[أبو ريّـان]

بدر بن عبدالله .

اقتباس كنيتي أبو فيصل مثل ما قال الحلو الصمصام، وكما هو واضح من التنسيق

أنت خلن من التنسيق <<--- قاهرن
لكن كنيتك ذكرتن بموضوع ودي أنزله لكني متكاسل أكتبه .. واسم الموضوع
~~يوميات فيصل ~~.. وهي مجموعة قصص .. لكن يبدو إن موضوعي هذا يبي يصير سالفة موضوعك اللي بالتوقيع .. الجزء الثاني من المعهد العلمي .
ماراح ينزل الموضوع إلا بشهر ذو القعدة من عام 1432هـ .

اقتباس لأنه دابل تسبد جروح وجايبن له المر علشان كذا منب مغير التنسيق

هو بس جروّح ..
لكن ماعليك من أحد خلك متفرد وقوي,,,,
ولك شخصيتك لإنك في هذه الفترة تحتاج لتمرين وتقوية الشخصية حتى إذا جت المدام وإذا أنت ثابت الجأش قوي العزيمة . . لاتزلزلك أي قناعات .


بدر بن عبدالله .
يا أخوان أنا أحب أعرفكم على حبيبنا بدر..
رجل متواضع وحبوب .. وطاهرن قلبه .. أدعوا له بالتوفيق ,,, والزوجة الصالحة والوظيفة العاجلة . تكون الوظيفة بمدرسةٍ قدام باب بيتهم
.والله يستاهل كل خير .
آآمين .


خريش

اقتباس بالنسبه لي انا ابو ثابت شكراً جزيلا ا حبيبي ابا ريان على هذه الاطروحات الرائعه وهي تمثل عن روعتك

أبوثابت أسأل الله أن يثبتك بالدنيا والأخرة .. والروعة الحقيقية هي مرورك وطيب أخلاقك .









.


.

[قم قاعد]

انا ابو مصطفى على امي هيله

الصدز اني ابو فيصل

[<..الحكيم..>]

،،


بالنسبة لكنيتي نادن بالي تبي أبو عبدالله أبو سليمان أبو الي تبي << حلوة ذي أبو الي تبي

يعني بالعربي خذ راااحك ..


،،

[أبـو أسـامـة]

^



هلا والله بأبومصطفى قصدي أبو الي تبي

[الصباخ]

على طاري أبوالدرداء فيه واحد سمعتهم ينادونه أبوالقعقاع والله ياهي صعبه..

اقتباس المشاركة الأساسية كتبها الـصـمـصـام الصباخ : أبو ريم <== اسم الحركي .. و الحقيقة أبو سليمان

ياحبيل قلبك يابوعزيز..
اجل طلع لي اسم حركي وحقيقي ..
تصدق نص أخوياي ينادونن أبوسليمان ونصهم أبوريم..
عيال عمي وأقاربي ينادونن أبوسليمان..
غيره ماعندي ..


أبوريّان تُشكر على هالموضوع..

[أبو ريّـان]

.

اقتباس أنا لي فترة وأنا أفكر ورااهـ كنية [ أبو سليمان ] طاغية وله شعبية بهالمنتدى

أجل طاغية . . الله يستر .. لكن موب بس بهالمنتدى إلا بالديرة فماتدخل مجموعة إلا و تلقى واحد يخطم كنيته أبوسليمان .

اقتباس أبو ريان /

عيون أبوريّان أنتَ . آآمر ياقلبي .

اقتباس وهـ بس تسيف أنا أحبكـ

.. ؟ ماعندي كلام !!! لإنك عارفن وش لك بالقلب .

اقتباس ياخي مثلكـ أنا بعض المرات أبلش بالرد علشان الكنية

لا لا .. مادام فيه الموضوع هذا ماراح تبلش . . لابلشة بعد اليوم ؟

اقتباس نسيت أقول كنيتي شكل البنج مابعد فكـ

الله يستر عليك .. تدري واره البنج مافك ؟؟.. لإنه لايريد فراقك أيها الحبيب .<< --- أبوعمر معك سلف

اقتباس أُلقب بـ أبي عمر و الحمد لله هالكنية منذ الطفولة الريئة ولن تتغير بإذن الله

ماشاء الله .. أجل ماراح تتغير نشوف نشوف والله لاجت المعزبة,,, إن تنسى طفولك ؟


سلام .
الدعساوي أبوعبدالله .

اقتباس قسم بالله اتهن كلهن بالمقص وخاصة اللي بالاحمر , ولو عندك فراسة

اقتباس بديت أخاف منك عاد الثانيات , مااقدر احكم على نفسي , اسأل احد يعرفن ويجاوبك

.
هلا .. تبي غيرهن .. عندي لك صفات كثيرة <<-- عاد لاتنملد
وعاد يالله دبرنا بواحد يعرفك . . على العموم حياك ربي .


أبوسـر .. أو أبوعبدالعزيز .

اقتباس أمّا في ردهات الواقع <<< تكفون أقرو ردهات مرتين تراي تعبن عليه ..

اقتباس فكنيتي أبو عبدالعزيز ..

أجل ردهات .. ليتك تجمّع مثل هالكلمات هذي وتلونهن وتحطهن بالساحة المفتوحة صدقني راح تصير مثقف

وش رايك .. أتفرس عليك .. بما إن كنيتك أبوعبدالعزيز .
1/ أنت شخص تجتهد بالعمل الملقى على عاتقك . وتنغث إذا قطعك أحد عنه .
2/ أنت بك فوضوية بأغراضك .. مثل الغرفة وداخل السيارة .
3/ الفوضوية اللي بك زينة ,,, لإن نتايج فوضويك تطلع رهيبة .. مثلاً تبي تحل واجب طالبه منك المدرس أو الدكتور ..
تلقاك حوسه وقلم هناوقلم هناك والدفتر مجدوع ,,لكن مع الفوضوية هذي يطلع الواجب مضبوط المضبوط
لكن به شيء ملاحظه على اللي كناهم أبوعبدالعزيز
أنا صديق لي إما حر وإما برد. ياكذا أو كذا ؟
عاد ماأدري هي سمة غالبة على اللي كنيته أبوعبدالعزيز ولا لا .
أحيانًا يستلم الجلسة سواليف ويشغلنا ..
وأحيانًا يسكت طوال الوقت ثم يجدع كلمة يفطس على إثرها القوم من الضحك ..
وأبوعبدالعزيز هذا سيارته أنواع الدقشات ..مبلي يحول ويبطي مايصلح الصدمة والله من الإهمال .
ويتبهذل ويتنكد إذا بغى يراجع الدوائر الحكومية ..
شف عاد يابو سر أنا قايلن لك تراه ماسكتن تفرّس ولا علي منك .

أباعبدالعزيز .. حُضوركَ هُنا زادَ من فرحتنا .

اقتباس عذراً أبا ريان

أنا ما أقبل إعتذارك تدري ليش.. لإن الموضوع هذا موضوعك ..


الضمادا .. أبوفايزة .

اقتباس كنت : أبو سليمان .. وكنت : أبو عزام .. وكنت : أبو عبد الله .. وكنت : أبو فايزة << عيارة . الله لا يبارتس بعدو اللي تعير بي . . و رسينا على : أبو جاسر .. والله المستعان .. >>

شف يا بوجاسر ترى ماتعلق إلا الكنية اللي ماتبيه .. يعني ودك بكنيتك تنتشر قل للعيال .. إن هذي الكنية أكرهه .. لإن خابر بعض الشباب يحب العناد ويدور الغثا لرفيقه ..

وحياك ربي أبو جاسر .

الغالي جروّح .. أبوعبدالله .

اقتباس حبيبي آبو ريآن .. يمكن آعرفك ويمكنك معرفن بنفسك وآنآ نآسي .. ( لكن السؤآل وش يدريك بأسمي .. )

اقتباس آنشطب رآسي

أتشرف كثيراً بمعرفتك .. ولا أظن أني قد عرفتك بنفسي .. لكن دريت باسمك من ردود بعض الأعضاء أظنه أخو دريحم <<--- رسالة مبطنة لأصحاب أخبار بريدة إنهم يشاركوننا
.. والحقيقة مثلك لنا الشرف بمعرفته .




برنس بريدة .

اقتباس هلا والله بحبيب القلب ( أبو ريـــّان )

هلا بحبيب الفؤاد .. أبوروميو .

اقتباس عز الله إنه فراست(ن) جيدة ، جبتهن بالمقص يابو ريّان ويلوموني فيك < هجت به رقم 4 و 5 ماجربتهن والله

جربهن وعلمنا وترانا بانتظارك ؟ أقرب محل سبحات .. وشف هي تصبر السبحة معك ولا لا .. خاصة إذا كنت مبلي برفيق(ن) يجحد,, فعز الله مايصبرن ولا يوم .

اقتباس أبو ريّان شكلك راعي سوااليف وحركتات ، ودي أمسك بك خط عنيزة ونفلّه < عسى ماتكلفت بس

عاد مالقيت إلا عنيزة <<-- ريحة تعصب .
لا طريق عنيزة قصير مايمدين أنتصف بالسالفة إلا وحنا واصلين
إلا تسان نأخذ أشواط ناصل عنيزة ونرجع لبريدة وعلى الحال لمين تقضي السواليف . <<-- تخيل والله من وجع الراس .

لكن يلزمنا طريق طوويل مثل طريق مكة .
لكن أخاف إذا وصلنا عفيف وإذا السواليف قاضية وتبدأ تعطين وأعطيك من الأرانب ..
أبعطيك فائدة إذا صرت بسفرة فلاتقضي كل سواليفك بطري الروحة خل بعضهن بالرجعة ..

أنا لي صديق الله يذكره بالخير ما أقدر أسولف عنده
كل سواليفي يعرفه إلى درجة إني إذا بديت بالسالفة ..
قال: هه تراك قايلن لي السالفة قبل شهرين هه نسيت
لذلك أفرح إذا صار لي موقف عشان إذا شفته يصير عندي شيء جديد

وحياك الله أبوعبدالله .

.

.

[الباسق]

شف أنا منب قاعد أقول وكنت وكنت وقالي فلان وصار علي تسذا وأقعد أقص لكـ قصّة حياتي , أنت تبي الزبدة ولا لا
أنت تبي بالضبط و وش انا رسيت عليه من الكُنى مهب مثل بعض الناس قعد ساعة يحتسي >>> طيّب أنت وش محرقٍ رزّكـ

أنا طال الله عمركـ على طاعته كنيتي : أبويـاسـر

أمّا هل سيتغيّر ولا لا ؟؟
ولله الحمد أنا متزوّج , وأعترف من اللحين قبل يجي الرضيع >>> بغيت أقول الكتكوت همن يجيكـ واحد ينكّت ويقول وراهـ دجاجه همن عاد دوّرن انا أعلق على طول من اللي تسذا
إيه أقول لكـ سيتغيّر وذلكـ من رغبتي أنا وليس من الوشسمه

مشكور حبيبي أبـوريّـان وهـ بس

[أبو رزان]

ياهلا والله ببو ريــان

وشلونك ياخلفهم

بالنسبة لي كنت أبو صالح على جدي صالح الله يخليه لنا

ويوووووم جان الولد ومير أزهم على أبوي وأبشرهـ << يا كثر قرقهـ هالآدمي

وقلت له وش رايك يابيي أسميه عليك << لا تحسبون أبوي إسمه رزان

وقال بكيفك قلت تراه على إسمك

وصرت من يومه وأنا أبو علي << وش صار مع المعزبة ؟؟

اللي صار يوم جان ولد ثاني قالت لي إيه هين تسميه صالح

وانا بشفي إسم صالح على قيدوو << يعني جدي

قالت : أبسميه على أبوي محمد قلت له بكيفتس سميه محمد

عاد أنا ماخفت منه إلا هاكالمرة ولا أنا قوي ترى

المهم جان وليد عقب وسميته صالح

وولدي علي عمرهـ 7 سنوات الله يصلحهم كلهم

نرجع على سالفة رزان وش جابه لكـ ؟؟

قلتي وش جابه هذي كنيتي بعد زواجي لإن رزان

هي الكبيرة ثم صارت الكنيه الإسم الفني << يعني به المنشد أبوعلي



وشكراً أبو ريان على الموضوع الرائع وتقييم 5 نجوم

لإني ودي أعرف كنى بعض الأعضاء << واحد أشهب


,,

[أبو ريّـان]

اقتباس انا كنيتي ( ابو دخيل )

يالله إنك تحيي أبودخيل .. أبو دخيل يا أخي أعتقد إنك رجالن وناسة ..
أحس إن اللقب مطلعه واحد من عيال الفصل
.. أبو دخيل لقب تواضعي يدل على أن هناك ..روح تحب الكشتات وتحب اتعشى بعد صلاة المغرب من أحد المطاعم القريبة ..
يعني على قولتهم خفايف .. وتبي أعلمك اسم المطعم.
<<--- تحملن أبفترسك ..

اقتباس بس هذاي ينادونن العيال به والصراحه حبيته وتعودت عليه ,

صحيح ولكل إمرئ من دهره ماتعودا ..
وأحيانًا تكون ما أقتنعت بكنيتك لكن من كثر ماتنادى به تقتنع رغمًا عنك ..
زي واحد الله يذكره بالخير .. بزع وسمى نفسه أبو نـوح يوم بدت العالم كله تناديه أبونوح عاد غيره لأبوعبدالله .. بش وش عقبه يوم تعودنا

اقتباس مشكوور يابعدي على الموضوع

وأنا أشكرك على مرورك الطيب .






جفنشي .. أبوعمر

اقتباس أبوعمر .

اقتباس من طلعتي من مستشفى الولادة

هههه أجل من طلعك من مستشى الولادة .. شكل الوالد مسجل(ن)
اسمك ببطاقة العائلة وكاتبن عقب الاسم بين قوسين {أبوعمر} ..
لكن يبدو لي إنك بعد ولادتك وأنت طالعن من مستشفى الولادة بيدك سبحة وشماعك على كتفك .. والعقال فوق الطاقية .. لذلك يوم إنك رضيع تزعل على الوالدة إذا مانادتك أبوعمر ..
تقول : يمه وين أولااااه .. تراي أبوعمر هه نسيتي


أنا لي أخو من يوم طلعتي على الدنيا وهو أبوعمر ..
وجاو ولد وسماه عمر .. هذي بشارة لك إن كنية أبوعمر لن تتأثر بالتغيرات الخارجية ولن تتزلزل من القناعات الفيسولوجية وأنها ستعجب المعزبة .

حُضٌوركَ أسعَد قلبي .

.

.

[بدر بن عبدالله]

اقتباس آخ بس يآبو فيصل .. رحت لمشآركتك قلت آبـ آعدل .. مع تحيآت .. ويآ للأسف مآقدرت لآنه من آلآصل .. لو آقدر آحرره كآن والله مآ آخلي لك مشآركه بالكشكول إلا وقشعته ..

هههههههههه، ما تقدر يا جروح مت بغيضك، هماو دابلن تسبدك أبخليه

اقتباس الجزء الثاني من المعهد العلمي .

اسكت أنت يا أبو ريان لا تفضحنا، ثمن يجي أبو سر ويشغلنا، وترى أبو سر بعد حايمتن
تسبده من التنسيق حقي ومشغلينن بعد لكن ما علي منه هو وجروح، كن ما فيه أحد

اقتباس ماراح ينزل الموضوع إلا بشهر ذو القعدة من عام 1432هـ .

الله يهديك يا أبو ريان وراك عجل ولو أثرك حار، لا اصبر زود سنتين بعد.

يا أخوان أنا أحب أعرفكم على حبيبنا بدر..

اقتباس رجل متواضع وحبوب .. وطاهرن قلبه

أبو ريان تكفى لا تشحطن تراي أستحي شف وجهي وش صار>>، وشكراً على الثناء
الذي لا أستحقه.

اقتباس .. أدعوا له بالتوفيق ,,, والزوجة الصالحة والوظيفة العاجلة . تكون الوظيفة بمدرسةٍ قدام باب بيتهم آآمين

إيه هذا اللي نبيه، ادعوا لي تكفون ياشباب، والله يجزاك خير يا أبو ريان على توصية الشباب
إنهم يدعون لي.

اقتباس والله يستاهل كل خير .

والله أنت اللي تستاهل كل خير يا أبو ريان، والله يوفقك لكل خير، اللهم آمين.


سلملم يا عسل.

[أبو ريّـان]

.

[مواقف محرجة مع الكنى]
أذكر في أحد مكاتب الدعوة ببريدة كنت أحضر لبعض الأمور وكان فيه شخص بالمكتب صراحة شخص مجتهد بعمله .. الله يوفقه
المراد إني كنت أول ماأجي أسلم عليه !
وأقوله: [هلا أبوفيصل كيف حالك أبوفيصل .. .. يالله تأمرنا شيء أبوفيصل]


جلست فيما يقارب أكثر من 6شهور وكلما أجي للمكتب أهلين أبوفيصل .. وتسلم ياأبوفيصل وعلى هالحال ..
!
!

إلى أن جاء يوم من الأيام ولما دخلت المكتب وأخذت بعض الأغراض .. إلتفت عليه وقلت تأمرنا شيء أبوفيصل !

قال : سلامك .. بس لحظة ,تراي أنا منب أبوفيصل

أنا أبوعبدالله ... .. من وين لك كنية أبو أبوفيصل .

أبوريّان =(وجه محمرّ)
أبهرج عجزت .. يعني وش أقوله ..أقول إلا أنت أبوفيصل !
وقلت : مادري هاه شكلي مشبه .<<--- 6شهور ومشبه
*
*
على العموم ركبت سيارتي .. وأنا أسأل نفسي وراي أناديه أبوفيصل ..
وزاد الطين بلة إن معي واحد من العيال وبتل يضحك عليّ

صدز في بعض الأحيان فيه حركات يسويه مخك تحرجك قدام الخلق .. ويجيك تفكير مادري كيف !!!
تتمني إنك بهاك الوقت إن الأرض بلعتك.. وهذا حصل لرفيقي بالقاعة <-- يسلك لسالفة جديدة
!
!
الدكتور سأل = ماهو تعريف الدية
طلاب القاعة مسكتين.
فرفع رفيقي يده وبكل ثقة = يادكتور تعريف الدية هي المال المؤدى إلى أهل الزكاة !

الدكتور= موب قعد يضحك إلا بغى يصيح !
طبعًا رفيقي حس بالموقف إنه غلط . وغاص بالكرسي وبدأ يتلفّت
وكل القاعة يناظرونه ويضحكون؟


لذا كلما فتحت له سالفة,,, الدية والمال المؤدى ضاق صدره
حقيقة أشين موقف وأبشع حاجة ..
إنك تخطئ ولا تلقى لك عذر مقنع لذا تلتزم الصمت حتى إشعار آخر !!!

لكن أنا عقب موقف أبوفيصل بديت إذا شكيت بكنية أحد أناديه ياشيخ .. تامرنا شيء ياشيخ .. جزاك الله خير ياشيخ .

وبعد أبوفيصل مخطئ <<--إلى ألحين مبرمج

وإلا من المفترض كان يعلمن من أول ماشافن <<-- واحد يعذر لنفسه




[موقف أخر]
أحيانًا يصير عندك إعتقاد دنيوي خاطئ وتبتل على الإعتقاد حتى لو أنت تعرف إنك على خطأ (طبعًا غير أمور العقيدة والشريعة)
أقصد أمور الدنيا .
أنا لي صديق اسمه عبدالعزيز ويكنى بأبو عمر .لكن أنا عاكس أبو الوضع !
مع إني أدري إنه خطأ
يعني إذا بغيت أسلم عليه .. ومن زمان ماشفته :
أقول : [هلا والله بأبوعبدالعزيز .. ياهلا ياهلا .. وش أخبارك أبوعبدالعزيز .. الحمد لله على السلامة .. وشلونك أبوعبدالعزيز .. وهي يرد ويسلك لي .]

وبعد ما أقضي مسلم عليه وأجلس بحنبه أتذكر إنه أبوعمر
بس وش عقبه .. عقب هالسلام الحار !

لذلك أطق حوله وكأني مادريت إنه أبوعمر .





[موقف ثالث]
عندي بالجوال شخصين كلهم أبوجهاد ..
واحد منهم أمون عليه حتى الثمالة ..
والثاني بوقت الموقف لي تقريبًا أكثر من سنتين ماشفته ولا كلمته ,,مع إن له الحق صارحتن لإني أنا قطوع بالعالم !
يوم من الأيام أخذت جوالي .. وكتبت رسالة لرفيقي أبوجهاد .. وكان اسلوب الرسالة ركيك بما إني أمون على رفيقي (حتى الثمالة)..
لكن يوم إني ناظرت الاسماء والرسايل المرسلة
وإذا الرسالة راحت لذاك أبو سنتين <<-- أقصد اللي ماشفته من سنتين

الصراحة جتن صدمة نفسية وش أحاول ألغي الرسالة !
وش يمديك إذا قال الجوال :تم إرسال الرسالة بنجاح

كأني أشوف الرسالة تطير بالجو ..

قلت بنفسي : والله ياهي فشيلة الرجال من زمان ماشفته ..
وأكيد إنه شرهـ(ن) عليّ ..

وش الحل !!! (وجه ضايقن صدره ويناظر شاشة الجوال)


بعد شهر من إرسال الرسالة .

رفقي أبوجهاد اللي أمون عليه حتى الثمالة !
سلم عليّ وقال: وش رسالك اللي أنت أرسلت لي هاك اليوم .
قلت: أي رسالة.
أنا=صح صح تذكرت .. والحمدلله إذا الرسالة راحت لرفيقي ماراحت للشخص الثاني وتأكدت يوم إني فتحت عيوني صح وشفت الرسايل زين .
وعرفت الفرق !




لفتة / حاول إنك تمايز بين الاسماء اللي عندك يعني تحط حرف قبل الاسم .. وتقدر تفرق بين الأشخاص وميانتك عليهم . حتى ماتصير مثلي .







سلام .




.
.

[مستر:عبدالله]

انا كنيتي ابو البراء
اشكرك يابو ريان على الموضوع الحلو

[hαммαм⊙]

اقتباس لفتة / حاول إنك تمايز بين الاسماء اللي عندك يعني تحط حرف قبل الاسم .. وتقدر تفرق بين الأشخاص وميانتك عليهم . حتى ماتصير مثلي .

لفته أخرى مني ..


هذي طريقة للتمييز بين أخوياك وأقاربك ..


مثلا ..

أحط حرف الحاء لطلاب الحلقة ..

ح. أبو ريان الفلاني ..

أحط حرف العين لعماني ..

ع. يوسف .
ع. ت . لولوة .

وكذلك خوالي على نفس الطريقة لكن أستبدل العين بالخاء ..


و مثلا أخوياي بالدراسة أحط قبل أسمهم حرف الميم ..



أما عن كنيتي : أبو سليــــــمان البريداوي ..

[ابن الإسلام]

أيه أويرك يابو عبدالعزيز ياصماصيمو نسيتن هاالسرع

على العموم أشكر الغالي أبو ريان على الموضوع الحلو زييك
بعدين كنيتك أذكرني بكنيت أحد الشباب عزيز علي بالحيل
أسال الله أن يفرج همه ويرفع قدره
جينا لزبده كنيتي المشهوره أبو سليمان وقد تغيرت فتره من الزمن إلى أبو أنس وذالك عندما طلب مني بعض أبناء دار التربيه بتغيرها إلى هذه الكنيه ثم عت بعدها إلى كنيتي الحبيبه
وهي أبو سليمان وهي أسم الوالد حفظة الله وشفاه
عندما جأت له في صباح أحد الايام بالمزرعه فقال لي وش
عند أبو سليمان فعرفت أنه قد إختارها لي من بين أخوتي السبعه ., وها أنا أدعو الله أن يرزقني إياه