[طالبه عسل]

تكفووووون دقوا علي الموارد البشريه وقالو احنا رشحناك للوظيفه بمستلزمات نسائيه
بس الله يخليكم سؤالي هو بيضل طويل العمر حافز يصرف لي او خلاص بيوقفونه عني
وتذكرت فيه سؤال ما سألت المتصله هل فيه اجازه او لا؟؟
ياليت اللي عندها خلفيه بتقولي اكون شاكره لها وممنونه

[شي يقهر]

حافز يصرف لمدة سنه وآحدة فقط

[طالبه عسل]

الله يعافيك انا عارفه انوه بيصرف لمده سنه
بس هل بيستمر يمشي لي حافز اولا
وهل فيه اجازه بالعمل او لا
ياليت اللي عنده خلفيه ينورني

[الدب الصيني]

الي أعرفه انه اذا قبلتي الوظيفه يمشي لتس راتب الوظيفه واذا اشتغلتي عندهم ثم تركتيهم ما جازت لتس ياقف عنتس حافز خلاص

[اي فون]

اهم شي الستر

وحافز مايطول اعتقد سنه بس

[هاتريك]

.
.

حافز راح يستمر .. ولاتصدقين الي يقول سنة .. وراح يستمر لين مايجدون وظائف .. وبعد سنة راح يقولون راح نمدد سنة ثانية ..

ونصيحتي .. استفسري من نفس الموارد إذا كان برفضك للهالوظيفة راح يتوقف حافز أم لا .. وبنفس الوقت استفسري عن الراتب هل مبلغ يستاهل أو .. حافز أكثر منه ..

وبالتوفيق ..

[طالبه عسل]

انا وافقت على الوظيفه رغم اني جامعيه حسبي الله عليهم
محتاجين وظايف واخر شي يحدوني على القطاع الخاص
عشان كذا حابه اعرف حافز يمشيلي وانا موظفه او بينقطع
اخاف مثل ماقال اخوي اذا ماجازتلتس الوظيفه بينقطع
وانا بحاجه ماسه للراتب آه بس قهر قهر

[هاتريك]

.
.

الغريب من حافز .. يحط وظائف مالها أي دخل في التخصص .. وهذا ينافي الشروط .. فيا إما ياحافز ماتجبروني على وظيفة إلا تكون بمؤهلاتي كجامعي على الأقل .. عموماً مثل هذا الموضوع الي يحدده لك هي الموارد البشرية وبإمكانك سؤالهم مرة ثانية وثالثة ومليون ..وين المشكلة .. سبب وجودهم للاستفسارات ولخدمة المواطنين ويفيدونك هل حافز يستمر أو لايستمر ، وهل يمديك ترفضينها أو تبدلينها أو لا..
.
.

[طالبه عسل]

الله يجزاك خير اخوي انشاءالله بكره راح امطرهم بالاسئله
ابالي مية سؤال وسؤال ،،،،،، مدري ليش ما سألتهم من البدايه
بس كان اتصالهم بوقت مو مناسب يالله بيعين الله

[طالبه عسل]

اقتباس المشاركة الأساسية كتبها سمو المعاني شكلتس من الفرح نسيتي وتخلبطتي وداهمتس عقر بقر هههههههههه علمينا وش يقوولون لتس تكفين

لاوالله ماستانست لاني طماعه ابي على حسب مؤهلاتي
لان عندي خبره تدريس وفوق الشهاده الجامعيه دبلوم حاسب
و4 دورات غيرها واخرتها بائعه ملابس
ليش ماقالو لنا من الاول ترا مالكم وظايف
عشان الواحد مايتعب نفسه بالدراسه
ويصير بايع

[طالبه عسل]

ولامفكره اني بكمل ماجستير بس خلاص طابت النفس من شي اسمه شهاده

[ياحسافة]

اللي انا اعرفه ان الاعانة لمدة سنة ، سواء كانت متواصلة ام منقطعه ..

اما بالنسبة للوظيفة فهناك فترة ثلاثة شهور تدريبيه لك ويصرف لك حافز ، ولا ادري هل هناك راتب للوظيفة ام الاكتفاء بحافز ..

الاكيد انه مجرد ان يتم تسجيل اسمك في التامينات تنقطع عنك اعانة حافز ..

واي مؤسسة او شركة يسارعون بتسجل الموظف في التامينات لانه من صالحهم ..

اما الاجازة فهذا امر مفروغ. منه لك اجازة سنوية شهر واعتقد يوم في الاسبوع ايضا ( بالنسبة ليوم في الاسبوع مو متأكد منها ) وهناك عدد محدد لساعات العمل في اليوم لاتتجاوز 8 ساعات .. طبعا الاجازة السنوية مدفوعة الراتب انتبهي ، واحتمال مايكتبون عن الاجازة في العقد عشان يمررونها عليك لكن مهما يكن النظام يكفل لك الحق بالاجازة ومدفوعة الراتب غصب عليهم ..

انصحك انصحك انصحك ان يكون هناك عقد بينك وبين من تعملين لديهم ، وانصحك بقراءة نظام العمل والعمال وبامكانك تحميلة من موقع وزارة العمل ، لمعرفة مالك وماعليك

وبالتوفيق

[مسكين قلبي كم يعاني]

الله يرزقك من فضله

[طالبه عسل]

اقتباس المشاركة الأساسية كتبها ياحسافة اللي انا اعرفه ان الاعانة لمدة سنة ، سواء كانت متواصلة ام منقطعه .. اما بالنسبة للوظيفة فهناك فترة ثلاثة شهور تدريبيه لك ويصرف لك حافز ، ولا ادري هل هناك راتب للوظيفة ام الاكتفاء بحافز .. الاكيد انه مجرد ان يتم تسجيل اسمك في التامينات تنقطع عنك اعانة حافز .. واي مؤسسة او شركة يسارعون بتسجل الموظف في التامينات لانه من صالحهم .. اما الاجازة فهذا امر مفروغ. منه لك اجازة سنوية شهر واعتقد يوم في الاسبوع ايضا ( بالنسبة ليوم في الاسبوع مو متأكد منها ) وهناك عدد محدد لساعات العمل في اليوم لاتتجاوز 8 ساعات .. طبعا الاجازة السنوية مدفوعة الراتب انتبهي ، واحتمال مايكتبون عن الاجازة في العقد عشان يمررونها عليك لكن مهما يكن النظام يكفل لك الحق بالاجازة ومدفوعة الراتب غصب عليهم .. انصحك انصحك انصحك ان يكون هناك عقد بينك وبين من تعملين لديهم ، وانصحك بقراءة نظام العمل والعمال وبامكانك تحميلة من موقع وزارة العمل ، لمعرفة مالك وماعليك وبالتوفيق

الله ينور دربك مثل مانورتني قول امين
بس الغريب انهم ماجابولي طاري الدوره الثلاث شهور
قالولي فقط المقابله بعد بكره وهم يعلمونك طبيعه العمل
وتستلمينها فوري .....عالعموم بكره بشوف وش بيقولون لي
لاني وافقت عليها وبنفس الوقت متردده بس حاجتي للمال اهي
اجبرتني ومشكورين يالغوالي ماقصرتوا عزالله كفيتوا ووفيتوا
بيض الله وجيهكم وبالتوفيق للجميع