 |
|
|
|
|
06-04-2009, 08:21 PM
|
#11 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
هلوووو
ام فاين آند يو  يالله انك تحييهم وش رايكم أعلمكم قلينزي انا هنا ؟ كل يوم أحفظكم خمس كلمات بس بامبرز  المهم شكل زحزوح (يعني زحل) ماعطان وجه ولاهب معطين الصور شكله عنده اختبارات وبلش لكن قلت ماودي ابطي على الشباب .. خل انزلهم الجزو الأول والجزء الثاني من ابو حسين إن شاءا لله يمحطوه لنا هنا تبون القصة من اول شي ؟ طيب كانت امي حاملتن بي بالشهر التاسع .. وعلى وشك الضناية راحت امي منيرة.. وقالت لازم تضنينه ندنا بالبيت مهب بالهوسبتل لأنه مابان انتس حامل ماعتقد انه يبي يطلع شي المهم يوم قامت امي الصبح واثره والدتن بالليل هي مادريت قالت لي وشوله طالعن بهالليول وراه ماصبرت المهم .. وتجي امي نيرة ==>> هيش هيش أبد من يوم يجيك زحل مهب من ولادتك اهاا تيب ------------ ابو حسين هذا شاب .. طيب الخاطر هادي المزاج معتدل البال نحيف القامه بنيته تحتية اتصل علي قال ابسير عيك ابو فهد وودي اشوفك علا انه ابن الذينا شايفن وانا مادريت قلت ابشر وين تبي ؟ المهم ويبدا ويلف ابن الذينا قال عند البحر أخس يابن الذينا عند البحر وشوله خل البحر لهم انت جاي لمي ولا للبحر قال خلاص خلاص .. تعال عند المنطاد المهم انا احتري الباص عشان اروح لم ابو زحزوح بالصدفه يوم صكيته منه واشوفواحد سكرااااااان مضيع الطاسه قالي وت تايم بليز ===>>>حتى سكراهم اخلاق المهم بلشت انا .. صارت الساعه تقريباً 11:46 (يعني طويله) ههههههههههه اببطي وانا اوصفله .. الفن سقستي فور وزود على هذامابعد اخذناه بالمدرسة المهم وريته الساعه كله بكبره قعد شوي يناظره انا حسيت انه مضيع وخفت .. قعد عشر ثواني يناظر الساعه ويهوجس فجأه بمحطة الباص ابعد شوي وقعد (يسوي تمارين الضغط) انا زغلت من الضحك ورحت فوق بالباص (لازم الدور الثاني) وأخذت له صورة بأخر الوقت  متحمس يضغط والعالم تناظره أنا أول مرة اشوف سكران بالنهار  المهم قلت ماعلي منه .. والله وأفحج على دريشتي  لعيون أبو محمد (المستشار)  إهداء للمستشار اجحده  هذا طريق (الشارمستر) وهذا اللي لوحته حمراء يسموونه (مطعم الأفغاني)  مطعم ليالي لبنان  اهااا وصلنا منطاق ابو حسين الشيعي  هذا البحر .. مسويين مسابقات (اختراق الضاحية ) شكلهم كل حد يسوونه  هذا يوم جيت اروح سلم عليه امر انتبه احسبه عمر الصمعاني والله أعلم انه عمر الصمعاني حقهم  جااااكم مجلعد وخر وجهك  تصدقون نسيت ابو حسين عن اذنكم ابروح لم المنطاد يحترين هههههههههههههه المهم شافن هو وعرفن انا ماعرفته أحسبه رابح صقر .. مالقيت له بال لكن اشوى هو عرفن .. وش العلوم وش اخباركم قوه مشينا مشينا  والله ونركب الباص الأصفر والدور الثاني كالعادة بس هالمرة بدون رجلين لأنه معي ابو حسين بدون رجلين .. معي ابو حسين الله يالسجع بدون رجل ؟ معي ابو حسن .. او ماتجي الموهيم هذي الصورة لعيونك شجرة البرسوبس حقهم  المهم .. رحنا لم النادي اللي في منطقة لتل دام وقلت لأبو حسين ودي اسجل فيه .. معجبني قال قداااااااااااام الذيب سألناهم ودرنا النادي وشفنا كتاكيتهم يلعبون كرتيه والله قهر بزر يعرف قلينزي ويلعب كراتيه والله حركةوالله وندخل عندهم ونلقط كذا صورة وأبشركم صورتهم فيديوا أجحدوه هذا تو واحد صطره وخددن حموره والحين رايح يدور امه مع الجمهور  اما هذا .. واحد من الجمهور شحطه (شكله الصباخ حقهم) وقاله انت قوي وانشحط الولد .. يبي يقلع سنه عشان يورنا انه قوي بس اشوى مسكوه الجمهور  وهذا مفطع فيديوا 8 ثواني يمكن يبل الريق http://www.albjadi.net/uk/10/40.MPG صورة للجمهور مثل جمهورنا مع فارق التوقيت  ابو حسين اشغلن قال انا ابيك تصورن و حيت البزارين قلت تعرف تلعب كراتيه انت .. قال ايه عاد مادري عنه اخذت له صورة  طلعنا خارجاً بالدور الثاني حق النادي ولا هذولي الملاعب لفت نظري ثنين من الاعبين او ثلاثه يلعبون كورة جايين بفيزة سباحين مادري وراه مالبسوا فنايل  وخررررررررررررر عن ابو حسين  وانا وش حتي ماحد يصورن على فكرة تراه الجكيت شريته من عندهم . فيه محل ملابس رياضية رائع  نزلنا وبدينا نتمشى عقب ما اشتركلي الذيب .. عاد اخصص قصص خاصة بالنادي إن شاءا لله منه نسفيد من وقتي .. بالنادي واستفيد لغه أيضاً المهم مشينا .. ذاك اليوم وابو حسين بس يتلفت ويضحك يتضحك ذاك اليوم انا ما اعرفه قبل احسب الرجال دائماً مبتسم اثر هالماخوذ يشوف شي ماينشاف كود اعقله .. وامسك بزمام الأمور الحين ولا رحنا فيه .. اشوف الرجال يتلفت ويضحك لولا فارق التوقيت نزلت لكم الصور سوو مظاهرات قدام بوابة ابو مهند .. خلوه يغير شروط المنتدى وأبشروا باللي يرضيكم انا اقدر انزل صور .. حلوووة  مهب خوفن منه خايفن وزارة الداخلية ماتستقبلن بالرجعه همن مانتب نافعينن يالمنذل ==>>> ماصار شي للحين وشلون قلب عليكم المهم لاتدخلوننا في امور مالنا به ههههههههههههه نكمل رحنا وشفنا بعض المناظر الرائعة  ثموصلن نهير صغير فيه بط وينكم يا أهل الصيد.. بذا يتسدحن ويتمردحن  حركاااات تقطار سعابيل  لو معك حصاته كان تصيد من كثرهن  قريبات بالمرة .. شوي واصيد وحده .. قالي ابو حسين شف اللي قدامك  واناظر هج يعني 5500 ريال سعودي غرامه للي يصيد .. السمك وغيره  إهداء لكم كلكم إلى المستشار والصباخ ماورا ما أهديتهم  قالي ابو حسين ابو فهد شف شف واناظر  قطار صغير ههههههههههههههه عز الطلب .. وشلون ؟ ونركض .. ونشوف القطار الثاني .. جاي يمشي 10 تقريباً يالله يالله يمشي وهذا السواق متحمس أنا حسبته يسوق طيارة على التحمس  ابو حسين فله بالتصوير  ددددددددددييد  احترااااف اهداء لكميرة عمر الصمعاني  مشينا شوي وابو حسين هالشروف شاف قرد كذبي قال ابصور معه مادري وراه يحب القروده  والله ويبلش به ويمين ويسار والشيبان يشوفونه .. مايدري وش يزين شكلهم والله أعلم مايفتحو هالقطار إلا كل يوم احد  المهم .. وصلنا قالنا الشايب وراه ماتركبون كل واحد باوند رخيص قلت قداااااااااااام تراه انا ابسوي درايفر .. قال الشايب لا انا قلنا يالله اركب ابو حسين  شغل ياولد .. كأنه قطار حقيقي  وخذ تصوير ياما رحنا يمين ياما رحنا يسار  طباً أنا اللي اصور مديت ايدي وصورة  وصلنا المنعطف الأخير  وخر يالجدعان يوم قال كذا ابو حسين .. والله ويتعطل القطار.. وانحاس السواق  وش اللي صار .. هذا ماسنعرفه في الحلقة القادمة ==>> أقول كمل سم سلمكم الله انفك الراس عن القاطرة والشايب راح يلحق الراس هههههههههههههههههه بهذلنابه قال خلاص ماتركبون انا ابوديه لحالي قلنا سم انا هنا خلص شحن كامرتي وباقي الصور مع ابو حسين أديه يرسلهن او يبدع لنا في باقي القصة جزاو الله خر محبكم/أبو فهد
__________________
|
|
| الإشارات المرجعية |
|
|
النمط الأحادي