|
|
|
|
08-04-2009, 11:31 PM | #1 | |||||||||||||||||||
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
هلا بالعيااااااااااااااااااااااااااال
ياسلام على الردود الرائعة لكن ابشركم لاحزن لن تراعو لن تراعو ابشركم لقينا حل انا وأم فهد بالنسبة للرحلة اللتي ستدوم اربع ايام في لندن وعلى فكرة هذي الإجازة .. سأذكرها باختصار اسمها إجازة (الإيستر) تعطى للمعاهد يومين فقط يوم الجمعه ويوم الأثنين اما السبت والأحد فهي بالأصل إجازة يعني صارت الإجازة الجمعه والسبت والأحد والأثنين وسوف نقصد لندن بإذن الله اما إجازة (الجامعات) فهي تقريباً شهر كامل واكثر الشباب يدكونه للسعودية او لبلادهم المهم وصلنا لحل انا وام العيال الله لايخلينا منها وهو اني اخذ الاب توب معي وايضاً أسفيد منه اني انزل الصور بالاتب توب كل يوم عشان ماتنتلي همن اقعد به وأبحاول قدر المستطاع اني .. أنزل التقارير بنفس اليوم شكلنا نبي نتناوب انا وابو حسين عليكم تعرفونن مانب راعي تصوير انا ياحول لو ما اصور مادخل الصباخ موضوعي على فكرة تدرون ان الصباخ (انقل مروحه) ==>> الأنقل هذي شراب الكورة (مروحه) اي كريهة الرائحه كأن يكون فيها عرق الرجلين وما إلا ذلك الصباخ يقول انا مانب اقرا بس اشوف لصور واشوفه يقتبس كلامي ويرد عليه هههههههههههه كلاك ابو سكسوكه انا اتمنى الصباخ يعرس على (بنت) همن يروح سياحه لماليزيا وشيك على بياض ودي اشوف وش يبي يزين الله يعين ابقعد ارد عليكم تراه عندي تقرير ارد ولا اكتب التقرير ؟ اجل ابرد على اللي يلفت الأنتباه المستشار قل امين الله يجلعك ماتلقى علاجك إلا عند لينا ستغفر الله اعنبوبليسك اجي لبريدة واحظر عندك تقرير يومي بس رجعن الحين انا اللي استانس بالموضوع مهب انتم ادري بعضكم يقول وااااااااوك والله ياهو فاضي كيف له خلق رايح يدرس ولا يكتب تقارير لكن كل المسأله ماتاخذ ولا ساعه بالكثير كل شي جاهز عندي وانا مبسوط بولوهي والله ركبت بسره وصورت الحريقة مامدان شكلك تبي اهداء للرجلين ابشررررررررررر الخفاش هلا بيك داري انك الأول بس عناد مانب رادن عليك إلا الأخير هذا سلمك الله مسكته وقريت باذنه وكلت عيب كرشتك تتدودل عند خلق الله الحين لو اقولك اطلع للشارع مصلوخ تطلع ؟ قال ايه ===>>> رقع عاد قلت مايصلح اهاا بس عيب وتستر عاد ابشركم اموره زيره الحين (اطب) ==>>> شفه ذي ماعليكم منها الذيب انا ابركب انا وابو حسين عشان نشوف منهو اللي خوف صدق بالنسبة للرحلة هذي سياحه اربع ايام والله جاااي استانس ( الواثق ) هلا قليبي ههههههههههههههههه ايحبيلك والله اشتقنا للحجر العصري الشكوى لله خله على ربك يارجال انا مادريت اني رحت قمت لقيت نفسي عند لينا ياحبيلك المعذرة ياقلبي وطب معنا ولاتنسانا من الدعااااااااء بولوهي تنسيم وش هالكيلام اعنبوبليسك حست الغة عليهم ارفق شوي شوي والله يالقرمر راح دهنه على الأقل خلك بالصغار قل آي لافيو الأجواء عندنا له ثلاث ايام مطر مليت من الأمطاااار قسم بالله اما الجو معديه كريري دائماً غائم جزئياً MEHWAR هههههههههه لالا انا رصيته رصه كل شوي اقوله قولي انا دبشة همن اموووت من الضحك وهي حمقتن علي قولي انا مادري وش السالفه فارس الفرات غمض اول عشان اجاوب روحتنا دراسه اصبااخ كلاك انت ووجهك والله لا أخل كيت تعيرك وانزل المقطع للشباب قلت تحداك اجل مانتب تقرا التقرير
مهب يقرا القرق بالنسبة لصور الحريم والله وش يبي يفكن من المستشار هين ابو مهند بكيفه لكن لو لانزل اي شي تشوف الرسائل الخاصة والجوال واهلي يتصلون ومكالمات حتى ذاك اليوم طقت علي لينا الباب وقالت المستشار يبيك بالتلفون رحت واثره هو يقولي امسح الصور شلق عاد انا احسبه يبي يعقل إذا أعرس الرجال زااااد هههههههههههههه ياحبيله شف شغلك معه يالصباخ وابشر باللي يرضيك على فكرة تراه الصور والكلام اللي عليه العلم بمكان ثاني ههههههه أسأل العيال وينه يعلمونك بس لاتقول لأحد جريــــح1 هلا بيك يالله شغل اللجامبو ياحبيلكم جايك بالرد القادم لتقرير لهذا اليوم لكن بدون صور محبكم/أبو فهد
__________________
|
|||||||||||||||||||
09-04-2009, 12:34 AM | #2 |
عـضـو
تاريخ التسجيل: Aug 2007
البلد: حَيثُ أكُونْ .. !
المشاركات: 7,119
|
,,
__________________
http://www.buraydahcity.net/vb/member.php?u=25706 فَقْدُكَ مُوْجِعٌ يَ طيّب القلب : ( ! غفر لك يـ عبدالرحمن وأسكنك فسيح جناته .. : ) |
09-04-2009, 01:00 AM | #3 | |||||||||||||||||||
عـضـو
تاريخ التسجيل: Sep 2007
البلد: ^$^في بريدة الحنونه^$^
المشاركات: 753
|
..... .....
__________________
وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا (36)
|
|||||||||||||||||||
09-04-2009, 01:08 AM | #4 |
عـضـو
تاريخ التسجيل: Dec 2008
البلد: buraidah"
المشاركات: 483
|
متابع بصمت ....
بانتطارك .,., |
09-04-2009, 05:05 AM | #5 |
عـضـو
تاريخ التسجيل: Feb 2008
البلد: بقلب حبــــي B
المشاركات: 1,456
|
ههههههه والله فله ’’’
جب معك كيت > اظنه سذا متاااابعين
__________________
|
09-04-2009, 09:27 AM | #6 |
عضو اللجنة الإعلامية مـشـرف أفراح واحتفالات تاريخ التسجيل: Jul 2004
البلد: بريدة
المشاركات: 6,640
|
ههههههههههههه
الله يقلعك هبلت بهم هم ما يعرفون تسذا تقعد ساعة وبس مهب تمرح عندهم ما يصلح بأحترائك الأجازة الرباعية وش رايك بالأسم بايات |
09-04-2009, 10:04 AM | #7 |
عـضـو
تاريخ التسجيل: Mar 2009
البلد: boridah
المشاركات: 1,708
|
حركات ابو فهد
|
09-04-2009, 11:29 AM | #8 |
عـضـو
تاريخ التسجيل: Nov 2008
البلد: الــريــاض
المشاركات: 3,998
|
متابعين يا خرشهم أنت ..
__________________
|
09-04-2009, 11:45 AM | #9 |
عضو اللجنة الإعلامية مـشـرف أفراح واحتفالات تاريخ التسجيل: Jul 2004
البلد: بريدة
المشاركات: 6,640
|
400
كفو يالتفاعل هذا الموضوع ولا بلاش |
09-04-2009, 06:02 PM | #10 | ||||||||||||||||||||||||||||||||||||||
هوية صامتة
تاريخ التسجيل: May 2003
البلد: Buraydah City
المشاركات: 12,458
|
.. تصدق يالعصل إن هالتقرير اللي قبل شوي هماه مافيه صور ماقريته .. أنت هماه قرقك واجد وتكثّر هرج.. وأنا مايهمن قرقك لأنه راسي ممتلي من قرقك.. وبطبيعة الحال أنت تتسذب في كثير من الأحيان .. علشان كذا أنا مطنشن كلامك وساحبن عليه السيفون وجالسن أتفرج على الصور وعلى رجولك الطوال اللي تقل عواميد كهرب ..
يللا نزّل ملف فديو تعيرن فيه .. أتحداك يالعصل.. ماتقدر .. بعدين بالنسبة لصور الحريم ياخي أنا أقولك نبي نغض البصر ماعليك من المستشار هذا إنسان متشدد بالدين .. قلت لك اعتبرنا مسافرين معك وكلنا نغض البصر .. مثل ما أنت تغض البصر أنا أغض البصر والجميع يغضون البصر .. وإلا وش رأيك؟؟ أما المستشار هالمتشدد ماعليك منه هذا خله علي.. شرط لأخيه يشترط عليك بالمرة الجاية إنك تحط صور حريم مصاليخ .. بخليه تهج به هج الدعوى .. أما الصور اللي عليه العلم أنا ماعرف أحد.. ماعرفك إلا أنت.. أبيك أنت تعلمن .. يللا سلام يالعصل ونشوفك على خير.. وكثّر الصور الله لا يهينك.. ولا تقرق واجد ..
__________________
|
||||||||||||||||||||||||||||||||||||||
09-04-2009, 11:53 AM | #11 |
عـضـو
تاريخ التسجيل: Sep 2008
البلد: ●● ../
المشاركات: 3,391
|
ماشاء الله رائـــــــــع متابعين اكمل يارعاك الله اختك/حناني~
__________________
. . . فز فز قبل الندم والفوت يا مغرور الأجـــل لا حصل خانتك أعــذارك وانشغل بحالك و لا تكشف على مستور والأهم قبل المهم إن حارت أفكــارك اللهم اني اسالك هين الميته وحسن الخاتمه اللهم امييين ص1
|
14-04-2009, 08:02 PM | #12 |
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
السلام عليكم ورحمة الله
كيف الحال يا شنبات أعتذر عن التأخير لكن ماباليد حيلة .. غصبن علي لكن إن شاء الله ابو حسين يبي يساعدني برضه على التقرير لأنه متعب شوي إن شاء الله التقرير يبي يعجبكم وبما .. أنه الصور ورفعها يأخذ وقت (وأنا لدي أولويات هنا) فأنا .. أكتب التقارير وارفع الصور فقط في أوقات الفراغ .. أقصد بالفراغ التااام لأني أونس روحي معاكم ونستانس جميع وعلى هذا سوف يتم تنزيل كل يوم تقرير واحد فقط .. إن شاء الله وسوف أحاول وإن تأخرت فأعذروني ماعلينا نبــداء .. بسم الله في إجازة الأيستر كما أخبرتكم ذهبت أنا وأبوحسين إلى لندن ولكن قبل ذلك .. حصلت بعض الأحداث الصغيرة يقطن حبيب البي ابو حسين في (برايتون) تبعد عن لندن 55 دقيقه في القطار وانا .. كان تفكيري أني أبأخذ باص اكسبرس واروح لم لندن وارجع لم برايتون والعكس لكن .. مالله أراد .. وإذا ما أراد الله شي فهو خيره لي إن شاء الله وصلت لمحطة الباصات قبل الموعد بنصف ساعه بالضبط جلست 20 دقيقه انتظر لما باقي 10 دقائق قلت ابروح اتسوق واتلهى لين يجي الباص وكان مركز (ASDA) فوقي تماماً (يعني السوبر ماركت تطل على الباص) رحت لكن لما بغيت احاسب صار فيه سرا طويل واضطريت اني امسك السرا والوقت يداهمني لما باقي دقيقه واحدة فقك .. خلصت محاسب وانطلقت اركض للباص (علماً انني أشوفه ينتظر) لسوء الحظ (كانت البوابة اللي دخلت معاها قبل 10 دقائق) أغلقت فاضطريت اروح للبوابة الثانية لعل الباص مشى وانا أشوف امامي لاحول ولاقوة إلا بالله واروح لم القطار وهو قريب جداً 100 متر بيني وبينه رحت وشفت أحد الشباب .. وساعدني جزاه الله خير وقصيت تكت من بورمث إلى برايتون (نفس مدينة ابو حسين) والحمد لله وصلت واتصلت على الشيخ ابو حسين واسمع أزاااعج عنده (عاد هو يقول انها حفلة) عاد انا مادري .. أدخل على الله انا أخبر ابو حسين يصور كل شي مادري وراه ماصور بالحفلة قلتله أجيك للحفلة قال صعبة ماتدل وهي خاصة بالطلاب خلاص انا ابطلع من الحفلة واجيك قلت خلاص واركب تاكسي واقوله على عنوان ابو حسين لكنه حلتني في ديرة بعيدة وقفت عند محطة بنزين لما جيت اتصل على ابو حسين خلص رصيد جوالي والشاحن حقي يبي يخلص رحت لبقالة المحطة قال ماعندي شحن جوالك والله البلشة اخيراً اخذت جواله جزاو الله خير وعطاه العنوان والحمد لله اخذت تاكسي ووصلنا ابو حسين .. ورحنا للبيت .. وأخذنا في نوم عميق لأنه في الغد .. يوم حافل ينتظرنا صحينا الساعه 9 على ما أضن وافتح الشنطة .. ادور لي لبس يواجه لندن قلت لأبو حسين أبخربه ابصير رسمي مرة وحده طبعاً الفكرة ماستوعبها ابو حسين الله ولبس لك ذاك الجكيت الأسود واطق الكرفتا مع اني بغيت اموت يوم لبسه قالي أبو حسين (مهب وقت انتحار الحين خلنا نمشي) وازبطه ونحرك حصلت مشكلة أخرى ذاكرت كاميرتي نسيتها في بيت لينا مالحل؟ قال ابو حسين قوه نشتري فيه محل قريب رحنا نشتري ذاكرة 2 قيقا 100 ريال غالية والله عندهم الشي ادبله 5 مرات بالنسبة للصور صوري في كاميرتي مكتوب عليها في الأسفل(abofahad) اما صور ابو حسين (abohsen) حيلو حريف شراء ابو حسين من سوء الحظ أيضا .. أنه كان الجو ممطراً على طول امطار .. وها عائق كبير لنا تخيلوا هذي عندنا محل قص تذاكر القطار إلى لندن (لندن فاكتوريا) انتظر بليز المظاهرات عندهم زي سلام عليكم والقصص عنها بالطريق وكل شي بقته حلو وصلنا الأستيشن وشرينا أرنوب .. قلنا نصور معه ابو حسين يكلم ماعنده وقت وصور وهو يكلم هي كرفتتي ياعندهم بزارين يطيرون العقل ماشاء الله انتاج صح .. مادري وش يبذرون ولا وش ياكلون يبيلنا ننطل حداهن ونحلتهن بأحد حواري بريدة .. عله يحسن الأنتاج في المستقبل ابو حسين داااااااااااااااااخلن عرض وهو يكلم بعد الرجل بدون مكينه بغت تفوتنا الرحلة كله من الأرنب بالنسبة من (برايتون إلى لندن .. الرحلات كل نصف ساعه يمشي قطار) مافيه مشكلة المهم هذي صالة الستيشن رحنا لم بقالة نخدش قبل الرحلة شوفوالتوكس والسنكرس وشلون طوله ملعوب علينا ياعندهم حلويات رووووووعه ابوووووووووووو حسين فاتنا القطاااار باقي شوي الحق دوووووووووووووووووووووووووووووووووس الحمد لله وصلنا .. قبل يمشي جوا القطار جلسنا ومن الصدفه صار واحد راكب معنا مكثرن الشرااااااااااب رايح فيها .. يغني ويطقطق والكل يناظره ويضحك عليه ماعنده وقت انا اخبر اللي يسكرون فقط بالليل وش جاب هذا وصلنا لندن . وكان هناك زحمه فضيعه مع انه كااان امطار لو ابحذف الصور .. اوالصق كان اختفت الصورة ولكني قللت الوضوح كي يبين الزحام فقط هنا ايضاً الرحلة متعه ولكن اللي ضيعنا شوي أمرين (دورات المياه أعزكم الله) والصلاة فليست هناك مساجد ولا اماكن للصلاة والأرض والحدائق كلها (ماااء من الأمطار) المهم هذي صور ابو حسين لاحظة كتابة التوقيع فيها عشان تميزون الدخول لدورات المياه بـ 30 بنس أقلمن الباوند يعني 100 بنس تساوي واحد باوند لكن لقينا طريقة .. ندخل ببلاش المرة الأولى دخلت انا بثلاثين بنس ومسكت الباب لأبو حسين ودخل هذا السلم الكهربائي فيه شي عجيب يقولك النظام إذا انت مو مستعجل الزم المسار الأيمن والمسار الأيسر للمستعجلين فقد عاد انا وأبو حسين صرنا مستعجلين ورقينا مع اللي يسار بسرعه ونزلنا بسرعه ( حق الوناسة بس) طلعنا للشارع والدنيا تلثق --------- قصة طريفة --------- لما طلعنا وشفنا الدنيا زحمه وامطار وخير ولكن مانعرف معنا خرايط لكن مانعرف من وين نبدأ انا طبعا شريت مظلة يعني شمسية (انبرلا) عشان ماتخرب شخصيتي من الماء وحنا نحوس وندوس قررنا نركب باص ولك وشلون؟ لازم تذاكر والتذاكر عند البقرة والبقرة تبغا حليب والحليب يبغى مطرة يامطرة هلي هلي على كريشة بنت اختي بنت اختي جابت ولد سمته عبد الصمد المهم قلنا وشلون .. قال الباص اشتري من (المكينه) مكينه زي مكينة البيبسي تدخل 3:80 باوند وتطلعلك تذكرة (ون دي) يوم كامل حنا مانعرفله جلسنا نفتش ونقرا ونناظر عاد تعرفونن انا شخصية .. بالكرفته ورزه ولا يدرون ان ما بالكرفته أحد ومعي المظلة واقرا إيقلي وابو حسين بوسط الباص جالس يسأله عن الأماكن (لأن الباص متوقف فاضي يعني) وانا منهمك أقرأ شوي وتطلع لي وحده من الشنبات جايه لمي من ورا شافت الشخصية من ورا واافتن من قدام يوم التفت كلها انصدمت هههههههههههههه قالت هذي تذكرتي توي قاصته وانا ابسافر بالقطار ولا احتاجها خذها استفد منها انت قلت شكراً .. واخذ التذكرة شوي وابو حسين ينغر ويجي بسرررررررررررررررعه يبي يشوف وش السالفة اعرفوا ان صاحب القطار للحين وهو يوصف لأبو حسين وهو تاركه الحين لو تروحون للمحطة تلقونه يوصف قال ابو حسين وانا وش حيتي شوي امر تجي شنبه ثانية وخويت شنبتي قالت وهذي التذكرة بعد ما احتاجها خذها قلنا شكراً وراحن بسرعه ابو حسين لحقهن لكني اشوى مسكته قلته هذولي تذاكر باص مهب تذاكر حفلات مثلكم هههههههههه ياحبيلك يابو حسين المهم . ونركب عاد من بكراً جلسنا ننتظر بنفس المكان لكن ماحد جاء يعطينا تذاكر -------- انتهت --------------- ----------- ملاحظة -------------- فيه قصص مشفرة .. وصور بعد بس ماتقدرون تشوفنها واللي وده يتفضل .. وش اسوي لكم عاد تلقون ابو حسين يشوف الصورة الحين دورولكم مفك من هنا ولا من هنا المهم ركبنا الباص على بركة الله للصباخ العربية للعود وش جابك هنا خابرك عند الشبعان دااخلن مع الخرايط شوفو البيبل وش كثرهم زحام شوارع لا النخيل بلازا ولا طقته اليابان يلاحقونن بكل جخر حتى العلم ماسلمت منه فرحين بالتصوير آخ ياكاميرت ابو فارس .. تعيش نايكون أعتقد مايحتاج اتكلم مادري انا اشوف السيارة ولا اشوف اللون دخلنا حديقة (الهايد بارك) وهي اكبر حديقة بالعالم انا يوم دخلته بتلت امشي توقعت اطلع على حديقة الملك خالد قطوعه انا بالحديقة وايا اصحابي ساعه للعبي وساعه لكتابي صورة تبيَن كبر الحديقة في الخريطة عاد تخيلها احتراااف وهذي صورته وهو يصور محترف ابو حسين الرسمي مشينا .. شوي وطلعنا لأن الحديقة بالمطر ماتنفع طلعنا على متحف مادري جنود ابو حسين يبي يتأكد ان الجندي مهب ساطره تطمن الحين وقالي صّور وش رايكم عااد هذي كما قيل انها نساء تم شنقهن لغدرهن (مجسمات فقط) عاد مادري هل هو صحيح او لا الأندر رودنق مادري وش يسمى القطار اللي يمشي من تحت الأرض .. عشان تخفيف الزحااام اي علامه تحمل هذا الشعار تعرف انه فيه نفق تحت للقطار وهي موجوده كثيرررررررر وصلنا أشهر معالم العالم نبذة عن (بيق بن) -------------------- * في عام 1844م قرر البرلمان أن المبني الجديد لمجلس البرلمان الذي كان في طور البناء يحتاج إلى رمز بارز له وتقرر بأن يكون برج وبعالية ساعة ، وتعهد السير بنجامين هول وزير الاشغال البريطاني بالاشراف على تنفيذ المشروع . * وفي عام 1851م تم وضع تصميم المشروع وإنجاز في عام 1854م ولم يكن على الاستعداد حتي عام 1859م * تعهد جورج ميورس المالك لـ whitechapel الجرس المسبك لصب وتصميم الجرس العملاق أستغرق أسبوعاً لتفتيت وتكسير أجراس قديمة لاستخدامها من جديد وأستخدم 3 أفران لصهر المعادن والقوالب العملاقة الساخنة واستغرق 30 دقيقة لملء القالب مع المعدن المنصهر و30 يوماً لترسيخ وليبرد المعدن ، وتم نقل الجرس لمبني البرلمان وتم فتح طرق وإيقاف حركة السير من أجل هذا الجرس حيث خصص له عربة لنقله يجرها 16 خيل . * وحول تسمية الساعة وفي 31 مايو من عام 1859م رن الجرس في لندن وعقد جلسة بالبرلمان لتحديد أسم مناسب لساعة الجرس العملاقة وادرجة اقتراحات كثيرة وأخيراً أتخذ لاسم لسبب واحد هو أن السير بنجامين هول ضخم الجسم، كانوا يطلقون عليه لقب بيج بن، وقد أُطلق اسمه تكريماً له على جرس الساعة الضخم وفي ما بعد ليشمل الساعة نفسها. * وزن الجرس 13 طن ------------------------------- تشتهر الساعة بدقتها المتناهية في قياس الوقت، وتعتبر دقاتها رمزاً للتوقيت العالمي عام 1924م بدأت دقات بيج بن تعلن الوقت عبر إذاعة الـ BBC يومياً. واعتاد كثير من الناس حول العالم أن يسمعوا دقاتها قبل نشرات أخبار الإذاعة البريطانية. ويبلغ عمر الساعة الآن حوالي قرن ونصف القرن، وبالنظر إلى عمرها الطويل تظل الساعة في حال جيدة، ويمكن أن تتعرض لعطل مفاجئ مرة كل حوالي سبع سنوات، ومعظم الحوادث التي تعرضت لها كانت بسيطة، سوى واحدة وقعت عام 1977م، حيث توقفت الساعة كلياً عن العمل واستغرق إصلاحها مدة أسبوع كامل. ويحرص فريق الصيانة طوال الوقت على إبقاء القطع التي تتشكل منها الساعة تماماً كما هي لقيمتها التاريخية، الأمر الذي ينتج عنه بعض الأعطال من فترة لأخرى، وبإمكان المسئولين استبدال الأجزاء الميكانيكية للساعة بأخرى جديدة، لكنهم لا يفعلون ذلك لكون الساعة جزءاً من التراث التاريخي لبريطانيا. فالساعة ليست رمز أو معلم فقط وإنما هي صفة واهتمام وثقافة الشعب البريطاني الذي يحترم الوقت ، فعلى الإنسان أن يحترم الوقت ولا يجعله يذهب سدى، لأن الوقت الذي يمضي لن يعود.. فالوقت من ذهب، علينا أن نستفيد منه في ما يعود علينا بالنفع وعدم إضاعته في ما يضر.. لنتعلم كيف نحافظ عليه وننظمه ونحترم مواعيدنا، كما بيّن لنا ديننا الحنيف أهمية الالتزام بالوقت وتعلم النظام والدقة والوفاء بالوعد منذ أكثر من أربعة عشر قرناً، قال الله سبحانه وتعالى: }وأوفوا بالعهد إن العهد كان مسؤولاً|.. فأحلى أوقاتنا هي التي ننتج فيها أعمالاً نافعة.. قال الشاعر: دقات قلب المرء قائلة له إن الحياة دقائق وثوان . احم تنسيم عين لندن وش رايكم مهب بس انا اللي لي عصاقيل عربة عين لندن كأنه صنم ولا يخليك تصور معه لين تحط واحد قروش قلت لبو حسين ابروح احط 1 بنس = هلله واحد ريال سعودي مايسوى شي انا ماودي يشوفه لكنه البنس يوم حلته بالسطل بتل يدور (وشافه الصنم) بغا يصطرن اجل يبين اعطيه ون باوند ههههههههههههههه مهبول شكله صور معه ابو حسين ببلاش شفتوا وشلون الوناسه ام الهكي يطق لايفوتكم اللي يطق بسطل ركبنا الباص نبي نروح نصلي هذا الباص قديم من عهد ام ابو حسين منيرة نبي نصلي الحين ولا لقينا مسجد إلا بعيد ومن باص لباص ونسأل ندور يالله لقينا مسجد .. حلقات قرآن وحركات وتعلمي اللغة العربية يوم طلعنا وينطلق ابو حسين لم المطعم المقابل للمسجد لأنهن بمبنى واحد بسم الله من وين نبت ابو حسين يمشي على الريحة راح وقالهم ابو حسين بكم البوفيه قالوا هذا زواج مجاناً عاد طلعنا انسدت نفسي انا من الكل يوم شفتهم المهم طلعنا لم الجسر الكبير جسـ London Bridge ـر كان هناك جسر في نهر التايمز منذ أكثر من 2000 سنة تم بناءه من قبل الرومان وهو عبارة عن جسر عائم من الألواح الخشبية مؤقتاً فوق صف من المراكب الراسية . وهناك قصة بعام 984م لأرملة ( التي كان يعتقد بأنها ساحرة – وكان السحرة والمشعوذون يتم إعدامهم من قبل الرومان ) وأبنها اقتيد إلى لندن وإلى مكان الجسر ولقوا مصرعهم هناك غارقا ولكن بأن الابن قد نجا ليعود بعد مرور السنين للانتقام . في عام1014م ، عندما عقد الدانمركيين والسكسونيون وأنضم إليهم عصابة من الفايكنكز من النرويج للإغارة على لندن أبان حكم الملك اولاف. و استطاعوا الإبحار ودخول نهر التايمز وتصدت لهم الحامية بلندن فوق الجسر وتكبدهم خسائر كبيرة ما دفعه للهرب ولكن تضرر الجسر مما أدي إلى انهياره وتم أعادة بنائه مره أخرى . في عام 1176م تم وضع أول حجر لبناء الجسر من الحديد والحجارة وتم الانتهاء من بناءة في عام 1209م حيث تم بنائه م أقواس حديدية وحجارة رومانية وأحتاج لـ 33عام وكان طوله 300 ياردة وعرضه 70 قدم وكان هناك جسر خشبي متحرك لسماح لمرور السفن وأغلاقة في وجه الغزاة وتم وضع مجاري مائية لإنتاج الطاقة الميكانيكية من المياه لطحن الحبوب ولضخ المياه إلى المدينة . ومرت بهذا الجسر أحداث كثيرة منها كارثة تحاشد الناس وموتم من الحرائق التي إجتاحة لندن في عام 1212م ، وتعليق رؤوس الخونة في عام 1304م . في عام 1577م شيد منزل nonesuch ليحل محل الجسر المتحرك ، ويمتد عبر الجسر مع نفق وطريق بمستوى الشارع . وفي عام 1623م أصاب الجسر حريق مما أدى إلى لتهمه بالكامل ، وفي عام 1657م تم إعادة بناء الجسر . وتم توسيع وتطوير مع مرور السنوات خلال الأعوام من 1657م حتي 1831م . في عام 1821م ، تم تعيين لجنة من قبل مجلس النواب للنظر في أحوال الجسر. الأقواس قد وقعت بها إضرار بالغة ، فتقرر لبناء جسر جديد. الخطط قدمت ورفضت. هذا الجسر سيتعين أن تكون مختلفة تماما عن السابق جسر لندن حيث كان القديمة للعربات والخيول. في عام 1824م جون ريني خطط و بناء جسر الى الغرب من الجسر القديم بنهر التايمز. يوم 15 يونيه 1825 ، وكان أول حجر وضعتها لندن ورئيس بلدية لندن ، جون قررات ، في حضور دوق يورك. وبعد ست سنوات ، ويليام الرابع والملكة اديلايد افتتح جسر لندن الجديد والقديم. في عام 1902م تم توسعة الجسر زيادة المسافة إلى 65 إقدام وممشى إلى 15 أقدام. في عام 1962 ، اكتشف أجزاء وأثار من الجسر القديم وتم وضع جزء منه في متحف للآثار وبيع جزء بالمزاد العلني . وفي عام 1968م تم أعادة أعمار للجسر حيث تم تفكيك القديم وتم تشييد الجسر الجديدة مكانة ولكن مع الاحتفاظ بالتصاميم والهندسة المعمارية السابقة وتم الإتتهاء الجسر عام 1971م . وازعجنا ابو حسين بالصور كل لحظة يصوره ملييت وهو يصور عاد هو يحطلك صوره حقات الجسر الله اعلم انهن 300 صور فقط للجسر محطة الباصات في خدمتكم قررنا الذهاب لى بيت الوحوش كآخر محطة لنا وركبنا على بركة الله هنا قضا حجر كامرتي بلشة يخلص شحنها بسرعه مادري ليش وصلنا بيت الوحوش لكن للأسف كانت مغلقة وقررنا العودة غداً و تكون اول محطة لنا لأننا نعشق الرعب مادري ليش غاااالية يمكن فيها شي كويس؟ بعدها رحنا للقطار ولسوء الحظ جلسوا بجنبنا (يابانيين) وكل الطريق وهم يلعبون بلاي ستيشن شكلهم توهم صانعينه ختاماً نشوفكم على خير.. وعذرونا على القصور ولاتنسون ابو حسين تراه عنده صور واجد لزمو عليه ينزلهن محبكم/ابو فهد ,,,,,,, دعوااااتم لي بالنجاح والتوفيق
__________________
آخر من قام بالتعديل المنخرش; بتاريخ 14-04-2009 الساعة 08:54 PM. |
14-04-2009, 11:42 PM | #13 |
عـضـو
تاريخ التسجيل: Sep 2007
البلد: ^$^في بريدة الحنونه^$^
المشاركات: 753
|
. وراك لابس الكنادر ذولي .. يفشلن . والله يانتم تنسيم تدخلون كل ماهب ودب .. وتصورون انفسكم مع ناس يوحشون .. شكلكم .. الخوف , والحيا .. جدعينهن ببريده .. والله هنكم ها
__________________
وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا (36)
|
09-04-2009, 12:33 PM | #14 |
عـضـو
تاريخ التسجيل: Apr 2009
البلد: بالبيت..!
المشاركات: 117
|
ههههههههههههههههههههههههه
والله من الهبااال الصبااخ ياحووول مابه صور ههههههههههههههه متااااابعين لك .. |
الإشارات المرجعية |
|
|