[فـارس]

اقتباس المشاركة الأساسية كتبها ابو مروان نظام ساهر زين والنظام عموما زين لكن نريد ان يكون الهدف من وضع النظام هو تنظيم الناس وليس اكل لأموالهم لو وضع حلول تشجيعيه مع النظام مثلا يكون اول مرة انذار شفوي واذا تكرر الخطأ من الشخص عوقب وهكذا بدلا من العناد الحاصل.

ما في عناد حاصل الا منا

يقول لي لاتسرع ونسرع
يقول لا تقطع الاشارة ونقطعها
لما ابطلع مع الاشارة يمين القى واحد مشخص ومسكر الطريق
طيب هالهمجي ما يعرف انه الطريق للي بيروحون يمين
ولما تطنب له .. يتنرفز ويأشر لك بيده ( وش تبي ؟؟؟)
ويمكن يلحقك ويحدك...
ليش ينبهني شفوي .. هو منبهني اني لما اخالف الانظمة بيعطيني مخالفة
وانا اعاند .. واخالف .. ليش اخليه يقولي كم مرة عشان اعقل
الادارة يبي لها صرامة وحزم..

كنت مسافر مع 4 من الشباب في استراليا
وكنت راكب قدام مسكنا المرور.. لان اللي ورى ما ربطو حزام الامان
عطاهم مخالفة 120 دولار على كل واحد
وسألهم.. هل السواق قايل لكم تحزموا .. قالوا لا
ويصك السواق بمخالفة 180 دولار مع انه رابط حزام الامان
فقط لانه ما قال لهم تحموا
لما يكون النظام صارم ولا فيه جدال
يكون له هيبته
وبتتذكر كلامي بعد كم سنة ان شاء الله

شكرا لمرورك وردك
وانتبه من ساهر

[[ لــمّــآح ]]

فآرس جعلهم يلحطونك بخمسمية ..
يا حبيبي أنا ما قلت إني أسرع أو ما أسرع وأدري إني مخآلف ..
بس 500 تسآيدة وأنا أخوك خصوصاً مثل طلاب الجامعة كـ مثال ..
المكافأة 840 وتجيك المخالفة 500 ريال بسبب إنك مشيت 90 بطريق 70 !!
المقصود ما فيه إلآ لهف درآهم ..

[فـارس]

اقتباس المشاركة الأساسية كتبها [ لــمّــآح ] فآرس جعلهم يلحطونك بخمسمية .. يا حبيبي أنا ما قلت إني أسرع أو ما أسرع وأدري إني مخآلف .. بس 500 تسآيدة وأنا أخوك خصوصاً مثل طلاب الجامعة كـ مثال .. المكافأة 840 وتجيك المخالفة 500 ريال بسبب إنك مشيت 90 بطريق 70 !! المقصود ما فيه إلآ لهف درآهم ..

اخوي لماح فديتك

والله اني فاهمك
لكن لكي تضع للنظام هيبته لازم يكون صارم ..
يعني تخيل لو هي خمسين ريال مثلا

خمسين ريال نفلل به بنزين يعني مهب شي

وعلى طاري يلحطونن
لي 8 سنوات وانا اتردد من الدمام لبريدة شهريا
ولا مرة اخذت مخالفة من اي نوع
لاني قاهرهم
ماشي صح ولا اخالف ابدا حتى لو المخالفة عشرة ريال

الله يوفقك يارب .. ويرزقك خمسميات كثار .. بس نا تسدد بهن مخالفات
تهستربهن هسترة

[شيخة عربها]

هههههههههههههههههههههههههههههههههههههههههههههههههه ههههههه
اجل ساهر تبي سلآآمة الشعب...شي حلو وجميل اقسم باللي وضع سبع ورفع سبع مبتاغهم المــآآل
ويــآويلي ياكلونهــآ المســآكين..!
واذا انك كاشخ بامريكـآ ومدري وشي ذي ياخي شف شوآرعهم لو تقعد ساعه تمشي بنفس الشارع مليت
شوآرعنا يالله انك تخلف تستعجل حتى تطلع من هالشارع اللي يجيب التكاك
اجل شااارع الخبيب(بوه ساهر)هذآ ابمشي بوه100بس هماي اطلع منو ومن غلدزتوه....
/
مااقول الا الله لايعــــآفي من جاب هالنظام الغبي

[فـارس]

اقتباس المشاركة الأساسية كتبها شيخة عربها هههههههههههههههههههههههههههههههههههههههههههههههههه ههههههه اجل ساهر تبي سلآآمة الشعب...شي حلو وجميل اقسم باللي وضع سبع ورفع سبع مبتاغهم المــآآل ويــآويلي ياكلونهــآ المســآكين..! واذا انك كاشخ بامريكـآ ومدري وشي ذي ياخي شف شوآرعهم لو تقعد ساعه تمشي بنفس الشارع مليت شوآرعنا يالله انك تخلف تستعجل حتى تطلع من هالشارع اللي يجيب التكاك اجل شااارع الخبيب(بوه ساهر)هذآ ابمشي بوه100بس هماي اطلع منو ومن غلدزتوه.... / مااقول الا الله لايعــــآفي من جاب هالنظام الغبي

ان الله لا يغير ما بقوم حتى يغيروا ما بانفسهم

تابعوا ... كم اللي يموتوا من الحوادث في السعودية؟؟؟؟

اكثر من اللي يموتون في الحروب وربي

مو حرام

طيب وشي الطريقة اللي توقف هالحوادث ؟؟؟
سوو توعية ولوحات وارشادات وبروشورات واحصائيات
ما نفع مع هالعالم شي؟؟؟

والله انه يسرع ويحلف للمرور انه ما اسرع
ويقطع الاشارة ويمطع هاك اليمين انه ما قطعه

حنا افضل وارحم من امريكا

لو يوقفونك في امريكا فقط استمارتك مطوفة يوم واحد

تغرم 3750 ريال سعودي
تسحب لوحات السيارة
وتشيلها بسطحه
ولا تطلع لها لوحات بديلة لما تسدد الغرامة والله لو ابوك مدير المرور

حنا ما نشبه انفسنا في امريكا
لان امريكا ما يسوقون قيادة انتحارية...زينا

[محبوب المنتدى]

مشكلة ساهر عدم الدراسه قبل التنفيذ للاسف

[فـارس]

اقتباس المشاركة الأساسية كتبها محبوب المنتدى مشكلة ساهر عدم الدراسه قبل التنفيذ للاسف

لم يمضي على ساهر سنة واحدة

كل المشاريع تطرح ثم ينظر للعيوب لتجنبها

لو ساهر يحط لك مخالفة وانت ماشي اربعين والسرعة المحددة 60

هنا المشكلة

لكن كل اللي يتذمرون .. يقول ليش يعطيني ساهر مخالفة وانا مسرع
شي يجعل الحليم معصب