز حووول بعض اللي تقوله به منة جدتي حصة بس بعض الناس مب يحقر مسمينه جيان موضي لايسمعونك جيان ويضمونه محاسبة لهم تسان تشوف جدتك ماحد يمر عليه من الصجه واللجه بس ياحول ياجدتك موضي محسنه وتبي الخير وتبي ترفع نفسه بس الناس ماتعطي من خيره الا اقووووول حب راس جدتك موضي لي لانه تستاهل خلتنا نظحك ونستانس وقله ان تشان عندتس علك ستيف تسان اجي للرياض سيدا علشانه ياروحي ياعلك ستيف

الدعساوي ..

اعلمك بعد والله ياإسمك انه فله .. توصيف مصرية .. ( الدعس اوي ) يعني ادعس قوة ..


يالبي جدتي موضي كل مامرينا من عند جيان قعدت تصيح ..
تقول يعني لو أنا مطيعتن ابو علي .. تسان بدال اسم ( جيان ) حاطين ( موضي )


بعدين يالبي ترى امي ماتبيع علووووووووك ..
تقول حرااام لأنهن من الملهيات .. ولإن الواحد اذا قعد يعلك مايقدر يسبح ويهلل ..
يالبي الايمانيات عند العجز ضاربتن ضرب ..

ومشكور يالبي ..

سي يو

..

[مدحت شوقي عنيزة]

هلا مدحت بريدة وشاخبارك
اسلوب منتاز جدا ووصلت بنا لهدف واضح
ممكن تسلملي على جدتك موضي تراي احب العجز لا يروح بالك لشي شين حب في الله

[مدحت شوقي بريده]

اقتباس المشاركة الأساسية كتبها مدحت شوقي عنيزة هلا مدحت بريدة وشاخبارك اسلوب منتاز جدا ووصلت بنا لهدف واضح ممكن تسلملي على جدتك موضي تراي احب العجز لا يروح بالك لشي شين حب في الله

مدحت شوقي عنيزة ..

ياخي والله اني كل ماشفتك ابلش ..
ماأدري انا اي واحد منا ..

اشوف اسمك همن اشوفن .. ولااعرفن .. همن اقعد اتمقلن الين اعرفن ..
اشوف بريدة تبلص وأنادين .. هاأنا هاأنا لقد وجدتن لقد وجدتن ..



وترى يالبي جدتي موضي تحب عنيزة ..
والله ياهي تدوووخ على كراثهم ..
ودك تشوفه وهي تآكل الكراث .. تحلف انه تاكل قاااااااااات من زود الوناسة ..

سلااام يالبي ..

سي يو ..

[السبيعي]

قال تعالى : (مايلفظ من قول إلا لديه رقيب عتيـد) .

وقال صلى الله عليه وسلم : (إن الرجل ليتحدث بالحديث ما يريد به سوءا إلا ليضحك به القوم يهوي به أبعد من السماء) .

[مستكة]

اقتباس المشاركة الأساسية كتبها السبيعي قال تعالى : (مايلفظ من قول إلا لديه رقيب عتيـد) . وقال صلى الله عليه وسلم : (إن الرجل ليتحدث بالحديث ما يريد به سوءا إلا ليضحك به القوم يهوي به أبعد من السماء) .

الله يجعلك بالجنة ويغفرلك ..
قال تعالى ((مايلفظ من قول إلا لديه رقيب عتيـد )) الآية 18 من سورة ق

نبي نصحح الأية يابعدي أنت

بمان الله

.

[ابوالمجدد]

رائع ... جزيت خيرا

[إكسير]

مرحبا بالرجل الطيب المبارك , , , أبدعت في إيصال المقصود , , ,


ورحم الله جداتنا . . فهـن البركة , , ,

[مدحت شوقي بريده]

اقتباس المشاركة الأساسية كتبها ابوالمجدد رائع ... جزيت خيرا

هلا بالبي ابو المجدد ..

حضورك شرف افتخر فيه ..

سي يو ..

اقتباس المشاركة الأساسية كتبها إكسير مرحبا بالرجل الطيب المبارك , , , أبدعت في إيصال المقصود , , , ورحم الله جداتنا . . فهـن البركة , , ,

اكسير ..

مرحبا بك الف يابعدي ..
اجل ابدعت في ايصال المطلوب ..
واحبيلك بس .. ترى عندنا توصيل للمنازل بعد ..

والله يرحم جدك رولا تراه رفيقة جدتي موضي ..
مايشتري من جدتي فازلين الا هي .. تعرف يالبي منول الحريم مايتدهنن ..
وهالرولا هي اللي بالحارة اتدهن .. يسمونه رولا تبلص ..

ومن هنا نشئت فكرة اسم شامبوا بلص .. لأن اللي يسبح بشمبوا بلص يقعد يومين وهو يبلص ويلق ..
يلق <<((== هذا يماني يقول يصج ويلج ..
وسلاااام يالبي ..

سي يو ..