[تباشير المطر ~]

عُدت ولكن وجدت روائع من الأفكار وإستفدت منها
وفقكن الله جميعًا دنيا وآخره ولرائعه غناة الروح

[** حَـنيـنُ الأُخـوَّة **]

....

هلا وغلا .. ومرحبا بالجميع ..


ها قد عدت ...

بالنسبة لي .. لو صار عندي :

1 / حشوة محاشي وورق عنب
أضعها في علبة بلاستيك محكمة الإغلاق واحفظها بالفريزر .. واذا بغيتها مرة ثانية اطلعها بدري واخليها تذوب برى الثلاجة .. <<<< ترى ماجربتها لأني ماعمري زاد عندي لكن متأكدة ان الطريقة بتكون مناسبة جدا ...

2/ الفائض من عجينة الفطائر
احفظها بكيس بالفريزر واطلعها من بدري عشان تذوب واستعملها عادي .. وبتضبط

وممكن تفردين باقي العجينة في صينية بيتزا او اي صينية تيفال .. ثم تضعينها عليها حشوة بيتزا كاملة وتغلفينها ببلاستيك التغليف كويس كويس . . وتحفظينها بالفريزر .. ومتى ما اشتهيتي بيتزا بس طلعيها وخليها ساعة تذوب ثم بالفرن وتطبع احلى بيتزا .. وبالعافية على قلبك

ولو كنتي مشغولة ممكن تفردي العجيبنة وبسسسس يعني ماتحطي حشوة إلا لما تجين تطبخينها ..

او ادهني العجينة بزيت زيتون ورشيها زعتر .. وبسسسس

وبالفريزر ..

3 / الخضار المقطعة النيئة والزائدة عن الحد ...
هذي ماعمرها صارت لي ... بس ممكن احطها في قدر مع ماء وماجي واسلقها شوي ثم ادخلها الثلاجة واكملها مرق بغداء بكرى


4/ تفاحة مقطعة وقد أُكل نصفها / كذلك البرتقالة والرمانة والكمثرى ...
بالخلاط مع حليب وشوية فراولة مجمدة ( حلو يكون بالفريزر دايما ) ... واااااو طعم لذيذ ..

5 / البيض المسلوق الغير مأكول في الإفطار
ممكن يقطع فوق الرز << غداء .. او عادي انا احطه بالثلاجة ويؤكل وقت ثاني . المهم ان لا يجلس برى الثلاجة وقت طويل

6 / مكرونة بصلصلة طماطم مطبوخة منذ البارحة في العشاء

أنا طريقتي من يوم نخلص عشاء .. احط الباقي الي مالمس بصينية صعنونة قصدير زي حقت المطاعم ... وبالفريزر .. واطلعها اي يوم خاصة لو كان عندي زحمة أشغاال ذاك اليوم واقدم معها شوربة او اي شي ثاني ..

7 / كيك اسفنجي بالشوكولا او الفانيلا , فائض عن الحاجة مضى عليه يومين ولكنه لازال صالح للأكل
ممكن اسويه طبقة أولى لأي حلى

8 / خبز أو صامولي جف ( أصبح يابسًا ) ولم يتعفن
يطحن ويصير بقسمااط .

9 / الحمص أو الماش ( البقوليات ) المسلوقة وفائضة عن الحاجة ..
اممم مدري ماعمرها صارت

بس الحمص عادي يتفرزن ... مو مشكلة ولما تطلعينه حطيه مع سلطة

10 / شوربة شوفان
عادي تتفرزن ومجربتها
بس طلعيها وسخنيها .. و كأنك توك مسويتها .

11 / مفروم البصل والطماطم
احط بقلاية شوية زيت واحمس البصل شوي ثم الطماطم .. وبعد ما يبرد احطه بعلبة بلاستيك بالفريزر .. ممكن يكون قاعدة لصلصة البيتزا .

12 / اللبن والحليب الزائد عن الحاجة , ولم يرغب أحد في تناولهـ ...
عادي باالثلاجة ... مادام ما انتهت مدته .

ولو انتهت ... ممكن يكون الللبن مفيد لو بتسوين جريش

والحليب حطيه بخلطة لبشرتك مرررة مفيد ...



و ايضا حين يتبقى بعض الدجاج .. خوذي اللحم بس وحطيه بكيس بالفريزر .. حتى لو شوي .. ( غيرك يتمنااه الله يديم النعمة ) وبعد كل وجبة فيها دجاج .. خوذي بقية اللحمة وحطيها بذاك الكيس ..

واي يوم تسوين بيتزا مثلا او مكرونة بيتزا .. خوذي من الدجاج وفتتيه فوقها .. روعة تراها دايم اسويها ..

او كشني الدجاج مع بصل محموس وجزر مبشور وحشي سندويشات
او حطيها حشوة فطاائر ... او سمبوسة .. او سبرونغ رول ..

وايش بعد ؟!!!


اممممم

ايه صح .. لوسويتي حشوة لحم مفروم .. ضاعفي الكمية . وبعد ماتخلصي طبخها وتبرد .. حطي الفائض بالفريزر .. لوقت آخر .. وارتاحي من البصل والكشنة ..


وطبعا ما يحتاج اقول لكم لازم يكون الحفظ بالفريزر بطريقة محكمة سواء كيس أو علبة .. وانا دايما اجيب علب بلاستك الي يبيعون فيها الفول .. وآخذ عدة أحجام ... واخليها قريبة مني و إذا بغيت احفظ شي بالفريزر استعملها .. واكتب على الغطاء اسم الحاجة الي في العلبة .. و ارميها لا خلصت حاجتها ..
و ممكن تحفظين بأكياسس بلاستك شفافة .. وتعرفين وش الي فيها بيكون واضح ... بس مو دايم ..

انا افضّل العلب عشان سهولة تنظيم الفريزر ..

هذا مالديّ ... استخرجته من خبرتي وبنات افكاري

ياليت يابنات وحدة منكم تنسق الافكار وتحطها بشكل مرتب وبلغة واضحة مو لهجات .. و ننسخها بكل المنتديات .. شكرا لربي على توافر النعم .. ودلالة على الخير .. وربي مايحرمكم الأجر جميعا ..
وشكر خاااص خاااص للغالية : غناة الروح .. سلمت يمينك ..




.....

[** حَـنيـنُ الأُخـوَّة **]

للرفع .. لمزيد من الفائدة ..

[متصفحة]

إستفدت منكن كثيرًا

غناة الروح ..

لآحرمك الله أجر هذا الموضوع

أما أنا .. تقريبًا الفائض معدوم لدي

كل شيء بمقدار