[مدحت شوقي بريده]

اقتباس المشاركة الأساسية كتبها ابو بكر شكرا مدحت شوقي على ابداعاتك و يا زين اسم موضي زيناه خلاص ابي اغير اسمي من ابو بكر الى ابو موضي و دمتم سالمين

ابو موضي ..

هلا والله بك يابعدي ..
يالبي لو تعرف معتى اسم موضي تسان تهون ..
لو تبي تنشد احد قالك اسم موضي .. يعني مضيئة ومنورة ..
لايالبي .. اللي يقولك هالحتسي ترى مايفهم باللغة ..

وأنا وحيث اني من علماء اللغة بزمننا هذا ..
وحيث إني مؤلف كتاب .. ( هنا الاساااااااامي الزينه .. للي يقول وينه )

فاأنا اقولك إن اسم موضي عكس اللي يقولون النااااس ..
( مو ) ( ضي ) يعني مهوب نور ولا هنا نور ابد ..

ومشكور يالبي ..

سي يو ..

[مدحت شوقي بريده]

اقتباس المشاركة الأساسية كتبها المتألقة إبداع سلمت "خودهافز"

المتألقة ..

شكراً لكي على مروركي الكريم ..
خودها فز .. <<((== يعني خذها وقم بسرعة ..

اقتباس المشاركة الأساسية كتبها بقايا ذكريات مدحت شوقي بريدهـ :: / مستقبل خيال حرفك القصصي في العامي واعدٌ وبقوهـ تدون بها ما يجول بفكرك أو يتداولونها عبر رسائل " البلوتوث " فلها نجاحاً مذهلاً وبكل تأكيد بين أوساط الكثير فكر بالوضع جيداً بكتابٍ صغير يحمل أجزاء قصصك الرائعه دمت رائعاً يا ابا إبراهيم ., أحبكـ جداً " هل تذكر هذي الرساله : [ سأتصل بك لاحقاً ]

بقايا ذكريات ..


هلا والله بالبي ..
يابعدي انت .ز اجل تبين احط هالخذاريف بكتااااااااااااااااب ..
يالبي هذي وشلون تطبعة المكينة ( هاجتن بوه ) والا ( يابعد معاليق تسلوتي )
قسم ان يترجمونه بالخوفو فوفو حق الفراعنة .. <<((== ولو تحسس انه توليفة ..
يابعدي لو اطبع كتاب يبي لوه كتاب ثاني ترجمه للكتاب الأول ..

مشكور يالبي على هالحتسي ..

بعدين وشي هذي سأتصل بك لاحقا ..
والله انه تسحلت من كثر مارسله ..

ياحبيلك يالبي .. أبشر يالبي .. ابرسل وأطبق ..


سي يو ..

[الـصـمـصـام]

..


على فكرة ..
كيف مصلحة الزكاة و الدخل مع جدتك موضي ..؟
و كيفها مع أبو علي ..؟
شكلهم ياخذون من جدتك موضي زكاته و زكاة أبو علي يوم عنده المحل ..

الله يعينا على التناقضات اللي نشوفه و اللعب اللي حاصل ..

[حمود 1]

ماشاااء الله ... أجل موضي جيااان << بسأل جدتي يمكنه تبي خرابيط حريم منه

عقباااااال موضي كارفور

ماتشاركن جدتك موضي؟

جدتك موضي مثابره ..وه يازين الطموح ... بعض ربعنا ماغير يهش ذباب

يازين هالتلميحات منك يامدحت ميرر تبرد التسبد ..

المهم موضوعك خطيرر وفعلا صحيح و يشرح الوضع الحالي ..وطريقتك ممتازه في إيصال أفكارك ..

يعني أتعب وأنا أقـــــول هالموضوع خقـــق..

وين هذااا وش اسموه ..حقين المنتدى ..تاركينن المووضوع تسذااا

أنا جيت بس عشان اقولهم يثبتونوه ..وش يثبتوونوه الا يخلونوه بواجهة المنتدى

مدحت ..الله يسلم يديااتك عساهن بالجنه .. والله يطول بعمر جدتك موضي.. تكفى حب لي راسه ..

[. الأمــــل .]

الله يخلي لكم جدتكم موضي ويازين اسمها

والله ان سواليفك توسع الصدر الله يوسع صدرك بالايمان وطاعة الرحمن

ما نلقى عندكم علك ستيف وبالعود ملون وحلاو طحينيه اذا عندكم وصلوا ونرسل الفلوس

مع ابو اذان هههههههههههههههه

[مدحت شوقي بريده]

اقتباس المشاركة الأساسية كتبها الخفاش هههههههههههههه ههههههه تنسيم جدكـ موضي أجل تبي تلبس كرفته تخيلته وهي تدودل من تحت الحنكة أما ابو علي شكله هامور الحارهـ شكل دقنه يتدودل من كثر الشحم والله مبدع يابو ابراهيم

الخفااااااااااااااااش ..

هلا بيك يالبي ..

يابعدي ابوعلي من زود القرووووش حاطن مخبات بخدودوه .. ..
وقزم ودب ولابسن سديرية وينقم فصفص من زود الفسقة .. ..

بس الذمة خرطي يالبي .. اكلف ماعليه وشلون يكسب ..

اذا مت ظمأناً فلا نزل القطر ..

سي يو ..

...

اقتباس المشاركة الأساسية كتبها GRAF AFAQ متحت أبتل أقول منسم من هنآ لمين فلافل هنية جوعان وما أفطر الغليم ! تشكرات بعد ألبي / ..،

GRAF AFAQ

هلا و غلا بالبي ..

اقول يابعدي فلافل هنية وش تقرب لاسماعيل هنية ..

تشرفت بمرورك يالبي ..

سي يو ..

[كلمنتان]

مدحت شوقي بريدة

والله ابداع وشغل ...............

لي طلب وقل تم ..؟.؟.؟.

أبغاكـ تكتب قصة عن النوادي الصيفية .؟.؟..
تكفى لا ترد طلبي .؟.؟..؟.؟.؟.؟.؟.؟.؟

[السبيعي]

اقتباس المشاركة الأساسية كتبها مدحت شوقي بريده <<((== والله الاستشهاد عندوه صفر هالثور .. اللي يغلط انا اصحح لوه الغلط .. روحو لأهلكم يالله .. سي يو ..

نصحتك لوجه الله واخرتها تقول (هالثور)

قال تعالى (ولقد كرمنا بني ادم). لايصح ان تقول لاخوك المسلم(( ياثور))

اتمنى ان تتقبل النصح, هداك الله .

[مدحت شوقي بريده]

اقتباس المشاركة الأساسية كتبها fj Cruiser 2008 قصة نراها تتكرر دائما ً في الواقع (الشراكة ) لكن أسلوب ابداعي بالصياغة ( أول مرة أقرأ لك لأني جديد هنا ) ( قل الصدز ما عمرك ظفيت منه )

Fj Cruiser 2008

يسلموا يابعد معاليق شعر ركبتي انت ..
هالشراااااكة يالبي غير اللي تشوفه ..
يالبي اللي يكد ويكدح هالمسيكين .. واللي يلهف المكاسب هم اجناس ابو علي ..

وسلاااام يالبي ..

سي يو ..

[مدحت شوقي بريده]

اقتباس المشاركة الأساسية كتبها الحلم البعيد ايييييييييييييه يامضمض ان طاعتس الزمان والا طيعيه حكم الاوي يااختي مشكور يامدحت اوي اسلوب يهبل ماشا الله عليك

الحلم البعيد ..

مضمض .. وين يالبي هذا دلع والا صفات الوضوء ..
بعدين وشو اللي طاعتس والا طيعية ..
جدتي موضي دايم تقول ..
وعيشتي مابين أسودٍ ولو ماني رئيس خير من كوني رئيسٍ على شلقة تيوس
وبتلة ترقى فوق الدرج وتقول .. أنا مااركع الا لربي ..

وياويلي جدي سليمان لاشافه تسذا يحمق يقولوه ..
انتي منهبلة والا وش جايتس ..
خلي عنتس هالخرط وحولي لاارقى ادربيتس بس ..

وسلاام ائليكم

سي يو ..

[الصباخ]

مدحت ياويل قلبي على أسلوبك.
أنت موهبة مدفونة.
لازم أشجعك علشان تكتب أكثر من كذا .
تشكر حبيبي.

أقول ما عندك سلف! ودي أسافر لماليزيا .






السبيعي ما ودك تلايط وتخلي عنك الهرج اللي ماله سنع!
مدحت وش هو قايلن علشان تجي تنصحه!
اللي يسمعك يقول إنه قاعدن يسب الدين ويسب أهل الدين!
إذا أنت جيد بالنصح رح انصح السرابيت اللي يحاربون الهيئة ويحاربون الدين وأهله.
حط حيلك بذولاك مهوب بالحمل الوديع مدحت شوقي بريدة.

[●غزآل العآرضية~]

اقتباس المشاركة الأساسية كتبها بريداويه ام الهبال فلزآلكـ توشكـر أبو ابرآهيمـ..

ماأقدر ع الميانة !

: )

أوافق الأخ الفاضل السمو في رده .

شكراً لك .

[العفالقي]

مشكوووووووووووووووووووووووووووووووووووور على هالقصة البديعة المشوقة !!!!!!!!!!!!

[مدحت شوقي بريده]

اقتباس المشاركة الأساسية كتبها العنزي مدحت باشا الله يقطع مصارينك في سبيل الله والله يانا ضحكت حتت الثماله هههههههههههالبي بس ودنا تعطينا سالفه جدك موضي شكله من التواجر منه جدك سعيد الحظ ( هذا اسم سوري )!!

العنزي ..
هلا والله بالبي ..

جدتي موضي مهيب من التواااااجر ..
وماشاء الله ياكثرهم التواااااااااااجر .. المفروض يحولون من عائلة الى قبيلة ..

ماشاء الله مااقعد بمحل الا بوه واحد من التواااااااجر ..

تطلع للبر تلقى شجر وحجر وخضرة وواحد من التواجر ..
تروح للبحر تلقى سمك وموج وسيارة عسكريم وواحد من التواجر ..


والله يخليهم لنا يالبي يكفي انه اسرة يفتخر به اهل القصيم قاطبة ..
صحيح كثارين ماشاء الله بس كلهم بهم خير واهل خير ..
الله يخليهم لهم ..

سي يو ..