[مدحت شوقي بريده]

اقتباس المشاركة الأساسية كتبها نبوغ الفكر . . . مـــواضـــيـــعـــك أبـــو ابـــراهـــيـــمـــ قـــلـــيـــلٌ بـــحـــقـــهـــا رائـــعــــة . . . بانـــتـــظـــار جــــــــديـــــــــــدكـــ . . .

نبوغ الفكر ..

انت اللي رااائع يالبي ..
وابشر بالجديد يالبي .. <<((== صدق روحه الثائر الأحمر .. الا الثور الأحمر ويخب عليك يالصعيدي ..

مشكور يالبي على مرورك الكريم ..

سي يو ..

اقتباس المشاركة الأساسية كتبها بريداويه ام الهبال , , , , , , يقولون عدمـ الحتسي والضحكـ بصمت أسلمـ فلزآلكـ توشكـر أبو ابرآهيمـ..

بريداوية ام الهبال ..

وشكراً لكي على حضورك الكريم ..

سي يو ..

[مدحت شوقي بريده]

اقتباس المشاركة الأساسية كتبها نورالصباح اختارت الطريق الآخر فخسرت في تجارتها. المشكلة إنها ماشاورتك يوم يجيها العمدة وإلا كان نصحته إنها تشاركه أفضل من تخسر. والدليل على ذلك: (( يسلم عليك البيك .... فرع الرياض )).

نور الصباح ..

يالبي انت .. انا قلت له .. يايمه موضي خلي ابو علي يدخل شريك معتس ..
قسم ان يقلب اسم البسطة من ( بسطة موضي ) الى هايبر موضي ..
هذا احسن مابهم .. انهم يحطون الشي بإسمك ..


ولا تتنازلين عن هالبسطة .. واشرطي عليهم يحطون باب الشنطة قزاز كهرب ..

وسلاااااام يالبي ..

سي يو ..

[مدحت شوقي بريده]

اقتباس المشاركة الأساسية كتبها غنوجة نجد عطني رقم جدك اووصف البيت ابشتري منها ؟؟؟ عنده علك ابوجن...ياهي فله موضي الله الله فيها يامدحت كل شهر تقضى للبسطه ؟؟؟ ؟؟؟؟؟؟(تسلم اناااااملك عليك بالفقس بنكهة الحلب؟؟ يمدحونه؟؟ ) سي يو

غنوجة نجد ..

هذا رد وإلا ( قرآآآآآآن ) من عند ابالخيل ..

وشكراً لكي على مرورك الكريم ..


وجدتي موضي ماتخلي احد يتقضى له ..
كود هي تروح للسوق الداخلي عن ابو عليااااااااااااان ..
وتقعد عند الباب وتقشقش ..
انت هيه ياولد .. عطنا 3 من ابو كرتون احمر هذاك اللي فوق ..
وعطنا 4 من هالكرتون اللي بوه صورة الولد اللي يشبه لسليمان ولد اختي منيرة ..
وهات لي كرتون من البسكوت الدواوير ..

وسلااام ائليكم ..

سي يو ..

[مدحت شوقي بريده]

اقتباس المشاركة الأساسية كتبها الـصـمـصـام .. على فكرة .. كيف مصلحة الزكاة و الدخل مع جدتك موضي ..؟ و كيفها مع أبو علي ..؟ شكلهم ياخذون من جدتك موضي زكاته و زكاة أبو علي يوم عنده المحل .. الله يعينا على التناقضات اللي نشوفه و اللعب اللي حاصل ..

الصمصاااام ..
هلا بمشرف الساحة المفتوشة ..

اقتباس و كيفها مع أبو علي ..؟

والله لو اني ماعرفك كان اقول اسمك راااااااااامي على هالحتسي ..
اقول اظبط حنتسك لااجي اطحلك ..


يالبي جدتي موضي ماتعرف لامصلحة زكاة ولا شي ..
تجمع الزكاة وتعطيهن جدي سليمان يوزعهن على الفقراء والمساكين ..
وبتلة جدي سليمان يشحذ منها .. ويلعب عليه ياويلي ..
ويقوله انا من العاملين عليها .. ومن المؤلفة قلوبهم بعد ..
همن تقول لوه جدتي اها بس لاتقعد تولف علي ..


يالبي مصلحة الزكاة والدخل .. والله ماتدري وين يودون قروشك ..
يقولون انهم يودونهن للجمعيات الخيرية ..

بس الظاهر ان اغلبهم يقسمونه على ( العاملين عليها )
يعني اللي لهم مصلحة الزكاة والدخل


الصمصاااااااام .. شكراً لك على تواجدك ..


سي يو ..

[مدحت شوقي بريده]

اقتباس المشاركة الأساسية كتبها حمود 1 ماشاااء الله ... أجل موضي جيااان << بسأل جدتي يمكنه تبي خرابيط حريم منه عقباااااال موضي كارفور ماتشاركن جدتك موضي؟ جدتك موضي مثابره ..وه يازين الطموح ... بعض ربعنا ماغير يهش ذباب يازين هالتلميحات منك يامدحت ميرر تبرد التسبد .. المهم موضوعك خطيرر وفعلا صحيح و يشرح الوضع الحالي ..وطريقتك ممتازه في إيصال أفكارك .. يعني أتعب وأنا أقـــــول هالموضوع خقـــق.. وين هذااا وش اسموه ..حقين المنتدى ..تاركينن المووضوع تسذااا أنا جيت بس عشان اقولهم يثبتونوه ..وش يثبتوونوه الا يخلونوه بواجهة المنتدى مدحت ..الله يسلم يديااتك عساهن بالجنه .. والله يطول بعمر جدتك موضي.. تكفى حب لي راسه ..

هلا بالبي حمودا ..


يابعدي انت .. اجل جدك تبي خراااااااابيط منه ..
وش تبي يالبي غير جلاااااااااااال صلاااااااااة وعلك لباااااااااااان ..


وبعدين انا قايلك جدتي موضي ماتبي شراااااكة مع احد ..
تقول يبي يكتبون تسذا ( شركة موضي وجدة حمودا القابضة )
يعني انا ماأحصل شي .. جدة حمودا هي اللي تقبض القروش ..


وأجل المثابرة ..
انت تدري انه علقت خالي علي بمروحة الصالة علشانه قال انتي مثابرة ..
تقول ماعااااااد الا هي انت يهالبقطة تبين انثبر ..



حمودا ..
اسكت ولاتقول شي للمشرفين .. عسى الله يفك الموضوع لاينقل ..
وانت تقول يثبت ..


مشكور يالبي ..

سي يو ..

[مدحت شوقي بريده]

اقتباس المشاركة الأساسية كتبها . الأمــــل . الله يخلي لكم جدتكم موضي ويازين اسمها والله ان سواليفك توسع الصدر الله يوسع صدرك بالايمان وطاعة الرحمن ما نلقى عندكم علك ستيف وبالعود ملون وحلاو طحينيه اذا عندكم وصلوا ونرسل الفلوس مع ابو اذان هههههههههههههههه

الأمل ..

منهوا ابو إذان فرقعين جدي ..
او قصدك هذا اللي حاطن ايديه بإذانه يبي يأذن ..


اما اسم موضي زيييييييييييييييييين .. يبلغ إن شاءالله ..


وشكراً على مرورك الكريم ..

سي يو ..

اقتباس المشاركة الأساسية كتبها v.i.p مدحت شوقي بريدة والله ابداع وشغل ............... لي طلب وقل تم ..؟.؟.؟. أبغاكـ تكتب قصة عن النوادي الصيفية .؟.؟.. تكفى لا ترد طلبي .؟.؟..؟.؟.؟.؟.؟.؟.؟

[/CENTER]

في آي بي ..

ياحبيلك انت يابعد معاليق حواجب جدتي موضي المتدودلاات ..

ابشر يالبي .. من عيوني تآمر آمر ..

بس بشرط .. يخلون جدتي موضي تزورهم ..
ويسكرون المقصف .. ويحطون له ركن لبسطته ..

ومشكور يالبي ..

سي يو ..

.

[سليل المجد]

مبدع ابو ابراهيم

وش جاب لك عيال التواجر !!

[مدحت شوقي بريده]

اقتباس المشاركة الأساسية كتبها الصباخ مدحت ياويل قلبي على أسلوبك. أنت موهبة مدفونة. لازم أشجعك علشان تكتب أكثر من كذا . تشكر حبيبي. أقول ما عندك سلف! ودي أسافر لماليزيا . السبيعي ما ودك تلايط وتخلي عنك الهرج اللي ماله سنع! مدحت وش هو قايلن علشان تجي تنصحه! اللي يسمعك يقول إنه قاعدن يسب الدين ويسب أهل الدين! إذا أنت جيد بالنصح رح انصح السرابيت اللي يحاربون الهيئة ويحاربون الدين وأهله. حط حيلك بذولاك مهوب بالحمل الوديع مدحت شوقي بريدة.

الصباخ .. <<((== هذا اسمك والا إفغاني يقول الصباح ..


واحبيلك تبي سلف علشااان تروح اتندح بماليزيا ..

تصدق عاااااا يالبي إن نص هاللي تشوفهم يصيفون بماليزيا وجنيف ..
متسلفين قرووووش السفر .. مايدرون إن المصريين يقولون ..
( اللي مامعهوش .. مايلزمهوش )

يعني لو مايتسلفون ويقضون صيفهم بعرعر كان ابرك لهم ..
ويخلون عنهم الدعدة ..

وسلاااام يالبي ..

سي يو ..

[mr.khaled]

..

ياحبي لبسطة جدتك موضي



طيب ما عندها صرف خمسـ ـتريل

..

[مدحت شوقي بريده]

اقتباس المشاركة الأساسية كتبها صــــبا ماأقدر ع الميانة ! : ) أوافق الأخ الفاضل السمو في رده . شكراً لك .

صبا ..
شكراً لكي على حضورك الكريم ..
وبالنسبة للسطرين الأخيرين ..
لو ماححطيتهن كاااااااااااان هاللحين الموضوع من كثر ماينقل ..
مايوقع ولابيطلبكم الحل ..

سي يو ..

اقتباس المشاركة الأساسية كتبها العفالقي مشكوووووووووووووووووووووووووووووووووووور على هالقصة البديعة المشوقة !!!!!!!!!!!!

العفاااالقي ..
الشكر لك يابعدي انت ..
بعدين وشي المشوقة ..
أنا آخر علمي الممشقة .. هذي اللي اعرفه ..

ومشكور يالبي ..

سي يو ..