[عندليب بريده]

سين سواااااال شلون حصل على رقم جواله ؟؟؟؟؟!

كيف كيف مادخلت مزاجي

[zeead]

من اخطر (واغبى) القرارات الي تتخذها البنت في مثل هذه المواقف, هو التسويف
في التبليغ (للهيئة), تقول اصبر المشكلة صغيرة بس رسالتين ومكالمة, ماصار شي !
اذا ماشاف ردت فعل راح يتمادى اكثر والخطر انه يتخذ وضعية هجوم
على البنت, وافكار شياطين الانس لاتعد في مثل المواقف هذي
.
انا لي قريب بالهيئة يذكر لي قصص محزنة بدأت على هذا النحو مجرد مكالمة
وانتهت بفضيحة صارخة ونهاية لهذه الفتاة.

*المطلوب هو فقط تبليغ الهيئة وهم سيتكفلون بالباقي وبكل جدارة بحكم تخصصهم الدقيق في هذا المجال
وبالطبع اذا كشف هذا الدكتور بإذن الله, سيسائل ورسمياً وربما تحال قضيته للمحكمة وبنفس الوقت
ادارة مستشفى الحبيب ستسائل عن سبب كشف بيانات المرضى والمراجعين
وستجر مع هذا التبليغ للهيئة, ادارة المستشفى بكاملها للهاوية
ابالغ اذا قلت للهاوية, لكن ستعطيهم درس في احترام المراجع

اسأل الله ان يكفيها شر هذا الخبث, وان يجازي من نشر بياناتها. آمين

ورقم الجوال ياعندليب, يُطلب من المراجع نفسه لغرض المواعيد وارسال التذكير للموعد وغيرها
وطبعاً يكون ملحقاً بملف المراجع والدكتور هذا بالتأكيد فتح ملف هذه المريضة
اما انه راقبها ومن ثم سأل موظف الاستقبال من هي هذه المريضة الي فتحت ملفها ؟
السيناريو واضح جداً وبإمكاننا تخمين ماحدث بكل بساطة, لكن المصيبة وكل المصيبة
اذا استمر الوضع هكذا, فأنا اخشى ان تتدهور ثقة المراجعين بالمستشفى

بصراحة انا لدي مراجعات للمستشفى, وكل مراجعة ادفع فيها مايقارب الـ 2700 ريال
اخشى اني سأغلق ملفي عندهم واذهب لاي مستشفى آخر, صحيح ان التخصص
قليل من يجيده, لكن هذه الفضيحة مخجلة جداً

خصوصاً ان موظفي الاستقبال فيه نساء وصغيرات في السن والعقل كذلك, لا استغرب ابداً سرعة الاستجابة لهذا الدكتور من هذه الموظفة او الموظف الخبيث

حسبنا الله ونعم الوكيل.

[wishes]

عسى ماشر راكبين الاصنصير مع بعض!!

رايحه بدون محرم وش تتوقعين بيصير له!

بعدين مب كل ماصار شئ سبيتو المستشفى .. من زين التخرصي اللحين عشان تسبون مستشفى اهلي!

اذا الطبيب حقير وش دخل المستشفى وادارته؟

[zeead]

اتمنى منك يا wishes ماتتكلمين عن شي ماجربتيه او ماسمعتي عنه اصلاً !

مستشفى الحبيب زي اي مؤسسه او مستشفى اهلي او حكومي لديه مشاكله الخاصة
وطريقة تعامله مع المشكله, هنا بيت القصيد (طريقة تعامله مع المشكله).
مافيه احد كامل لازم فيه اخطاء ومشاكل, قلتي تخرصي او عسكري
او الحبيب, صحيح ان مشكلة عن مشكلة تفرق لكن
المقصد انو فيه مشاكل.

.
تحيتي

[حكيم 10]

والله شي غريب الحق يقال لو ماشاف دلع ودلال ولبس الله اليحاسب عليه ماتمادى لاح يزعل احد

[كرييم]

ابلاغ الهيئة اسرع و آمن طريقة لآقاف هذا الطبيب عند حده , لآنه يكشف على عورات النساء احيانا ؟؟؟ و مستشفي الحبيب والله من الهوائل و العجائب في داخلها !!!!!!!

[زوجةاسير]

حسبي الله عليه ونعم الوكيل, اختي لاتستكتن حاولي قدر الامكان انك تورينه شغله

[الاسلام هو الحل]

اقتباس المشاركة الأساسية كتبها بندولة مصدعة ذهبت زميلتي لمستشفى الحبيب لموعد لها وتقول وقفت عند المصعد وكان دكتور واقف بجنبي عند المصعد الثاني جاء المصعد اللي واقفه انا عنده ودخلت ودخل معاي قال أي دور تبغين قلت أبغى قسم الغدد قال والله ماأعرف وين قلت مافيه مشكلة خليني أنزل بنفس الدور اللي راح تنزله واسأل عن القسم هذا الحوار اللي دار بينها وبينه وتقول رحت لدكتور الغدد وطلب مني تحليل وقال تطلع النتيجة بعد ساعتين قلت أروح للبيت وبعد ساعتين أرجع وتقول انا بالبيت وياصلني مسج من رقم غريب يقولي معليش ماكنت أعرف وين قسم الغدد لكن تلاقيه بالدور ...نسيت والله أي دور ومن بكرا أرسلها مسج يسألها عن المستشفى هو عجبها أو لا وزميلتي مطنشة ما ترد في اليوم الثالث قام ودق عليها وما ردت السؤال...... أنا داخله المستشفى وكلي ثقة بان البيانات اللي يأخذونها سرية وما يطلع عليها أحد

ما اصدق مستحيل ................. ركبتي معه في المصعد و عرف عنك كل هذه المعلومات و رقم جوالك و شوف الجراة و يبعث رسالة ...... غريبة ..... و الله اعلم

بس الامر بسيط و اذا كنت صادقة ... احفظي الرسالة و اعطيها للمدير د. خالد الخطاف .....او د. فهد الشهري ..... و انا متاكد لو كان الموضوع صحيح ما راح يسكتون نهائياااااااااااااا

بس اهم شي تكونين صادقة في الموضوع و ما تتكبين مواضيع بس

[PATO 1899]

البلاء مو من الدكتور البلاء من البنت الي كيف تدخل معاة لوحدها وعرض خدماتة وقبلت
ولو حصل منة شيء اتحداة انها تبلغ عنة لانها تبغى الستر على قولتها وتسكت عن حقها
وهذي النقطة الي خلت كل الاجانب بتحرشون ببنات ونساء المسلمين
ياعزيزتي اي مشكلة او اي شيء تتعرض لك من هذا القبيل بلغي وليك ولاتسكتن عنة

وبعدين الرقم هذا اعطي وليك الجوال وخلية هو يتصرف بالموضوع احسن من سكوتك الي مو جايب نتيجة
الله يسترنا

[عبدالله الصالح]

لم يتمادى عبث ..

أنتي من جرّه لذلك :1 ـــ وافقتي على صحبته لوحدك في المصعد

2 ـــ فتحتي المجال لمحادثته لأنك لاتعلمين أي دور سوف تضعين رحلك فيه مع إن الإستقبال بمدخل المستشفى يرشدك فضلاً عن اللوحات الإرشادية!!!؟؟؟

3 ـــ تقولين إنها قالت لا أعلم لكن أنزل في الدور الذي تنزلين فيه وأبحث عن القسم >>>> مدري ليش ضحكت وأنا أقرأ هذا الكلام لأنه شبيه بأفلام جمس بوند!!!؟؟؟؟؟؟؟؟؟؟؟؟؟؟؟؟؟

4 ـــ تقولين إنها تستقبل رسائل منه ولم تتحرك أو تفعل شيئاً ولو كانت واثقة من نفسها لما إحتاج الأمر كل هذا فرنة هاتف للهيئة تتكفل بكل شيء ..

الأمر الأخير :

لولا البراقع الفاتنة والعيون الناعسة والعبايات المخصره والأطياب المنعنشه ما جابتنا الحريم على خشومنا .. يعني يداك أوكتا وفوك نفخ

[رحيق الوردة]

من البدايه وشلون تدخلين المصعد مع رجل اجنبي عنك هذه خلوة والشيطان معكم ؟؟لاعمرك تعودينه الله يستر عليك

[{ كل همي رضا امي }]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[علوش القصيم]

ناقصه سالفتك اخوي تقبل مروري
احسه عاتيييييييييييييييه

[ورد وبيلسان]

اقتباس المشاركة الأساسية كتبها شمالي 1 اخبري الهيئة لانك اذا سكتي راح تتسترين على واحد خبيث انتي عفيفه ولكن هناك بعض البنات يلعب عليهم الشيطان اخبري الهيئة والامر بالمعروف والنهي عن المنكر واجب على كل مسلم ومسلمه قولي لهم هذا المسج ارسله لي وهذا رقمه واتصل علي خذ رايهم هم ابخص بهذه المواضيع مشكلة بعض البنات تسكت عن هذه الامور الاخلاقية بينما هولاء الملاعين ينشرون الفساد بيننا

كلام عين العقل .. الهيئه احسن من بعض الاخوان بس تعطيهم الرقم وخلاص تنسى الامر وتفتك .... الله يفرج عن الهيئه ويمتع بهم والله انهم هم مصدر الامان بالبلاد الله يخليهم ... اللهم صل على نبينا محمد...