[ـالتُفاحة الورديّة]

اذكر مرأة قريبه لي تقول مدة 20 سنه تقريباً مريضه وتقول ذهبت الى رجل
يحط لنا مثل الدخاااان ويقول اذا شفتي صورة مرأة فهي اللي ساحرتك
قلت هذا مشعوذ الله يرحمك

والمشكله بالمرأة نفسه تلقاه مقتنعة باللي يسوونه اللي يقرءون ولا تسمع ولا تقتنع بكلام الناس

والقطعه البنيه اللي يقول عنها صاحب الموضوع هي نوع من التمائم ومازال بعض النساء عندهن الآن وننصحهن ولا فائدة

[ماجد عبدالله .]

المشكلة ان بعض النساء لو تعطس قالت انا مسحوره
هع هع الله يصلح الحال بسسسسسسسسسسسس

[غيث السماء]

بعد إذنكم ...
القصص التي تروى وفيها شيئا من طلب الرقاة مثلا برؤية الدخان وغيره من الاشياء
الغريبة احيانا يكون صاحبها
ممن يستعين بالجان ...
وهذه مسألة
موجودة في كتب اهل العلم
والمهم أنه يخشى على طالب الرقية منهم التلبس بهمن قبل الجان لأن اصل الجان الكذب والخديعة والمكر

[حربي عابر دربي]

موضوع جميل يلامس همومنا اليومية

واحب اضيف هذا الموضوع للفائدة


http://www.buraydahcity.net/vb/showthread.php?t=247253

شكرآ

[كتكوته]

اللهم لاشمات..فيه شيبان يقرون ويلمسون عن جهل..اذكر حده تشكي لي ضايق صدره به مس وقرت عند شيخ شايب بالرياض الله يرحمه توفي تقول يطلب اني افتح وجههي ويقول هذا اشوفه هالخسيس بعيونه..وتقول اهلي يفتحون غطوتي غصب يبونن اطيب باي وسيله وهي كان عمره 20..للاسف هذا الجهل ..

اما سالفة الجدايل مضحكه صراحه..

[صمود]

بصراحة خجلت من العنوان في البداية!!!!
,,,,,,,,,,,,
لما كثر تمارض الحريم ووهمهن الزايد كثروا الرقاة الخبيثين مستغلينهن

لانه تتوهم غالبا (المستشفى تطلعه سليمه) اذا حست بوجع بسيط قالت عين ماترحم ولو ماتوهمت حرضته خويته : الحقي على قرّاي ..!!!!!

****اذا سمعت عن قراي بفلوس اغسل ايدك منه !!!!

( ياخوة اقروا على انفسكم انتم ,,, من الصفات التي تدخلك الجنة بغير حساب انك ما تطلب الرقية من احد وفي حديث رسول الله صلى الله عليه وسلم ((((يدخل الجنة من أمتي سبعون ألفا بغير حساب: هم الذين لايسترقون، ولايتطيرون، وعلى ربهم يتوكلون))))

[السيدة نانا]

انفتحي ايتها المبائض والارحام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كنه شعوذة بسم الله
الله يعافي هالحريم ويحماهن يارب

[ابو كندا]

الاولين كانوا يستخدمون الخط ويجيك على حسب كلام الوالده

على شكل مثلث ويوجد فيه آيات قرأنيه ويحط بالوسائد

[ماكنتوشة]

جهلxدجل
من المعلوم ان الاولى والادق ان يقراء المريض نفسه وان كان عاجزا عن ذلك فاقاربه
فهم اقرب اليه واحرص على سلامته واجد في طلب الشفاء من الله له
وان كانوا لايعلمون فلما لايتعلمون....
حمانا الله من جهلة الدين وضعاف العقول

[عنود البراري]

لا حول ولاقوه الا باالله

[شموخ نجد]

هذا اللييسمونه شر البلية ما يضحك

انفتحي ايتها المبايض ولارحام احس عبارة ففلم كرتوني للبطل المحارب لوحوش الفضاء

والا الجدايل مادري ما استوعبت شلون يشبكهن بسلك اشتراك البطارية !!

ينفع فقره في مهرجان صيفي الجدايل واشتراك البطارية !!

يا حسافتهن على اللي ما يثمنهن

مرة وحدة دخلت على واحد مدريهو راقي والا مشعوذ بس هبلوني الحريم تحو المكان الى مجمع وحوش خفية داخل اجساد تلففت بعباءاة

كان موقف مرعب هربت ما كمل الرقية على طفلة معي

وسمعت بعد ممدة انه قبض عليه بتهمة الشعوذة !!

الله يغنينا عنهم بعافيته

[بدرالوابلي]

جزاكم الله خير على التفاعل ..
..ولي رجعه للتعقيب على الردود ان شاءلله .

[بدرالوابلي]

اقتباس المشاركة الأساسية كتبها بدون اسم... الله يسترالجهل موجود الى الحين لان فيه ناس الى هالوقت عايشين بقرى لانت لاتلفزيون وخاصة كبار السن صعب تغيير معتقداتهم وغالبا المريض يبي اي قشه يتعلق به وخاصة ضعاف الايمان يتمسك باي شي حتى لو كان سحر وشعوذه

لاعتقد ان في هذا الزمن (( جهل)) الحين فالعلم والتعليم النظامي وصل الى اطراف الصحاري واعالي الجبال منذ عقود حتى تعليم البنات الآن له 40 سنه وقبله العلم الشرعي والعلوم الحياتيه منذ هجرة سيد المرسلين عليه افضل الصلاة والتسليم ..
وطلب العلم فريضة على كل مسلم
..مايوجد في كل زمان ومكان هو الأنسان الجاهل من تلقاء نفسه والمغفل الضعيف الأيمان ؟لاحول ولاقوة الابالله

وشكرا على تفضلك بالرد .....

[بدرالوابلي]

اقتباس المشاركة الأساسية كتبها ابو صامت في بريدة جزاك الله الف خير جيت على الجرح سمعون تراي ما تكلم عن الدين واهل الخير والصلاح الي مشهود لهم به لكن راح التكلم عن فئة دخلت معهم وهم اصلا مهم اهل علم .وفقه.. يا اخوان اقول لكم انتبهوا منهم والله اني اعرف حالات كثير وراح الذكرها لكم وحدة تقول كنت اعاني من عين وكنت اتنفل بين الرقية الجماعية والرقاة الخاصين تقول والله لو تشوفون اخطاءهم ما خليتوا ماحارمكم يرحن لهم .......هذا يحط يده على ارحام النساء واحد يكشف حجابهن حتى ينفث ليحترق المس !!!!!!!!!! عجيب وش هالكلام يا اخوان والثاني يصعق بالكهرباء وغيره يكشف وجهها ويسعطه...... لاحول ولا قوة الا بالله والثانية قصته عجيبة مع الرقية تقول تنقلت بين الرقية العامة والخاصة المهم تقول استمريت عند راقي ...... هالراقي هذا انفتن بالبنت جلس يدهن صدره بالزيت مع وجود محرمه وهالمحرم ساكت ياحول يدور الشفاء لأخته زاددت الفتنه اخذ يفتح وجهها ويحلف بالله انه ما يناظر والمشائخ قالوا كانت الحاله كذا يجوز مس المرأة ... المهم صار يكلم البنت بكلام فاحش ما ينقال لزوجة بحجة ان المس يندحر !!!!!!!!! المهم البنت تنكر وهو يقول له لازم تكلمين حتى تقهرين الجني !!!!!!! عجيب والله هل يرضونه لبناتهم ّ!!!!!! المهم طلب منها ان ترسل صورتها بدون علم اهلها البنت اقتنعت تقول هذا مطوع ويقرأ ؟؟؟؟ ارسلت البنت صورته ؟؟ اعجب هذا الراقي بالبنت وخطبها من اهلها وقال لازم تزوجون البنت عشان تشافى وهو اصلا انفتن به. اقتنعوا الأهل وعقدهذا الراقي على هذه البنت يوم عقد عليها بدون دخلة جلس يقرأ عليها ويكشف وجهها ودخلها بالغرفة وشوفوا وش صار ويوم خلص حاجته تردد على الدخله وقال خلينا كذا احسن المهم البنت خافت على نفسها واصرت عليه بالزواج وبعد متزوجها جلسها اسبوعين وطلقها؟؟؟؟؟؟؟؟؟ وش رأيكم بهذا والثانية خذها وبعد ما حملت منه وجابت ولد طلقها يا اخوان والله قهر حملوا البنات وهن اصغار وش ذنبهن ؟؟؟؟؟؟؟

هلاوالله ابوصامت ....ردك وان كان طويلا ولكن فيه من القصص المشابهه ماتشيب منها الرؤوس وكلن يعرف الاعيب هؤلاء المرتزقه باسم الدين حمانا لله وذرارينا واياكم ولكن لماذا لايعاقبون كمروجي المخدرات والخمور فهم ذوو جرائم عقديه اخطر من المخدرات والخمور ؟؟...فالمروج والقاطع خطره بائن ولكن هؤلاء المتاجرين بارواح الناس والعابثين باعراضهم يشوهون صورة الدين والرقيه الشرعيه وخطرهم عظيم ......نسأل الله السلامة والعافيه