[سحابة عابرة]

السلام عليكم ورحمة الله وبركاته ..
اليوم جايبه لكم حلـــــــى ولا أروع ,, جربوهـ ما راح تخسروا ..

حلى بسكويت جوزاء ..

الطريقـــة ..
بسكويت جوزاء ...
تصفينه بقاع صينية بايركس .. طبقة وحده بس ..

بعدين تحطين فوقه التوفي ..
وتوفي >> انتي تسوينه اذا تعرفين .. مقاديرهـ >> كأس سكر .. نص أصبع زبده .. علبة قشطه ..
تحضيرهـ .. جيبي قدر صغير وحطي كأس السكر حتى يذوب مع التحريك المستمر ..
بعدين اذا ذاب حطي نصف أصبع الزبده .. حتى تذوب مع التحريكـ ..
بعدين حطي علبة القشطة مع التحريكـ السريع حتى ما يتعقد .. بعدين اذا حركتيه وخلص بعديه عن النار و حطيه فوق بسكويت الجوزاء بشويش عشان ما ينحاس البسكويت ..
ملحوظه >> جربت طرق للتوفي هذي أحسن طريقه .. وسهله ولذيذه بنفس الوقت ..

بعدين >> تحطين بالخلاط .. علبة زبادي .. 7 فناجيل حليب بودرة .. 3 فناجيل سكر ..
وتخلطينها تقريبا 5 دقايق بالخلاط بعدين حطيها فوق التوفي ودخليها بالفرن من فوق بس حتى تتجمد الطبقه بدون ما تتحمر ..

طلعيها من الفرن وخططيها بالهرشي بأستخدام الشوكة ..

بعدين حطيها بالثلاجه .. لحتى تبرد تقريبا ساعه ..
وطلعيها وقطعيها بأي شكل ترغبينه سواء بقوالب المعدن او قطعيه مربعات بس القوالب أكشخ ..

وكذا شكله قبل التقطيع ..



وقطعته انا بقوالب القلوب والدوائر ..
وكذا شكله بالنهايه ..






صحة وعافيه على قلوبكم حبيباتي ..